کۊمیتەو گەلا و ئایینەکاو کەجەکەی بە بۊنەو دەسپەنەکرڎەی ڕۊچۍ موحەڕەمیوە ئەرەیاوناش، جمیەروو ئازاڎیی کورڎستانی 'جمیەرێوە حسێنیی موحەڕەمینە' و داواش جە گرد کەسێوە کەرد، کە بەشداریی ڕیزەکاو کۊشیای دیموکراسی و ئازاڎی با.
ئەرەیاونیاو کۊمیتەی گەلا و ئایینەکاو کەجەکەی سەبارەت بە ڕۊچۍ موحەڕەمی:
"ڕۊچۍ موحەڕەمی کە مدرامانوو کەربەلاین و بە پەرستش و ڕاز و نیاز یادش کریۊوە، دەسش پەنە کەرڎەن. عەلەوییەکۍ و مسوڵمانۍ شیعۍ چی موحەڕەمەنە ڕۊچۍ گێرا و کۊشیای حەزرەتوو حسێنی پەی ماف و دادپەروەری یاد کەراوە. ئێمە سڵام چا مدرامانەیە کەرمۍ، کە ویژدانوو ئینسانیەتی بەزیندەیی مازۊوە، ماچمۍ ڕۊحوو ئانیشا شاد بۊ، کە مدرامانەکانە مەرڎێنۍ و خێرە و بەخشایەکاو عاشوورای و مسوڵمانە شێعەکا قبووڵە بۊ.
مشۊم گرد کەسێوە ساعیب ویژدان دژوو ناهەقی و ستەمی کەربەلانە مرڎۊوە
جە کەسایەتیی حەزرەتوو حسێنی و هامڕایاشنە و گەشمەرڎاو کەربەلاینە، بەهاو ئینسانیەتی مشۊم یاد کەرمێوە و زیندە بازمیشۊ. وەروو ئانەیە کە کەربەلانە وێگێرییشا کەرد، نموونۍ گەورەو دڵسۊزیی گەلاو وەرکەوتوو دلیڕاسەینۍ بۊ مافی و دادپەروەری، دژوو ستەمکارا سەرچەمەو مدرامانی و قووڵایی زانابییەی ئازاڎی وزا ڕووە. مشۊم گرد ئینسانێوە ساعیب ویژدان دژوو ستەمی گەورەی کەرەبەلانە مرڎۊوە. هەمان وەختنە ئانە نموونێوە فرە وچکلەن، کە ئینسان چەنی متاوۊ هەڵوێست دژوو هێزە دەسەڵاتدارەکا، کە پەی بەرژەوەندیی سیاسیی وێشا نکۊڵی و سڕیەیۊ سەپنا، وربگێرۊ. مدرامانوو حەزرەتوو حسێنی و هامڕایاش کەربەلانە نوێنەرایەتیی هەڵوێستی ڕەواو و ڕاسی وەراوەروو چەوسنایۊ، ستەمی و ئەشکەنجەدای گەلاو وەرکەوتوو دلێڕاسەین. ئا هەڵوێستە تاریخەنە بییەن بە گوزارشتی بەرجەسە جە ڕۊح، بڕوا و هۊشیاریی دماییناماو ئازاڎی جە خاکوو وەرکەوتوو دلێڕاسەینە.
مرڎایۊ دژوو یەزیدەکاو ئی سەرڎەمی بە ماناو زیندەییئاستەیۊ یادوو حەزرەتووحسێنین
چی مانێنە مرڎایۊ دژوو یەزیدەکاو ئی سەرڎەمی، کە بە هجووم، دروۍ و خەڵەتنای گلێرگەی نکۊڵی جە ئایینی، زوانی و کولتووروو ئادیشا کەرۊ گەلۍ کۊکوش کەرۊ، بە بەزیندیییئاستەیۊ یادوو حەزرەتوو حسێنی و هامڕایاش هاممانا بۊ.
حەزرەتوو حسێنی خەتۍ وئشناسنامێوەن، کە مدرامانوو عەلەویەتی وێنا کەرۊ و دژوو زۊرڎارا کۊشیای مافی کەرۊ. ئارۊ جە گرد وەختێوە زیاتەر پێویسما پا خەتۍ هەن، کە عەلەوی جە ڕاو ڕۊچۍ و پەرستشەکاشاوە گردوو مانگەو موحەڕەمی و عاشورای یادش کەراوە و هەوڵۍ مدا، زیندە بازاشۊ. مرامانوو کەربەلای و هەڵوێستوو حەزرەتوو حسێنی زیاتەر جە گرد لایۍ ئارۊ چڕۊ وەنەو عەلەوییەکا، کە وێشا بە ساعیبوو حەزرەتوو حسێنی بزانا. بە بۊنەو ئی ڕووە گەورە ڕۊحییاوە، ئێمە گردوو عەلەوییەکا داوا کەرمۍ پەی حسابپەرسایۊ دلێنە و ئانەی پەرسا، کە ئێمە چەنی متاوا قەوەتتەر، زیندەتەر، گەورەتەر و یۊگێرتانەتەر دژوو ستەمی مردمێوە. جارێوەتەر ویروو عەلەوییەکاش مارمێوە، دەهێنینەوە کە عەلەوییەکۍ قابلۍ حەزرەتوو حسێنی با. وەروو ئینەیە و فرەو سەبەبایچ کە زەروور نییا چێنە باسشا کەرمۍ، وەروو ئانەیە بە کۊشیای هامبەش دژوو یەزیدایەتیی، کە چی سەرڎەمەنە هەن ویەرۊ، موحەڕەم چێنە ماچۊ بە عەلەوییەک کە چەنی هێزە دیموکراسییەکا دژوو فاشیزموو ئەرڎۊغان باخچەلی کۊشیا. بڕواما هەنە کە کۊشیای دژوو یەزیدایەتی، کە لاو ئەرڎۊغانیوە تازە کریانۊ، هەرمانەو گرد کەسێوەنە، کە وێشا بە ساعیبوو حسێنی بزانا و هومێد کەرمۍ، کە ڕۊچۍ موحەڕەمی بۊ بایسوو چەنەپەرسایۊ چانیشا کە ڕا جە بڕوۍ و مەبارەکی گێرا.
مشۊم گردکەس بەشداریی ڕیزەکاو کۊشیای دیموکراسی و ئازاڎی بکەرۊ
عەلەوییە بەڕێزەکا:
پێسە گلیرگەی عەلەوی ئێمە خێرامای ڕۊچۍ موحەڕەموو ئێساڵۍ بە کۊشیای دژوو ستەمکارا، دژوو یەزیدەکاو ئی سەرڎەمەیە کەرمۍ. بەتایبەتی ئەو عەلەویۍ لە کورڎساننە و تورکیانە مژیوا، بە فشار و ئەشکەنجە، چێروو هجوومی پاکتاو و تاونایۊ کولتووریینە هەوڵۍ مدا ئاینوو وێشا بپارێزنا. عەلەوییەکۍ ئارۊ دژوو دروا، تاڵانی، ئەرەگیری، گۊشەگیریی یەزیدەکا، کە ماف و یاسا مەشناسا و ژیوای فاڕا پەی زیندانی، هەوڵۍ مدا کەربەلای بەزیندەیی بازاوە. بۊنەو یادەکەیۊ ئارۊ گەرەکمانە ئەرەیاونمێش، کە ڕاو زیندەئاستەیۊ حسێنیەتی ئارۊ دژوو تاونایۊ کولتووری، گۊشەگیری، پاکتاوی کولتووری، تاڵانکاریی ژیوگەی و فاشیزمی تندکەرڎەیۊ کۊشیای دیموکراسی. بە بۊنەو ڕۊچۍ موحەڕەمیوە ئەوەڵۊ عەلەوییەکۍ، داوا وەنەو گردوو ئانیشا کەرمۍ، کە ئاواتەوازۍ ئازاڎی و دادپەروەرینۍ، پەی ئانەیە پەرە بە کۊشیای دیموکراسی بدا. ئێمە داوا جە شۊنکەوتاو گردوو ئایینەکا بەتایبەتی مسوڵمانە شێعەکا کەرمۍ، کە بڕواشا پانەیە هەنە حەزرەتوو حسێنی پەی ئینسانیەتی کۊشیۊ و مدرامانوو ئادی بە ڕەوا وینا، دژوو فاشیستتەرین ڕژێموو وەرکەوتوو دلێڕاسەی ڕژێموو سەنتزوو تورک- ئیسلامی جە بەرێوە هامبەشنە کۊشیای دیموکراسی گەش کەرا.
بۊنەو ڕۊچۍ موحەڕەمی و ڕۊچی عاشوورایۊ جارێوە تەر هومێد خوازمۍ، کە ئانۍ دڵشانە هەست بە حەزرەتوو حسێنی کەرا ڕۊچۍ و خزمەتوو هەر دوانزە ئیمامەکاشا دەفتەروو کرڎەوەکاشانە پەی بنویسیۊ. داوا جە گردوو هۊگراو حسێنی کەرمۍ، کە حەزرەتوو حسێنی و ئانۍ گەشمەرڎۍ بیۍ جە کۊشیانە دژوو ستەمینە بەزیندەیی بازدێشاوە. ڕابگرن. بە بۊنەو ئی ڕووەیۊ ئەرەیاونمێش، کە کۊشیای ئازاڎیی کورڎستانی، کە جمیەروو حسێنی هامچەرخین جە کۊشیای وێشنە یادی ئادیشا بەزیندەیی مازۊوە و ئێمە داوا جە گرد کەسێوە کەرمۍ، کە بەشداریی ڕیزەکاو کۊشیای دیموکراسی و ئازاڎی با".
س.ز
