هامسەرۆکایەتی کۆنسەو ڕاوەبەری کەجەکەی ئەرەیاوناش دۆڵەتی خاوەن ئاوەزیەت و ئەوەمەڼنەی و فاشیستی بەمەڵامەتو تەرسێ جە ۋەرا ۋەر بە ئەوەکۆشای هامبەشو گەلانە، جە ئەنجامو ئا تەرسێنە کۆمکوژی ١٩٩٥و غازی و ٢٠٠٤و قامیشلۆیش ونە کۊتۆ.
جە ئەرەیاوناکەینە دەستنیشان کریان ئەوەکۆشای شۆڕشگێڵی کە جە کوردەسانەنە وەڵی کەوت، چنی تەڤگەرو دیموکراتیکی و سۆسیالیستو تورکیای یەکانگیر بی، وە گەلوو عەلەویچ سەرمەشقایەتی ئی یۆبییەیشە کەرد، پۆکەی جە کۆمکوژی غازینە ئی سەرمەشقایەتیەو گەلوو عەلەوییەکا بە ئامانج گیریا؛ جە کۆمکوژی قامیشلۆینە واڵەو-برایەتی و پێوەرە ژیوای هامبەشو گەلا کوردی و عەرەبی بەئامانج گیریا. دەستنیشان کریا سەرەڕاو ئی بە ئامانج گێرتەیە ستراتیژو ئەوەکۆشای و پەشتیوانی گەلا، گرڏو ئا هرووژماشە بەتاڵ کەردۆ.
ئەرەیاوناکەو کەجەکەی پی جۆرەن:
سەرو کۆمکوژی ١٩٩٥و غازیینە٣٠ ساڵێ سەرو کۆمکوژی ٢٠٠٤و قامیشلۆی ٢١ ساڵێ ویەرۆنە، کە هەردووی کۆمکوژییەکێ جە یاڏوەری گەلەکەیمانە زینە مەنەنۆ. واوەی ئی کۆمکوژییا شەرمەزار مکەرمێنە و جە کەسێتی ئا کەسانە جە هەردووی کۆمەڵکوژییەکەینە گیانشا جەدەسدان، گرڏو گەشمەرڏا شۆرشی و دیموکراسی بەڕێز و پنەزانایۆ یاڏ مکەرمێوە. هەردووی کۆمکوژییەکێ جە ئەنجامو تەرسێ جە وەراوەرو وەڵکەوتوی ئەوەکۆشای هامبەش جە دژو هەردووی دۆڵەتو فاشیستت، پاشڤەڕۆی، خاوەن عەقڵێتێ تاکپەرستی و هێزە میلیشیاکێشا ئەنجام دریێ. جە کۆمکوژی غازیینە ئا چێوەی بە ئامانج گیریا یوەم؛ وەڵابییەیۆ ئەوەکۆشای شۆرشۆگێڵانە بێ کە جە کوردەسانەنە جە چوارچێوەو تەڤگەرو سۆسیالیستی دیموکراتیکو تورکیاینە گەشەش کەردەبێ، دووەم؛ دووەم گەلی عەلەوی بێ کە چی پێشئاما تاریخییەنە سەرمەشقایەتی کەرێ. جە کۆمکوژی قامیشلۆینە واڵەو-برایەتی بەینو گەلوو کوردی و عەرەبی، پێسەو پێوەرە ژیوایشا بە ئامانج گیریا.
حەر چنە پی کۆمکوژیەو واڵەو-برایەتی گەلا، پێوەرە ژیوایشا بەشێوێ ئازاد و یەکسان بە ئامانج گیریا بۆ، نەیاوا بە ئامانجو سەرکەوتە و وێش. ئەوەکۆشای هامبەشو گەلا جە دژو فاشیزمی، پاشڤەڕۆی و زهنیەتو یەکپەرسی، با بەهایا کە خوڵقنینێش ڕاش چینەیە گێرت و گرڏو ئا هەوڵدێشە پەتاڵ کەردێ.
بەڵام داخەم مەشۆ هەڵای دمای بە زهنیەتو قڕکەردەی نامان. بە کۆمکووژی تازە، هەوڵو بەردەوامیدای بە پاشڤەڕۆو، تاریکی و خراپەکارییەکا دریۆنە. جە کاتێنە کە یاڏو ئا کەسا مکەرمێوە کە جە کۆمکوژییەکانە گیانش جە دەسدان، کۆمکوژی ئەنجام دریۆنە. ڕووبەڕوو ئا حەقیقەتەیە بیێنمێ کە جە سووریانە جە دژو گەلو عەلەوی کۆمکوژی ئەنجام دریۆنە. واوەیش ملەرمێ بە تنی کۆمکوژی سەرو گەلوو عەلەوی شەرمەزار مکەرمێنە. بێگومان پێسەو ئانەی جە ویەردەنە ڕووەشدا، جە ئیسەیشەنە بە وەڵوستەو ئەوەکۆشای گەلا جە دژو زهنیەتو پاشڤەڕۆی، تاک پەرس و فاشیستو کۆمکوژی و هەوڵە سیاوەکا زهنیەتو قڕکەری بەتاڵێ باوە."
