کۊمیتەوو ئەرەیاونای کۊنگرەو نەتەوەەیی کورڎسانی (کەنەکە) جە ساڵیاڎوو بەرشییەی ڕۊنامەو کورڎسانینە، کە پێسە ڕۊو ڕۊنامەگەریی کورڎی دەسنیشان کریان، ئەرەیاوناێش وەڵا کەرڎۊ.

کەنەکە ئەرەیاونانش: ڕۊنامەو کورڎسانی بە بەرشییەیش دڕنییش بە تاریکسانوو سەرڎەموو دەسەڵاتوو عوسمانی دا، تا حەددێ خاس تاواش هەواڵەکاو کورڎسانی بیاونۊ وەرەچەماو دلێ و جبەریچ. چاڕوۊ تا ئارۊیچ کارەوانوو ڕۊنامەگەریی کورڎی درێژەش هەن. ئیساتێچ ئێمە سەرڎەمێوەنە ژیومێ، کە بوارەکاو ئەرەیاونای جە ڕووەو چنڎێتیوە تەمام فراوانێ و فرەڕەهەندێنێ. بەئاسانی یاوا بە خەڵکی. وەروو ئانەی دەوروو ئەرەیاونای فرە  کاریگەرتەرا و زیاڎتەر متاوۊ هەرمانە سەروو ئاڕاسەو دیارڎە و قۊمیایەکا کەرۊ.

کەنەکە واتەنیچش: ئارۊنە ئەرەیاونەروو کورڎی لاێوە وەڵاتەکەش ئەرەگیر کریان، لایێ تەریچۊ گلێرگە ئینا دۊخێوە سیاسی و ئابووری و کۊمەڵایەتیی هەستیارنە، ئینا جە ئاستێوە هۊشیاری و کولتووری لاوازنە. چا یاگێنە کە کورد نۊعە ئازاڎیێوە ڕێژەیی سیاسییش هەن، خراپبەکارئارڎەی دەسەڵاتی و بێداڎیی کۊمەڵایەتی و هەستنەکەرڎەی بە وەرپەرسبییەی نەتەوەیی و تاریخی، تەنگش بە خەڵکی ورچنیەن. 

کەنەکە چی بۊنەنە، سڵام کیانۊ پەی گیانی پاکوو گرڎوو ئا میدیاکارە قارەمانا، کە جە پۊڕانای هەرمانەی مەبارەکەو میدیاینە، مەردێنێ و یاڎشا بەرز مرمانۊ.

دەقوو ئەرەیاوناکەو کەنەکەی:

جە ساڵیاڎوو ڕۊنامەگەریی کورڎینە

لە 22ێ نیسانوو 1898 ینە یووەم ڕۊنامەی کورڎی بە نامی "کورڎسان"ی بە حەوڵێ  "میقداڎ مەدحەت بەدرخان" وەڵا کریاوە. پا بۊنەوە ڕۊو 22ێ نیسانی پێسە ڕۊو ڕۊنامەگەریی کورڎی دەسنیشان کریان. چا ڕووەوە تا ئارۊ کارەوانوو ڕۊنامەگەریی کورڎی شانبەشانوو خەباتی پەی ئازاڎی و دیموکراسی و داڎی کۊمەڵایەتی، نەمرڎان. ڕۊنامەو کورڎسانی جە قۊناغێوەنە چەمێش کەردێ، کە کورڎسان چێروو دەسەڵاتی دماکەوتەو عوسمانیینە جە ڕووەی سیاسی و ئابووری و کۊمەڵایەتییوە نوقموو ڕۊزگارێوە تاریکی بێ. ئا ڕۊنامەیە چا وەختەنە دڕنییش پا تاریکستانەیە دا. تا حدوودێوە خاس تاواش هەواڵەکاو کورڎسانی بیاونۊ بە دنیێ و جبەریچ.

ئیساتێچ ئێمە سەرڎەمێوەنە ژیومێ، کە بوارەکاو ئەرەیاونای جە ڕووەو چنڎێتیوە تەمام فراوانێ و فرەڕەهەندێنێ. بەئاسانی یاوا بە خەڵکی. وەروو ئانەی دەوروو ئەرەیاونای فرە  کاریگەرتەرا و زیاڎتەر متاوۊ هەرمانە سەروو ئاڕاسەو دیارڎە و قۊمیایەکا کەرۊ..

جە کورڎسانوو ئیسەینە، بە دەیان کەناڵێ تەلەفزوێنیێ عاسمانیێ و دلێ، بە دەیان ڕاڎوێنێ و بە سەدان گۊڤارێ و ڕۊنامێ و بە سەدان ماڵپەڕێ و هەواڵێ هەنێ. چنڎێتیێوە کە ئەگەر بە چەنییەتیێوە باڵاتەر هەرمانە کەرۊ، جە فرەو  بوارنە بەکرڎەوە بۊ بە دەسەڵاتی یەکلاییکەرەوە.

پێسە چەنی دۊخوو کورڎسانی تایبەتا، ستایلوو ئەرەیاوناکەیچش تایبەتا. ئارۊنە ئەرەیاونەروو کورڎی لاێوە وەڵاتەکەش ئەرەگیر کریان، لایێ تەریچۊ گلێرگە ئینا دۊخێوە سیاسی و ئابووری و کۊمەڵایەتیی هەستیارنە، ئینا جە ئاستێوە هۊشیاری و کولتووری لاوازنە. چا یاگێنە کە کورد نۊعە ئازاڎیێوە ڕێژەیی سیاسییش هەن، خراپبەکارئارڎەی دەسەڵاتی و بێداڎیی کۊمەڵایەتی و هەستنەکەرڎەی بە وەرپەرسبییەی نەتەوەیی و تاریخی، تەنگش بە خەڵکی ورچنیەن، پەوکای هەرمانەو ئەرەیاونەری، میدیاکاروو کورڎی ند جەمسەرەنە.

ئیساتێ میدیاکاروو کورڎی ناچارا لاێوە سەروو دۊخوو دلێ سیاسی و ئابووری و کۊمەڵایەتیی کورڎا هەرمانە کەرۊ. لە لایێ تەریچۊ وینی هێزە ئەرەگیرەکاو کورڎسانی، ڕوانە پیلانێ تازێ و نائینسانانێ دژوو خەڵکوو کورڎسانی وزا ڕا. سەرەڕاو ئەرەگیری و هجوومەکاشا، پیلانێ پەی ناکۊکی و جەنگوو دلێ و بەینوو کورڎا مجارە. پیسە ئانەی ئیساتێ دەوڵەتوو تورکیای کەرۊش. پەوکای زەروورا گرڎوو ڕەهەندەکاو پیشەییبییەی، هاموەڵاتیبییەی و نیشتمانپەروەری جە کەسێتیی میدیاکاروو کورڎینە کوێ باوە. چا یەرەلاوە هەرمانەی مەبارەکەو وێش پۊڕنۊ.

ئێمە جە کۊنگرەی نەتەوەیی کورڎسانینە، جە ڕۊو ڕۊنامەگەریی کورڎینە سڵامێ گەرم پەی میدیاکاراو کورڎسانی بە گرڎوو بەشەکاشۊ، کیانمێ. دەسوەشی جە هەرمانێ و مانیای و شەونەوتەییشا کەرمێ. سڵام جە گیانی پاکوو گرڎوو ئا میدیاکارە قارەمانا جە هەرمانەی مەبارەکەو میدیاییشانە مەردێ، جە بەرەکاو جەنگینە چەنی تیرۊرسا گەشمەردێ بیێ. سڵام جە ڕۊحوو گرڎوو ئا میدیاکارا کە پەی ئازاڎیی ڕابەروستەی و دیموکراسی و گژێرەلوای گەندەڵی و ناڎاڎیی کۊمەڵایەتی و سیاسی و ئابووری، بیێ قوربانێی. سڵام ج گرڎوو ئا ڕۊنامەوان و میدیاکارا ئینێ جە زینڎانەکاو دەسەڵاتدارانە.

جارێوە تەر  ڕۊو ڕۊنامەگەریی کورڎی، جە جەموو میدیاکاراو کورڎی، جە تەماموو خەڵکوو کورڎسانی مەبارەک بۊ. 

کۊنگرەو نەتەوەیی کورڎسانی

کۊمیتەو ئەرەیاونای

21.04.2023 برۊکسل