هامسەرۆکایەتی دەسەی ڕاۋەبەری کەجەکەی، یاڎو ٣٣ گەنجا سۆسیالیستو تورکیای کەرۊۋە کە جە پیرسوس گەشمەرڎۍ بیۍ، ماچۊ: "ماناڎارتەرین ڕا پۍ خۊتانکەرڎەی جە گەشمەرڎا پیرسوسی و نەریتو ئەرەکۊشای سۆسیالیستی، خۊتانکەرڎەیا جە ئاخېزو ۋەرنیشتی".
هامسەرۆکایەتی دەسەی ڕاۋەبەری کۆما جڤاکێن کورڎسان (کەجەکە)ی، پەیامێۋەش ۋەڵاکەرڎۊ پۍ یاڎکەرڎەیۊ ٣٣ گەنجا ئەنڎامۍ جمیەرو گەنجا سۆسیالیستی و شۆڕشگێڵی، کە ٢٠ و تەمموزو ٢٠١٥ ی جە هجومېۋە ئاکەپە و مەهەپەینە گەشمەرڎۍ کریۍ.
جە ئەرەیاۋناکەو کەجەکەینە ئامان:
" جە ٢٠ و تەمموزو ٢٠١٥ی، هجومېۋە ئەنجامدریا دژ بە گەنجا سۆسیالیستی تورکیای کە پەشتیوانی ئاخېزو ۋەرنیشتیشا کەرڎ و پۍ ئاوەڎانکەرڎةیۊ کۆبانۍ ئامۍ پۍ پیرسوسی، چی هجومەنە ٣٣ گەنجۍ گەشمەرڎۍ بیۍ. ئێمە ئی هجومە وەحشیانەو فاشیزمی ئاکەپە و مەهەپەی شەرمەسار کەرمۍ، بە ڕێز و پنەزانایۊ یاڎو گەشمەرڎا کۊکوشی پیرسوسی کەرمېۋە. جە کەسایەتی ئاڎیشانە، وەعدو پابەنڎیما بە گەشمەرڎاوە واوەی کەرمېۋە.
دەورېۋە تاریخیشا گېڵنا جە پەرەپنەداو کۊشیای هامبەشی
ئەنڎامەکۍ تەڤگەرو گەنجا سۆسیالیستی کە جە کۊکوشی پیرسوسینە گەشمەرڎۍ بیۍ، دەورېۋە تاریخیشا گېڵنا جە پەشتیوانیکەرڎەی گەلوو تورکی و تەڤگەری سۆسیالیستی چنی کورڎی و حېقم کەرڎەی کۊشیای هامبەشی. گەنجۍ شۆڕشگێڵۍ پی هزر و هۆشیارییوە جە تورکیاوە ئامۍ پیرسوس، گەرەکشابۍ بەشڎارۍ با جە ئاوەڎانکەرڎەیۊ کۆبانێنە دماو کاولکەرڎەیش بەمەڵامەتو هجومەکا داعشیۊ. فکر و پەشتیوانی ئەنتەرناسیۆنالی بناغەو سۆسیالیزمی و ئەرەکۊشای سۆسیالیستییا. شۆڕشگێڵی گۊرە دەنیز گێزمیش گرنگی ئی هەڵۋێسەیشە ڕۊشنکەرڎۊ، وەختۍ چېرو پەتەو قەنارەینە پەشتیوانیش جە کورڎەکا کەرڎ. ڕابەر ئاپۆ گرنگیۍ گۊرەش بەخشا بە هەڵۋێسو دەنیز گێزمیشی و هامڕاکاش، ئانەش بەروست، ۋەرو ئاکامو لکەدای بە یاڎگە و میراسی دەنیز گێزمیشی و ماهیر چایانی و ئیبراهیم کایپاک کایای، ئەرەکۊشای دەسشپنەکەرڎ. شۆڕشگێڵە گەششمەرڎەکۍ پیرسوسی، نوێنەرۍ ئی میراسە گۊرەینۍ. مشۊم ئێمەی هامڕېشا، چی هەڵۋێس و بەها تاریخیەیشا بیاۋمېنە و پەرەش پنە بڎەیمۍ و پېۋەرە خەبات کەرمۍ.
تەنیا کەرڎەیۊ گەلوو کورڎی بەشێۋەن جە چەمکو قڕکەرڎەی
ۋەرو ئانەی دەسەڵاتو ئاکەپە و مەهەپەی خۊتان زیهنیەتێوە فاشیست و دژە کورڎا، پۊکەی نیازش بۍ حەر جە ئەوەڵۊ، ئاخېزو ۋەرنیشتی دلېنەبەرۊ، کە هومېڎو گەلین پۍ ژیایۍ دیموکراتیکی و ئازاڎیی. دەسەڵاتو ئاکەپە و مەهەپەی ناسیۆنالیستی ۋەیکەرو داعشین، ڕاش پنە مڎۊ هجوم کەرۊ سەرو گەلا جە گرڎ یاگېنە، بەتایبەت جە کۆبانۍ و شەنگال. بەڵام وەختۍ جە کۆبانۍ بەمەڵامەتو ئەرەکۊشای هامبەش و مدرامانو گەلیۊ داعش مەڕیا، پلانەکۍ ئەردۆگانی فاشیستی و ئاکەپە و مەهەپەی شکسش ئارڎ. دەسەڵاتی فاشیست دماو شکسو داعشی پیلانێۋە تازېش پیاڎە کەرڎە. جە گرنگتەرین پرەنسیپەکا ئی ئەنەیاۋایەی پەرەش پنە دریا سەرو بناغەو دلېنەبەرڎەی تەڤگەری ئازاڎیی کورڎی و قڕکەرڎەی کورڎی، ڕاگېرتەی بۍ جە پەرە ئەسای دیموکراسی جە ۋەرکەوتو دلېڕاسەینە جە ڕاو ئەزموونو ۋەرنیشتیۊ، پەی واوەی هۊرگیرسنایۊ ئەوەمەنەی. جە ئایدیا ئەساسیەکا ئی یاۋاینە قڕکەردەیا، تەنیا کەرڎەیۊ کورڎی و دلېنەبەرڎە و ئەرەکۊشاکەیشانە. گەرەکشابۍ تەڤگەری دیموکراتیکی و سۆسیالیستی دلېنەبەرا جە ڕاو ئەرەکۊشای کورڎیۋە کە داینەمۊی ئەساسیا پۍ چەسپناو دیموکراسی جە تورکیا، حەتا ڕا جە دیموکراتیزەکەرڎەی تورکیای گېرا. چی چوارچێوەنە کۊکوشی پیرسوسی ڕۋەشدا. حەرپېسە مزانیۊ قۆناغەو دماو کۊکوشیەکەی چېش ڕۋەشدا، چنی میکانیزمو کۊکوشی و پیلانگێڵی و کودەتای جابەجۍ کریا، تورکیاش یاۋنا بە مەرحەلەو فاشیزمی و تاریکی.
بانگەواز کەرمۍ پۍ پەشتیوانی بەقوەتتەری جە ئاخېزو ۋەرنیشتی
بێگومان، ئەرەکۊشای هامبەش و هامپەیمانیی گەلا و پێکئاما چەوەسیاکا گەشەش کەرڎەن. بەتایبەت کورڎەکۍ، حەرپاسە گەلۍ تورکیای و ۋەرکەوتوو دلېڕاسەی و ژەنا و شۆڕشگێڵا مدرامانشا کەرڎ و خەبات کەرا پەی سۆسیالیزمی و دیموکراسی، دژ بە فاشیزمی ئاکەپە و مەهەپەی. جە ئاکامو ئی هامپەیمانی و ئەرەکۊشاینە، پیلانەکۍ قڕکەرڎەی فاشیزمی شکسشا ئارڎ. پۍ دلېنەبەرڎە و ئی پیلانۍ و دووروستەیۊ فاشیزمو ئاکەپە و مەهەپەی، پەنەوازەن ئەرەکۊشای بەقوەتتەر ۋەردەوام بۊ. پۍ ئینەیچە، خەتەی ئەساسیە پارېزنای بەقوەتتەرو ئاخېزو ۋەرنیشتیا. ئینە ماناڎارتەرین و ڕاستتەرین ڕانە، پۍ خۊتانکەرڎەی جە گەشمەردا پیرسوسی و میراسو ئەرەکۊشای سۆسیالیستی. سەرو ئی ئەساسیە بانگەواز جە گرڎ لایۍ کەرمۍ پەشتیوانی بەقوەتتەرو ئاخېزو ۋەرنیشتی کەرا، هەڵۋێسی بەقوەتتەر هۊرگېرا دژ بە هجومەکا سەرو ۋەرنیشتی و خەتەو ئەرەکۊشای هامبەشی حېقم تەر کەرا".
هـ . ش
