کۆکوژی پاریسی
کۆکوشی پاریسی جە ڕۆزگارێوەنە کریا کە ژیوگە و یۆگیرتەو کۆنگرەو نەتەوە و کوردی سەرقاڵ و بەستەو کۆنگرەی فراوان و وێشبی بە بەژداری فرەتەرین حیزبە کوردییەکا جە هەر چوار لاو کورسانی.
یانزە ساڵی وێرۆ سەرو کۆکوژی یەری ژەنە ئاخیزگیڵناو کوردییرە؛ جە ڕۆ ٩/١/ ٢٠١٣ی بە دەس و میت و دەوڵەتوو ئەرەگیر و تورکییەی و هامکاری دەوڵەت و فەڕەنسەی بە ڕۆی ڕۆشن وەرچەما و دنیێوە و بەنام دیموکراسی ئەوروپایۆ هەریۆ جە گەشمەرڎۍ هەڤاڵ ساکینە جانسزە و لەیلا شایلەمزە و فیدان دۆغانە جە شار و پاریسینە تیرۆری کرێ.
دەوڵەت و ئەرەگیری بە هامکاری دەوڵەتا وەرنشینی گەرەکشابی پی کارە قێزەوناشا ئیرادەو گلیرگە و کوردی ماڕانە، چی پێناویچەنە گەرەکشابی جە کەسایەتی ژەنینە کۆتای پا ئاخیزەیە بارا کە هەڤاڵ سارا اەرمەشقیش پەی کەری؛ بە فەلسەفە و ژەنی ژیوای ئازاڎیی. سەر وەختێوەنە ئی کۆکوژیە ئەنجام دریا کە هەڤاڵ ساکینە بە هامکاری هەڤاڵەکاش بە هیواو ئیستەیۆ ڕێوە پەی چارەسەر کەردەو پرس و کوردی و دەوڵەت و ئەرەگیر و ترکییە جە ناوەند و وڵاتا ئۆروپاینە کۆشیاو دیبلۆماسی کەرینی پەی ئا نەخشە ڕایە کە پیسەو چارەسەری ڕێبەر ئاپۆ جە دورگەو ئیمڕاڵی وستەبیش وەردەس؛ بەڵام پیسەو گرجارێ دەوڵەت و تورکی ئەرەگیر نەک ئی هەوڵەشە پیسەو هەنگامێ ئەرێنی پەی بەرشیەیش جە قەیرانەکاش نەدی بەڵکو دەسش دا کۆکوژێیوە پی جۆرە، ئینەیج ئا ڕاسییەما نیشانە مرۆ کە ڕێبەر ئاپۆ جە زوۆ درکش پانەی کەردەن کە پرس و چارەسەرکەردەو کوردی نیا دەس و دەوڵەت و تورکییەینە بەڵکو دەوڵەت و تورکییەی پیسە وەیوڵېوەن کە جە لایەن وڵاتا ئۆروپای و ناتۆیۆ وەڕاوە بریۆ، تا ئانەی کە وەرکەوت و میامینی ئارامی و دیموکراسی و ژیوای گەلا بەویشۆ نەوینۆ، هاوکات ئی جوگرافیایجە بۆ بە بازاڕێوە پەی ساخ کەردەیۆ چەکەکاشا تا چی ڕێوە سەرخان و چێرخان و ئی جوگرافیایە بە تاڵان بەرا.
کۆکوشی پاریسی جە ڕۆزگارێوەنە کریا کە ژیوگە و یۆگیرتەو کۆنگرەو نەتەوە و کوردی سەرقاڵ و بەستەو کۆنگرەی فراوان و وێشبی بە بەژداری فرەتەرین حیزبە کوردییەکا جە هەر چوار لاو کورسانی؛ بەڵام پیسەو وەڵینگەو ویش ئی هەوڵە جە لایەن و ماڵبات و بارزانی و بە هامکاری دەوڵەتو تورکییەکۆنگرەو نەتەوەی کوردی نەتاواش ئامانجەکاش وەدی بارۆ. جە دماو تیرۆرکەردە و هەڤاڵ ساکینەی و هەڤاڵەکاشۆ پرس و چارەسەر کەردەو کوردی و دەوڵەت و ئەرەگیرو تورکی لوا قۆناغێوە تەر. سیاسەت و دوژمنکارانە و ئەنقەرەی جە وەرانوەر و گلیرگە و کوردیۆ وەڵینگێوە کۆنش هەن بەجۆرێ زیهنیەت و فاشیست و دەوڵەتی هەر جۆرۍ بێوە کوردی ئازاڎیی پیسە خەتەری و کۆتا ئام و ویش زانۆ. ئارۆیچەنە هجوم و ئەرەگیریەکا ئی دەوڵەتە فاشیستەیە سەرش کێشان پەی بەکارئاوردەو چەکی کۆکوشی و بۆردومانکەردەو گلیرگە و کوردی جە پانیشت و ورنشینو کورسانی. هەرچی گەریلېکی کورسانیچەنۍ بە باوڕێوە پۆڵاینۆ مدارامانێوە قارەمانانە وەڕاوە بەرا و تەرسیشا وستېنە دڵ و سوپا بێ مۆڕاڵەکە و دەوڵەتو ئەرەگیری، هەتا می ژمارەو کوشیایا جەڵدرمەی فرەتەرۍ بانە و ئینەیج ناڕەزایی بەشێوە
جە گلیرگە و تورکیەیش چنی ویش ئاردەن. هەر پیسە هەڤال جەمال فەرماندە و تەمام و هیز و هەپەگەی ماچۆ دووی ڕێ ئینێ وەردەم و سوپاو تورکییەینە جە سەرو خاک و کورسانیۆ ئاڎێچ ئانېن کە یان مشۆم مرانە یان مشۊم بڕەما.
