جە ئەرەیاونیای نویسیاو دیوانوو هامسەرۆکایەتیی گۆنگرەو گەلینە ئامان: "گەشمەردەکێما ساکینە جانسیز (سارا) و فیدان دۆگان (ڕۆژبین) و لەیلا شایلەمەز (ڕۆناهی) و ئەمینە کارا (ئەڤین گۆیی) و میر پەروەر (محەمەد شیرین ئایدن) و عەبدولرەحمان کیزیل، کە پاریسنە دەوڵەتوو تورکی گەشمەردێ کەردێ بە ئازارێوە قووڵ و ڕێزدارییوە یاد کەرمێوە".

ئەرەیاونایەکە ئەوەخوایش کەرۆوە، هەرچند هێزوو پەشتەو کۆکوشییەکەی ئشناسیێنێ، وەلێ تا ئارۆ ئاشکرا نەکریێنێ، ئینەیچە بەرش وزۆ فەڕەنسا دەسش هەن چی کۆکوشییانە.  بێجگە ئانەی فەڕەنسا دەوری سەرەکییش بییەن سایکس بیکۆنە و بەشبییەی کوردستانینە.

داواو وەنەو دەوڵەتوو فەڕەنسای کەرۆ، تاوانبارە هەقەتیناو کۆکوشییەکا ئاشکرا کەرۆ و ئی تاوانە  وێش پاک کەرۆوە، ماچۆ: "پەنەوازا چی قۆناغەنە فەڕەنسا پێسە وەڵاتێوە دەوروو چارەسەری گێڵنۆ، چی چوارچوەنە مشۆم کۆکوشیی سەروو ژەنە سەرمەشقەکاو کوردی ئاشکرا کەرۆ، هەم جوابوو داواکاو ڕای گردینی بدۆوە، هەم هەرمانەو چارەسەریی پەرسەو کوردی گێرۆ گەردەن".

کۆنگرەو گەلی ئاخرۆ ماچۆ: " پەی ئاشکراکەردەی بکوشە هەقەتینا و دابینکەردەی دادپەروەری. تا وەنەپەرسایوە جە بکوشاو ژەنە سەرمەشقاو کوردی کەرۆ. تا بزانییۆ ئێمە هەرگیز بێدەنگێ مەبیمێ و وەنەپەرسایۆشا چەنە کەرمێ. تا تووڕەیی وێما وەرانوەروو تاریکیی سەروو کۆکوشییەکا بەرزێ کەرمێوە، پەنەوازا گرد ٦  کانوونوو دووەمیینە پاریسنە  کوێ باوە".