کۆمەیتەو گەلا و باوەڕییەکا کەجەکەی بە ئەرەیاونێوە جەژنەو کریسمەسیش جە گەلا مەسیحی موبارەک کەردە و پەی ئانەی پێوەرە ژیوای، یەکسانی، واڵە و برایەتی، ئاشتی و وەشەویسی گەلا جە ئەرەمەزنارەو سوریای دیموکراتیکینە یاگێش کریۆوە و ئا ئیرادەیە نیشانە داوە، داواش جە گردی کەرد کە ئەرک و وەرپرسیارەتی وێشا بە یاگێ یاونا.

ئەرەیاوناکەی پی جۆرەنە:

گەلو مەسیحی جەژنێوە تازێ کریسمەسی موبارەکە کەرا و مرۆڤایەتیچ وێش ئاماڎەکەردەن پەی ئانەی بلۆ دلێ ساڵێوە تازێ زاینییۆ.

پێسەو جمیەرەو ئازادیی کوردەسانی کە جە سەرەتاو ئەرەکۆشایش تائیسە واڵە و برایەتی، یەکسانی و یۆبییەی باوەرییەکا و گەلش پەی وێش کەردەن بە بنەما و تا ئارۆ پەی ئاردەی دی ئانیشا ئەرەکۆشۆ، جە کەسایەتی مەسیحییەکا کوردەسانینە ئێمە جەژنەو کریسمەسی جە تەمامو جەهانی مەسیحی موبارەک مکەرمێ. هیوادارینمێ کە ساڵەو ٢٠٢٥ی زایینینە گرد یاگێ جەهانینە و بە تایبەتی جە وەرکەوتوو دلێڕاسەی دمای بە جەنگی بێنە، مرۆڤایەتی بۆبە خاوەنو ژیوایێ ئاشتیانەی، ئارام، واڵە و برایەتی، ژیواێ یەکسانی، دیموکراتیک و ئازاد. هەرپاسە سەرەوەشی جە بنەیانەو ئا کەسا مکەرمێ کە چن رۆژێ وەڵێ کریسمەسی  شاری ماگدیبۆرگو ئەڵمانیانە بازاڕو کریسمەسینە جە هرووژمێنە ژیوایش جەدەسدا و هیواو خاسبییەیۆ خێراچ پەی ئا مەسیحیا وازمێ کە زامدارێ بیێنێ.

سەرەڕاو جەنگی و کاولکاری و تراژیدیای گۆرە جە هەرێمەکەنە، ئێمە جە هەمان کاتەنە ساڵەو٢٠٢٤ما بە ئەرەکۆشی و مڏرامانو دیموکراسی و ئازادی یاونا دمای، کە شکۆو مرۆڤایەتی بەرز مکەراوە. موبارەک کەردەو جەژنێ و ویرئاردەیۆ موبارەک باییە کۆمەڵایەتیەکا دلێ دۆخێ چانەینە، ئانە بامانێ مێ کە جەژنە کەرا بۆنێوە چارەسەری کێشەکا مرۆڤایەتی. ئێمە ئینایمێ جاباوڕێنە کە کێشەکێ جە وەرکەوتوو دلێڕاسەی گردشا بە بەرزکەردەیۆ ئەرەکۆشای ئازادی، بە یۆبییەی گەلی و باوەڕییەکا، بە بەهێزکەردەو یۆگێرتەی، یەکسانی و هەستەکا واڵە و برایەتی متاویۆ چارەسەر کریۆنە. ئێمە جە ئەرەکۆشیمانە پەشتی پانەیە بەسمێ.

ساڵەو ٢٠٢٤ جە جەنگو هێزە باڵادەسە سەرمایەدارییەکانە جە وەرکەوتوو دلێراسەی گەل ئیشی فرەش چەشت و گاولکاری گۆرەو دژوارشا سەرەرە ئاما، کە قەرەبووکەردەیشۆ و سەرڕاسکەردەیشۆ ئەستەما. جا قۆناغەو جەنگینە وەرکەوتوو دلێڕاسەی بە تایبەتی گەلو مەسیحی گردو گەلا هەرێمەکەی چێرو تەرسێ گۆرەنە پەی ژیوای تێکۆشانیانئەرەکۆشایشا کەرد و ئا ئەرەکۆشایە هەڵای بەردەواما. رژێمو قڕکەرو تورکی سەرو ژیواو گەلاو گردوو مرۆڤایەتی بە تایبەتی گەلو سوریای تەرسێ گۆرێنە و ئا تەرسێ بە جەنگ درێژەش پنەمرۆ. رژێمو قڕکەرو ئاکەپە-مەهەپە جە ڕاو چەتەکاشۆ سوپاو نەتەوەیی سوریای هەوڵمرۆ ئا جەنگە و هرووژما سەرو گەلا وەرنیشتی دژوارتەر کەرۆ. هەڕەشە جە کلتور، بڕوا و گەلا جیاجیا جە هەرێمەکەینە بە تایبەتی گەلو سوریا و ئەرمەنی مکەرۆ. رژێمو تورکی فاشیستو قڕکەری گەرەکشا جۆش و خرۆشو جەژنەو گەلا هەرێمەکەیما جاریشا تاڵ کەرۆنە، بە هرووژمەکاش هەڕەشێ جە گەلەکەیما مکەرۆ. دۆڵەتو تورکی قڕکەری جە هەرێمەکەنە نەک هەر دوژمنایەتی شۆنکەوتا کریستیانی مکەرۆ، جە هەمان کاتەنە دوژمنایەتی عەلەوی، ئێزدی، مسوڵمانا دیموکراتیکی مکەرۆ و بێسنوور هرووژمشا مکەرۆ سەر. جە وەراوەرو ئا هرووژمە فاشیستیا و قڕکاریا، حەقەترین هەڵوێس کە مشۆم نیشانە دریۆنە، بەهێزکەردەو یۆبییەی و یەکڕیزیی سەو هێڵەو نەتەوەو دیموکراتیکو گەلی و باوەڕییەکان، ئانەن شان دارە وەرو وەرپرسیارەتی تاریخیشا جە ئەرەمەزنارەو سوریای تازەنە. پێسەو بزوتنەوەکەیما هیواوازێنمێ کە جەژنەو کریسمەسو ئێساڵی بۆ بە مایەو ئەرەمەزنارەو سوریێوە تازە سەرو هێڵەو نەتەوەی دیموکراتیک،، ئازادم ئازادی و بڕوێکێ چنەش بەڕەسمی بشناسیا و ژیوایێ یەکسان، یەکڕیز و یۆگێرتەی باڵادەس بۆ. جا بڕوینمێ کە گردو گەلا جە گردو باوەڕییەکا جە سوریا و وەرنیشت سەرمەشقایەتی پەی ئا ئەرەکۆشایە مکەرا.

بی بۆنۆ داوا جە گردو گەلا مکەرمێ کە ساڵەو ٢٠٢٥نە جە دژو دۆڵەتی و دەسەڵاتداری فاشیستی، قڕکەر، کۆلۆنیالیست جە وەرکەوتوو دلێڕاسەی، کوردەسان و گرد مەنتقێ جەهانی بە شێوەی رێکوزیاتەر، هامپەشتی و یۆگیری با. بق هەست و زهنیتەی بەتایبەت گەلا ئەرمەنی، ئاشور، سوریان، کلدانی کوردەسان، ئێمە جەژنەو کریسمەسی جە گردو جەهانو مەسیحی موبارەک مکەرمێ و هیوادارینمێ کە جە ساڵەو ٢٠٢٥نە دمای بە گردو ئا نەهامەتیا و خراپەکاریا بێنە کە جە ویژدان و ئەخلاقو مرۆڤایەتینە یاگێش مەبۆوە.پەی ئانەی مۆدێلو پێوەرە ژیوای، یەکسانی، واڵە و برایەتی، ئاشتی و وەشەویسی گەلا جە ئەرەمەزناو سوریایێ دیموکراتیکینە چەسپیۆنە  ئیرادەو ئانەی نیشان بڎریۆ، داوا جە گرد لێوە مکەرمێ ئەرک و وەرپرسیارەتی وێشا بە یاگێ بیاونا. ئێمە هیواڎارێنمێ کە ساڵەی ئایندۍ جە وەرنیشتوو سوریانە بۆ بە ساڵەو سەرکەوتەی گۆرەی ئەرەکۆشای نەتەوەی دیموکراتیکی".