کۊردیناسیۊنوو گلێرگەو ئێزدی ئەورووپانە (کەجەئە-ئێ) پەی یارڎەیدای گەلاو سەرنیشت و وەرکەوتوو سوریای، داواش وەنەو گەلوو کوردی و بەتایبەتی گلێرگەو ئێزیدی کەرڎە، کە بەشداریی کەمپینوو مانگەی سوورەو کوردستانی با.
کۊردیناسیۊنوو گلێرگەو ئێزدی ئەورووپانە (کەجەئێ-ئە)، سەبارەت بە کەمپینوو یارڎەیدای مانگەی سوورەو کوردستانی پەی دەمۊلوای گەلوو سەرنیشت و وەرکەوتوو سوریای، کە ئینۍ چێروو هجوومی قورسوو دەوڵەتوو تورکینە، ئەرەیاوناێوەش وەڵا کەرڎۊ.
دلێشنە ئامان، "دەسەڵاتداری ئەرڎۊغانی، کە هامتەریبا چەنی سیاسەت و ئایدۊلۊژیاو داعشی، دژوو گەلوو وەرنیشتی جارێوە تەر دەسش کەرڎەنۊ بە هجوومۍ قڕکاریێ".
کەجەئێ-ئە ئەرەیاوناش کە: دەسەڵاتداری ئاکەپە-مەهەپەی تا قەیرانەکا و سیاسەتە تیرۊریستییەکاشا بشاراوە هجووم کەرا سەروو چێرخانوو وەرنیشتی، زەمین و عاسمانۊ ئەرەمەرزییا کۊمەڵایەتییە مەدەنییەکا بۊردومانۍ کەرۊ.
کەجەئێ-ئە دەسنیشانش کەرد، کە ئا کرڎەوۍ تاوانێنی دژوو ئینسانیەتی و واتش، "ئێمە بەتندی ئی هجووما شەرمەزارۍ کەرمۍ. پەی پەترۊکبەستەی زەخموو وەرنیشتی پەشتگیریی ئا کەمپینەو مانگەی سوورەو کوردستانی کەرمۍ، کە پەی دەسباروو گەلوو وەرنیشتی دەسشا پەنە کەرڎەن".
