جە شاروو کۆڵن و ئەڵمانیاینە بە ئامانجوو شەرمەزارکەردەو پیلانگێڵنیی میان نەتەوەیی ١٥ و شوباتی و جە چوارچێوەو هەڵمەتەو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی" کە ١٠ و تشرینوو یووەمی دەسش پنە کەرد، دما ڕاپیمای و گلێرۊبیەی ئەنجامدریا.

گرووپوو ئینتەرناسیۆنالیستەکا

گرووپوو ئینتەرناسیۆنالیستەکا بە پۆستەرۍ ڕابەروو گەلوو کوردی عەبدوڵا ئۆجالانی بەشدارۍ ڕاپیماکەی بیۍ و جەماوەر کارتۍ ئازاڎیی جەسڎەیی ڕابەروو گەلوو کوردی عەبدوڵا ئۆجالانیشا سەروو ڕێکێوە هورواستۍ.

گرووپە ئینتەرناسیۆنالیستەکۍ جە ٧ وڵاتا جیاجایۆ بەشدارۍ بێنۍ و چنڎین جارۍ گۆشەگیری سەروو ڕابەروو گەلوو کوردی عەبدوڵا ئۆجالانیشا شەرمەزار کەرد.

جە ساڵەو ١٩٩٩ یۆ ئینە ئەوەڵجارا گەنجاو ئەڵمانیای پی وەر وڵاویە بەشداری چالاکیەکەی کەرا.

حۊڵوو پرۆڤۆکاسیۆنوو پۆلیسی ۋەران ۋەروو گرووپە ئینتەرناسیۆنالیستەکا ڕووبەڕوو ناڕەزایی جەماوەری بیۆ.

ئا وەختەی کە دەیان هەزار کەسۍ سەروو سردەو سێڤەرینبروکی سەروو بەحروو ڕاینینە ویەرێنۍ، لەرنایۆ پردەکۍ بی بە مایۍ تەرسۍ.

پۆستەرۍ ڕابەروو گەلوو کوردی عەبدوڵا ئۆجالانی

مێڎانوو گلێرۊبیەکەی نزیک بە بەحروو ڕاینی بە پۆستەرۍ ڕابەروو گەلوو کوردی عەبدوڵا ئۆجالانی ڕازیاوە، گلێرۊبیەکەی بە نەشیدەو ئەی ڕەقیبی و دەیەقێوە ڕێزگرتەی دەسش پنە کەرد. هامسەرۆکاو کەنەکەی، نەیلوفەر کۆچە و ئەحمەد کاراموس، هامسەرۆکەو کەجەدەکەی زوبەیدە زومروتە، ئەنگین سەڤەر، نوێنەراو ڕێکوزیا کوردییە دیموکراتیکەکا ئەوروپای، سیاسەتمەدارا کوردی جە تاراوگەنە، هونەرمەنڎۍ و ڕێکوزیاکا ژەنا بەشدارۍ گلێرۆبیەکەی بێنۍ.

ڕابەر ئاپۆی ئازاڎ کەرمۍ

زوبەیدە زومروتە واتش: " هەزاران جارۍ سڵاموو ۋێما پۍ ڕابەر ئاپۆی کیانمۍ. چی مێڎانۆ هەزاران جارۍ سڵام جە ڕابەر ئاپۆی و هەڤاڵاش کەرمۍ. ئارۆ جە شاروو کۆڵنینە تاریختا نوویستۆ. ٤ پارچەو کوردسانی پۍ ئازاڎیی ڕابەر ئاپۆی مدرامان کەرا. ئارۆ تاریختا تۆمار کەرد. ٢٥ ساڵۍ چێوەڵتەر هێزەکاو پیلانگێڵنی میان نەتەوەیی لاپەڕێوە سیاوشا پۍ گەلوو کوردی کەردۆ. بەڵام ئارۆ گەلوو کوردی و دۆسەکێشا جە ئەڵمانیانە لاپەڕێوە تازەشا کەردەنۆ. تاریخێوە تازەشا نویستۊ. هەنگامێوە تازۍ پۍ ئازاڎیی نریا. گەلوو کوردی جە ساڵەو ١٩٢٥یوە تا ئیسە سەرەش پۍ ستەمی نە نامنانەرە. گەلەکەما کە هەڵمەتەو ١٠ و تشرینوو یووەمیش دەس پنە کەردە، جە گرڎ یاگێوەنە مجیێنێرە مێڎانەکا. پۍ ئازاڎیی ڕابەر ئاپۆی گرڎ پۍ کۊشیایۍ گلێرگەی، دیپلۆماتیکی و یاسایی ئینۍ مێڎانەکانە. گەلەکەما ئینا مێڎانەنە، ئێمە ڕابەر ئاپۆی ئازاڎ کەرمۍ".

ئا ڕابەرێوە میان نەتەوەییا

ئەنگین سەڤەر ئەرەیاوناش، ئامانجشا ئانەبۍ ڕابەروو گەلوو کوردی عەبدوڵا ئۆجالان جە ویر کریۆ ، واتش: "ڕابەرایەتی ئیراڎەو ئێمەن، کەس مەتاوۆ ئیراڎەمان ماڕۆ، ڕابەر ئاپۆ ئیتر تەنیا ڕابەروو گەلوو کوردی نییا، هاموەخت ڕابەرێوە میان نەتەوەییا. ساڵەو ٢٠٢٤ ی بۆ بە ساڵەو ئازاڎیی ڕابەر ئاپۆی".

پەیاموو دۆسا گەلوو کوردی

جە گلێرۊبیەکەینە پەیاموو سەرۆکوو کۆمیسیۆنوو هاموڵاتیا تورکیای جە یۊبیەی ئەوروپاینە، پرۆفیسۆر کاریان وێسترهایمی ونیاوە، جە پەیامەکەشەنە ئاماژە پانەی کەرۆ وەختۍ ویر جە چارەسەری پرسوو کوردی و حۆڵوو ئاشتی کەرمێوە گرنگی ڕابەروو گەلوو کوردی عەبدوڵا ئۆجالانی زیاتەر بەرگنۆ، حەرپاسە سەرنجش وست سەروو قەراروو غەڵەتوو وڵاتا ئەوروپای ئا وەختەی کە ٢٥ ساڵۍ چێوەڵتەر مافوو پەنابەریشا نەبەخشا بە ڕابەروو گەلوو کوردی عەبدوڵا ئۆجالانی، ئی قەرارە ڕاش پۍ تنووتیژی جە کوردسانەنە کەردۆ و هەزاران کەسۍ گیانشا جە دەسدا.

حەرپاسە بێدەنگی کۆنسەو ئەوروپای و سی پی تیش شەرمەزار کەرد و هامکاری ئی ئەرەمەرزیایا پۍ تورکیای پێسە ڕاوەشکەریێوە پۍ هۊرشێونایۆ بەها دیموکراتیکەکا و بەقوەتبیەی مەیلوو پاوانوازی ئشناسا.

داواش کەردە دەوڵەتا ئەوروپای دڎان غەڵەتەکاشارە بنیا و حۊڵوو ئازاڎیی ڕابەروو گەلوو کوردی عەبدوڵا ئۆجالانی بڎا، واتش: "عەبدوڵا ئۆجالان جە زینڎانوو ئیمراڵینە چنڎین کتێبۍ و وتارێش نوویستێنۍ و ڕوانگەی سیاسی و فەلسەفی ۋێش پێسە کۆنفیدراڵیزمی دیموکراتیکی و فێمێنیزمی ڕادیکاڵی و مافوو چارەنوویسوو کوردا بەربڕیەن.

پی نویستەیا نەک حەر بیەنە بە مامۆساو گەلەکەیش، بەڵکم زیاتەر پێسە مامۆساو دنیۍ مۍ ۋەروو چەما".

نوێنەروو هیندی: با دەنگی هامبەشما بەرگنۆ

جە سەرەتاو پەیاموو نوێنەروو تەڤگەری یەک ملیاری جە مدرامانوو هیندستانی/ڕێکوزیاو گلێرگەو داڎپەروەری و یەکسانی، جاگۆری گرامین ئامابۍ: "گرڎما گەرەکمانە، فەیلەسەف و نویسەر و کۊششکار، عەبدوڵا ئۆجالان دەمودەس ئازاڎ کریۆ"،

سەرنجش وست سەروو کۊشیای ئازاڎیی گەلوو کوردی پۍ سیستمێوە تازەو جەهانی بەپاو دیموکراسی فیدراڵی و بێ دەوڵەتی، واتش: "بەیدۍ بە ونەپەرسای جە گرڎوو تاوانەکا دژ بە مرۆڤایەتی کەرمۍ و دەنگ و داوا هامبەشەکاما جە پەرلەمانەکا جەهانینە بەروزمۍ".

جۆسانۆ: ئیسە دەنگەکۍ بەرزتەرۍ بیێنۍ

وەزیروو دادی وەڵینوو ئایسلەندای و ئەنداموو دەسەو ئیمراڵی، ئۆگوماندەر جۆسانۆ سەرنجش وست سەروو کۊشیای چن ساڵەو گەلوو کوردی پۍ پارێزناو بیەی و چاندی و زۋانی و ئازادی ۋێش، ئەرەیاۋناش جە سەردەموو گەنجیمۆ گۆشم جە دەنگوو کوردا بیەن، بەڵام ئیسە ئی دەنگە بەرزتەر بیەن.

داواش کەردە گلێرگەی مایان نەتەوەیی هامکاری تورکیای نەکەرۆ و تاوانەکۍ جە یاڎ نەکریا، حەرپاسە جەختش کەردۆ پۍ مردناو جەنگەکا ڕێککۊتەی و گفتووگۊ پۍ کوردی و تورکیای و تەماموو ۋەرکەوتوو دلێڕاسەی پێویسا، واتش: "کریۆ ئاشتی چا بۆ بە مایۍ ئاشتی جە یاگەکا تەرینە... با دەرفەتێوە بڎەیمۍ بە ئاشتی. پۊکەی ماچوو: ئازاڎیی پۍ عەبدوڵا ئۆجالانی- ئاشتی پۍ کوردسانی".

پەیاموو سەندیکاکاو ئیسپانیای

ئەنداموو کۆنفیدراسیۆنوو سەندیکاکاو ئیسپانیای ڤالەنتین بورگۆس سالێس پەیاموو سەندیکاکاو ئیسپانیایش وەناوە، سەرنجش وست سەروو ئانەی کە بە گرنگییوە تەماشەو ئەزموونە سیاسییەکا سەروو بناغەو کۆنفیدراڵیزمی دیموکراتیکی کەرا.

هاموەخت هجومەکا سەروو غەززەیش شەرمەزارکەردۍ، دماتەر بەتنی هجومەکۍ ڕژێموو ئەردۆگانیش پۍ سەروو ۋەرنیشتی شەرمەزار کەردۍ، مەڵامەتوو هجومەکاش گێڵناوە پەی بێدەنگی گلێرگەو میان نەتەوەیی و مەسڵەحەتە ستراتیجییەکا ناتۆی. واتش: "جە سەرنیشت تا پانیشت، جە ۋەرکەوت تا ۋەرنیشت... بە گرڎ جۊرۍ کۊشیای بەردەواما. چارەسەری دیموکراتیک و دادپەروەری پۍ گەلوو کوردی! ئازاڎیی پۍ ئۆجالانی!".

ماپێلی

جە پەیامەکەو سەرۆکوو جەمەو چاندی پونتۆ ڕۆسۆی و سەرنوویسەروو چاپخانەو پونتۆ ڕۆسۆی، ڕۆبێرتۆ ماپێلی سەرنج وزیا سەروو قەیرانە هەمەجۆرەکا بە مەڵامەتوو سیستموو سەرمایەداری و دەوڵەت نەتەوەیۆ.

تەئکیدش کەردۆ پەنەوازما بە ڕوانگە و فیکرێوە تازەیا، ئینەیچ لاو ڕابەروو گەلوو کوردی عەبدوڵا ئۆجالانیۆ دەس گنۆ کە ئیسە ئینا زینڎانەنە.

جەختش کەردۆ کۆنفیدراڵیزموو دیموکراتیکی ڕابەروو گەلوو کوردی عەبدوڵا ئۆجالانی متاوۆ جەهانی جە جەنگی ڕزگار کەرۆ.