ساکینە جانسیزە و فیدان دۊگانە و لەیلا شایلەمەزە، ٩ کانوونوو دووەموو ٢٠١٣ پاریسنە تیرۊرۍ کریێ، ئەڤین گۊییە و میر پەروەر و عەبدولرەحمان کیزیل، ٢٣ ی کانوونوو یوەموو ٢٠٢٢ پاریسنە تیرۊرۍ کریێ، ستۊکهۊڵمنە بە چالاکیێوە یاڎۍ کریێوە.

چالاکییەکەنە کۊکوشییەکۍ شەرمەزارۍ کریۍ و ناڕەزایەتیی وەراوەروو دەوڵەتوو فەڕەنسای نیشانەدریا، کە دماو ١٠ ساڵا، هەڵای دادپەروەری نیا، فەڕەنسایچ پێسە هامبەشوو تاوانەکەی ئشناسیا.  

ئەرەیاونیا، تا بکوشاو کۊکوشییەکا دادگایۍ نەکریا، ژەنی و گەلوو کوردی وەنەو کۊکوشییەکا پەرساوە.

چالاکییەکەنە، درووشمەکاو "سارا، ڕۊژبینە، ڕوناهییە" و "ژەنی، ژیوای، ئازادی" بەرزۍ کریێوە. چالاکۍ تاجەولینەی سیاوشا وەردەموو کونسوڵخانەو پاریسینە نیارە، پێوەس بە کۊکوشییەکا دۊسیێوەشا دا دەسوو وەرپەرساو کۊنسوڵخانەو فەڕەنسایۊ.