دووەمین ڕۊو ئەرەنیشتەکا کۆنفرانسەکەینە کە سەعات ٠٩:٠٠ دەسش پنەکەرڎ. جە میانوو ئەرەنیشتەکا ٦و کانوونوو یوۋەمینە، داواو ئازاڎیی ڕابەروو گەلوو کوردی عەبدوڵا ئۆجالانی و بەرئارڎەی پەکەکەی دلۍ لیستوو ڕێکوزیا تیرۆریستییەکانە کریا.

کیەسەر: لۆزان کارەساتۍ بۍ

جە سەرەتاو ئەرەنیشتەو ڕۊو دووەمیەنە، کۆنفرانسوو لۆزانی و ئەنجامەکېش هۊرسەنگیۍ. نیل موتلوێر جە زانشتگەو لایپزیگی سەرپەرشتی ئەرەنیشتەکەیش کەرڎ و هانس لوکاس کیەسەر جە زانشتگەو زوریخی  وتارێوەش بە نامونیشانوو "پەیماننامەو لۆزانی: تاریخ و بەردەوامی سیاسی" پێشکەش کەرڎە.

کیەسەر هۊرسەنگنایش پۍ ئەنجامەکا پەیماننامەو لۆزانی کەرڎ، کەلیمۍ 'کارەسات'یش بەکارئارڎە و ئەرەیاۋناش کە مافوو پێکئاما ڕەسەنەکا چا وەختەنە پاشێل کریا.

کیەسەر باسش چانەیچ کەرڎ، کە نازییەکۍ ئیسفاڎەشا جە کردەوەکا دەوڵەتوو تورکی کەرڎەن و واتش:"پەیماننامەو لۆزانی ئینا ڕېخەو کێشەکا ئارۊینە. کیەسەر بە نیشاندای نەخشېوە سەرنجش وست سەروو سیاسەتەکا فاڕیای دیمۆگرافی جە کوردسان و تورکیانە و ئەرەیاۋناش کە کورد پی ڕېککۊتەیە بێ ئانەی کەمینە بۆ بێ ماف کریان. کیەسەر واتش:"جە ڕاو پەیماننامەو لۆزانیوە، پڕۆژەو فرەرەنگی ئانادۆڵی وزیان کەنارۆ؛ ئشناسنامەی یۊگېرتە و ناوەندی و نەتەوەپەرەسی تورکی دەسش پنەکەرڎ و "نازییەکۍ فرە عال چی مژاریە یاوېنە "و ئیسفاڎەشا جە ئەنجامەکا لۆزانی هۊرگېرت."

 یاسین سونجا: پرسوو کوردی پرسێوە میان نەتەوەیین

یاسین سونجا جە زانشتگەو بیلەفیڵدی ئەرەیاۋناش کە پرسوو کوردی 'پرسێوە بۍ ئاشتیا' جە مەنتیقەکەنە و ئاماژەش پانەی دا کە ڕېخەو ئی کێشەیە'چەوەسنایۊن'.

یاسین سونجا جە درېژەو قسەکاشەنە واتش:"پرسوو کوردی پرسێوە میان نەتەوەیین" و ئاماژەش پانەی دا کە جە تاریخەنە بەردەوام ناداڎپەروەرانە مامەڵە چنی کوردی کریان. سونجا واتش:"ئەگەر مدرامانتا سزا مڎریۆ، ئانە بەردەوامی بیەو ناداڎپەروەرین" و ئاماژەش بە وستەو نامۍ پەکەکەی جە لیستوو ڕێکوزیا تیرۆریستییەکانەدا و واتش:"کورد دژوو جەهانوو ۋەرنیشتی جەنگ مەکەرا، بەڵکم پۍ ئازاڎیی ۋېش جەنگ و کۊشیای کەرۆ."

دیجلە: جە کۆدەکاو دەوڵەتوو تورکینە چارەسەری بیەیش نییا

دمایین بەشوو پانێڵوو یوۋەمی جە لەیەنوو ڕۆنامەنووس ئامەد دیجلەیۆ بە نامونیشانوو "ئەوروپا و پرسوو کوردی: ۋەرپرسیاری تاریخی و چەمەڕایی" پێشکەشکریا. ئامەد دیجلە بە زۋانی کوردی قسېش کەرڎۍ و سەرنجش وست سەروو سەدېوە جە نکۆڵی و دلېنەبەرڎەی کوردی. واتش:"کورد ژمارەو ئەرەنیشتاش زیاتەر جە 40 ملیۆن کەسان، پېسە گەورەتەرین گەلی بێ دەوڵەتی بیەو ۋېش پارېزنۆ و جە ئاکاموو کۊشیایۍ دوور و درێژەنە بیېنۍ بە کاراکتەرێوە سیاسی."

ئامەد دیجلە واتش:"جە کۆدەکاو دەوڵەتوو تورکیاینە چارەسەری نییا، بەڵکوو حیچ بێ چارەیی هەن"

ئامەد دیجلە ئاماژەش بە پێگەو کوردی جە جەنگی دلېینەو سوریای و دەسکۊتەکاش کەرڎ و واتش:"ڕېککۊتەی ۋەرنیشتی، واتە دەستووری بنەڕەتی وەرنیشتی، چېوېوەن کە جە تاریخوو ۋەرکەوتوو دلېڕاسەینە پۍ گەلا، دیموکراسی، گەڵاڵە و پێشنیارێوە عالتەر چینەی نیا و وێنەش نیا."

کۆنفرانسەکە بەردەوامیش بۆ...