کۆنگرەو ستاری بۊنەو ئاماو جەژنەو قوربانیوە پەیامێوە مبارەک بایش ۋەڵاکەرڎۊ، چنەشەنە هومېڎەوارا ئی جەژنۍ بۊ بە مایۍ ئازاڎیی ڕابەرو گەلوو کورڎی عەبدوڵا ئۆجالانی و ژەنا و ئېستەیۊ چارەسەری پۍ قەیرانو سوریای و سەرتاپاو ۋەرکەوتوو میامینی.
جە پەیامەکەنە ئامان:
"مبارەک بایی جە خانەواڎەو گەشمەرڎا و ڕابەر ئاپۆی و گەلەکەیما و سەرتاپاو جەهانی ئیسلامی و گرڎو ژەنا و ئازاڎیوازا کەرمۍ، بۊنەو ئاماو جەژنەو قوربانیۊ کە هاموەختا چنی مانگەو حوزەیرانی کە بە مانگەو گەشمەرڎا مشناسیۊوە. پی بۊنۊ هومېڎەوارېنمۍ گیانو گەشمەرڎا شاڎ بۊ. چی ڕووە مبارەکانە کە گرڎ لایۍ بانگەوازو ئاشتی و ئارامی کەرا، چی جەژنە مبارەکېنە، تورکی ئەرەگیر وەردەواما جە کۊکوشی وەران ۋەر بە گەلەکەیما و بۊمبۋارانو خەڵکی مەڎەنی بەشێۋېوە وەحشیانە و گرڎ پێوەرۍ ئەخلاقی و کۆمەڵایەتی پاشېل کەرۊ، بەڵام ۋېڕاگری گەلی وەران ۋەر پی هجوم و سیاسەتە ستەمکارانەیە و هومېڎشا پۍ چارەسەری و ئازاڎیی حەجگیز دمایش نمۍ.
