دەسەو ڕاوەبەری کۆنگرەو نەتەوەیی کوردەسانی (کەنەکە) جەژنەو کریمسی جە گردو مەسیحیەکا جەهانی موبارەکە کەردە.

دەقو پەیامو موبارەک بایەکەو کەنەکەی پی جۆرەنە:

"ڕۆو جە ئەڏابییەو عیسا مەسیحی جە جەهانو مەسیحینە روێ موبارەکا و جەژنێوە سەرەکیەنە. پا بۆنۆ ٢٥و کانونو یوەمی پێسەو ڕۆو جە ئەڏابییەو عیسای مەسیحی موبارەکە  کریۆ. ڕووە موبارەکە ئایینیەکێ، جە گردو ئایینەکانە پەڕ بەهێنێ، قەڎرشا ۋنە گیریۆ. هەر ئایینێ، ئا ڕووە گرنگەو وێش بە جۆش و خرۆش و زەماونەو هۆرپڕای گۆرەی دلێوێشانە جە پەرستگەکاشانە موبارەکە مکەرا.

کوردەسانەنە رێژێ فرە جە ئەرەنیشتا بڕوا بە عەیساو مەسیحی و کتێبی موبارەکو ئینجیلی ئەرەنیشتێنێ و هاموڵاتیێش رێزوەنەگیریێنێ و بەقیمەتێنۍ. نوێنەرا مەسیحیەکا دلێ کەنەکەینە ئامادەییشا هەن.

سەرەتاوە ئایینو مەسیحیەتی جە جوگرافیاو کوردەسانینە وەڵابییەنۆ. جەژنەو کریسمەسی نزیکەو ٢٠٠٠ ساڵان کوردەسانەنە موبارەکە مکریۆ و بیێنە بە جەژنێوە سەرەکیە جە وڵاتەکەمانە.

بە مەڵامەتو ئا ڕووە موبارەکەیۆ، کەنەکە بە تایبەت کریسمەسو مەسیحیەکا کوردەسانی و گردو مەسیحیەکا جەهانی بە رێز و وەشەویسی بەرزۆ موبارەک مکەرۆ. هیواڎارێنمێ کە ئا ڕووە موبارەکە بۆ بەمایۍ ئاشتی، ئارامی، خێر و وەشی پەی مرۆڤایەتی گرد شۆنێنە.