کۆنسەو ڕاوەبەری کەنەکەی، ڕێککەوتەو بەینو ئیدارەو ۋێڕاوەبەری و حکومەتو دیمەشقی پېسەنە "هەنگامېوە گۊرۍ پەی چارەسەری کێشە ڕامېیاری و نەتەوەییەکا و بەدیئاوردەی سەقامگیری جە تەمامو هەرێمەکەینە".
کۆنگرەو نەتەوەیی کوردەسانی (کەنەکە) دەربارەو ڕێککەوتەکەو بەینو ئیدارەو ۋێڕاوەبەری سەرنیشت و ۋەرکۊتوو سوریای و حکومەتو دیمەشقی، ئەرەیاۋنێوەش وەڵا کەرڎۆ.
کەنەکە ماچۆ: "جە ڕێککەوتەکەیەنە، نیاز و داواو لایەنەکا گوزارشتش چۆوە کریان، هەرپاسە پەی جابەجێکەردەی ڕێککۆتەیەکەی، ئەرەنیشتەی مکریۆ سەرو دەسنیشانکەردەی لوجنەی پسپۆڕی".
هەنگامېوە بنەڕەتییەنە پەی چارەسەرێوە درێژخایەنی
هەرپاسە کەنەکە ماچۆ: "بێگومان گرنگتەرین چێوۍ ئانەن، پی ڕێککەوتەیە بیەی و قبووڵکەردەی گەلوو کوردی جە دەستوورنە مسۆگەر بکریۆ و هیواڎارێنمۍ ڕا پەی چارەسەری سیاسی و قبووڵکەردەی ستاتۆو فەرمی ۋەرنیشتی بکەرۊوە. ئینە سەرکۊتەیۍ تاریخیا و ئینا مەسڵەحەتوو گرڎ لایێنە. هەنگامېوە بنەڕەتییەنە پەی چارەسەری درێژخایەنی، پەی ڕێزگېرتەی جە ئایینی و ئیتنیکەکا هەرێمو چێرو دەسا قەسەدەی و تەمامو سوریای فرە گرنگا".
کەنەکە ئی ڕێککۊتەیە بە گرنگ موینۆ، ئاماژە پانەی مکەرۆ هامکات چنی ئی ڕێککۊتەیە هەوڵو هرووژمی دڕندانەی پەی سەرو خەڵکی مەدەنی عەلەوی و نوسەیڕی و مەسیحی هەن، ماچۆ: "هیواڎارێنمۍ ئی ڕێککۊتەیە بە کۊششو قەسەدەی بۆ بە مەڵامەتۍ پەی ئانەی گرڎو گەلا ۋەرنیشتی و تەمامو گەلا سوریای جە ئاشتی و ئارامیینە بژیۋا، ئارامی ڕامئیاری و کۆمەڵایەتی بڕەخسنۆ.
پېسە کەنەکەی پاڵپەشتی چی پرۆسەیە مکەرمۍ و داوا جە گرڎو هێزە دیموکراتیک و ئاشتیوازەکا مکەرمۍ، پەی سەرکۊتەی ئی هەوڵەیە، پاڵپەشتی ئێستەیۆ چارەسەری سیاسی پەی گرڎو کێشەکا بکەرا".
