کۆنگرەو گلێرگەی دیموکراتیکوو کوردستانییاو ئەورووپا (کەجەدەکە-ئە) ئەنجامنامەو کۆنفراسەکەو وێش وەڵا کەردۆ، کە بە بەشداربییەی ٢٥٠ ئەنداما بەینوو ١-٤و تەموزینە بەسیا.

کەجەدەکە-ئە  ئەرەیاونایەکەیشەنە ئاماژەش پانەیە دا: "کۆنفرانسەکەنە کە بە دروشموو بونیاتنیای کۆمەڵایەتی وەشکریا، پێسەو ئامانجی سەرەکی قەراروو ئانەیە دریا قۆناغی دووەموو هەڵمەتەو ئازادیی پەی ڕابەروو گەلوو کوردی وەرفراوانتەرە بکریۆ. کۆنفرانسەکە بە دروشموو 'بەیدێ پێوە بە فەلسەفەو ڕابەر ئاپۆیوە گلێرگەی دیموکراتیکی ئەرەمەرزنمێ و بەرمێش ڕاوە' کریا."

'قڕکەردەی سەروو گەلوو کوردی مکریۆ'

هەرپاسە ئەرەیاونایەکەنە ئامان:  

قۆناغێوی گرنگی سیاسیینە کۆنفرانسەکەما مکریۆ، لایێوە جەنگی یەرەموو جیهانی، کە دەرنجاموو قەیرانەکاو سیستمی سەرمایەداریین، وەرکەوتوو دلێڕاسەینە بەردەواما و کوردستانیچ ناوەندوو ئا جەنگەینە. لایێیوی تەرۆ جەمسەرگیرییەکێ وەرفراوانتەرێ مبانە و بیێنێ بە هەڕەشێوە سەروو ژیوای گەلاوە. چی جەنگەیچەنە دەوڵەتوو تورکی، بە سیاسەتە داگیرکارییەکاش دەورێوی سەرەکیی مگێڵنۆ. دەوڵەتوو تورکی بە هامکاریی هێزە هەرێمی و میاندەوڵەتییەکا پڕانۆ پەی قۆناغێوی تازەی ئەرەگیرکاری. ئەرەگیرکارییەکاشنە پەدەکەی پێسەو پارچێوی چا سیاسەتا پەی دلێنەبەردەی گەریلاکاو کوردستانی ئا سیاسەتاو دەوڵەتوو تورکی مکەرۆ.

'ئامانجی سەرەکیما ئازادیی ڕابەر ئاپۆیا'

کۆنفراسەکەنە پەرسەی سەرەکییەما ڕەوش و ئازادیی ڕابەر ئاپۆی بێ،  ئا جەنگە کە دەوڵەتوو تورکی چەنی هێزەکاو مۆدێرنێتەی سەرمایەداری دژوو فکر و پارادایمەکاو ئازادیی ڕابەر ئاپۆی مکەرۆش و ڕەوشوو تەندروسی و ئەرەبڕیەی پەیوەندیی ڕابەر ئاپۆی. نیگەرانیەکاو ئێمەشا فرەتەرێ کەردێنێ.  

چەنی نزیکبییەیوە هەڵمەتەکێ، کۆنفرانسەکەنە قەرار دریا ئازادیی ڕابەر ئاپۆی پەی گردوو پێکئامایەکاو کەجەدەکە-ئە ئامانجی سەرەکیی هەرمانکەردەی بۆ و گردوو هەوڵەکا پەی وەرفراوانکەردەی هەڵمەتەکێ بۆ."

ڕەخنێ گێریێ  

کۆنفرانسەکەنە باسوو هەرمانە وەڵینەکاو کەجەدەکە-ئەی کریا و ئا هەنگامێ ورسەنگنیێ کە پیسەو پێوسیی نەکریێنێ. باس چانەیە کریا کە دماتەرنە چوارچوەو هەڵمەتەو ئازادیی ڕابەروو گەلوو کوردی عەبدوڵا ئۆجالانینە هەرمانەکێ بە وەرفراونتەر و قەوەتی زیاتەرۆ بکریا.

وەڵێوستەی پارادایموو نەتەوەی دیموکراتیکی

 کۆنفرانسەکەنە جەخت جە پەرەدای بە پارادایموو نەتەوەی دیمکراتیکی کریاوە، ئا ئاستەنگێ ورسەنگنیێ وەڵێ ئی پارادیمەینە. هەرپاسە باس چانەیە کریا کە چارەسەروو کێشەکا پەرەداین بە پارادایموو نەتەوەی دیموکراتیکی و بنیاتنیای پێسەو ڕانیشاندەرێوە گردوو بوارەکاو خەباتینە.

هەرپاسە ئەرەیاونایەکەنە ئاماژە  پانەیە کریان، پێویسا پێسەو کەجەدەکە-ئەی ئەوروپانە بانە بە هێزێوی کاریگەر. ئینەیچ جە وەرفراوانکەردەی و قەوەتکەردەی هەڵمەتەو ئازادیی جەستەیی ڕابەروو گەلوو کوردینە عەبدوڵا ئۆجالان فۆرمەلە مبۆنە. هەرپاسە گرنگیدای بە تواناو گەنجا جە مەیدانە کلتورییەکانە.