ئەنجوومەنو ژەنا پەی یاڎکەردەیۆ ژەنە شۆڕشگێڵنا کوردی ساکینە جانسزۍ (سارۍ) و فیدان دۆغانۍ (ڕۆژبین)ۍ و لەیلا شایلەمەزۍ (ڕوناهی)ۍ کە ٩ و کانوونو دووەمو ٢٠١٣ ی پاریسەنە گەشمەرڎۍ کریۍ، ۋەردەمو کونسوڵخانەو فەرەنساینە جە کۆپنهاگنو پایتەختو دانیمارکینە چالاکیشا کەرڎ. کوردەسانیا و دۊسەکێشا بەشدارۍ بێنۍ.

دماو دەیەقێوە ڕێزگێرتەی جە گەشمەرڎا ئازادی، بێدەنگی دۆڵەتو فەرەنسای شەرمەزارکریا و وچیا: "داواو دادپەروەری مکەرمۍ، حکومەتو فەرەنسای عال مزانۆ بکوژ کێن و کام هێز ئینا پەشتەو کۆمکوژییەکەیۆ. بێدەنگی ماناو هامبەشییا جە کۆمکوژیەکەنە".

جە چالاکییەکەنە درووشمەکۍ "سارا، ڕۆژبین و ڕوناهی دەنگو ژەنا ئازاڎینۍ" و "ژەنی ژیۋای ئازادی" و "وڕۊنە زیهنیەتو پیا سالاری فاشیست" و "فاشیست و دیکتاتۆر ئەردۆگان" بەرزۍ کریێوە.