کۆردیناسیۆنو شۆنیرەلوای مانگێرتەی جە واردەی ئا ڕاپۆرتێ، کە زیندانو تیپوF ی وانینە، زیندانو ئاسایشو باڵاو وانی، زیندانو تیپو L و پانۆسی، زیندانو تیپو Tی خەلاتی، زیندانو تیپو Tی بایبوورتی، زیندانو تیپو Tی بەشیکدوزوو ترابزۆنی و زیندانو تیپو Lو کالکاندەرەی ریزەوەیش چەنەن هۆڵو کۆنفرانسو تاهیر ئەلچی، جە نوسیگەو کۆردنیاسیۆنو شۆنیرەلوای مانگێرترەی جە واردەیش ئاشکرا کەرد.

جە پارێزنەراو ئۆهەدە مەدەنی گور، ئاشکراش کەرد، چا زیندانانە کە مانگەو شوباتینە  سەرشا دێنێ مانگێرتەی جە واردەی زیندانییا بە داواو ئازادیی جەستەیی ڕابەرو گەلو کوردی عەبدوڵا ئۆجالانی دەسش پەنە کەردەن و بەردەوامیچا. گول سەرنجەش وستە سەروو پاشێلکەردەی مافە ژیواییەکاو زیندانییا و واتش: "ئا زیندانیێ جە زیندانوو ئیمراڵیینە گیریێنێ، پێسەو زیندانییای تەرو زیندانەکاو تورکیای ساعیب مافینێ، نمەبۆ هیچ ئەشکەنجەیێوە کەسییشا وەراوەر بکریۆ. ئا بابەتە کە داوا مکریۆ، سەپنای گۆشەگیریین ملشارە بەتەمامی دژو ڕێسا و چوارچوەکاو یاسێن."

گور پەی لابەردەی گۆشەگیری داواش وەنەو وەزارەتو دادی و دەزگا نەتەوەیی و میاننەتەوەییەکا کەردە، هەنگامەی پێویسە بنیا.

گور، ئا پاشێلکارییێ کە پەنەشا یاویێنێ پێسە واتێش:

* بڕێو زیندانێنە کۆنترۆڵی تەندروسیی ڕوانەو ئا زیندانییا نمەکریۆ، کە ئینێ مانگێرتەینە جە واردەی، چا زیندانایچنە، کە کۆنترۆڵی تەندروسیی مکریۆ، پزیشکێ پسۆڕێ نمەکەرانێش  و بڕێ جارێ لاو کارمەندێوە تەندروسییوە مکریۆ و بڕێ جارێچ لاو پاسەوانەکاوە مکریۆ.

*جە بڕێو زیندانەکانە بە حیچ شێوێوی ژەمە واردەیە سەرەکییەکێ نمەدرای بە زیندانییە مانگێرتەکا، بڕو دایپەنەی ژەمی سەرەکیی پێسەو ماسی و شەربەتو مێوەی، مەکی، قەند و کاربۆنات مدریۆ. بە تایبەت زیندانو تیپو Fو وانی ژەمو واردەکەی نمەدریۆ بە زیندانییا. پەوکای ئی ئاستەنگکەردەی زیندانەکا، دۆخو مانگێرتەی جە واردەیش فاڕان پەی ڕۆچێ مەردەی.

*بییەی ڤیتامینەکا پەی زیندانییە مانگێرتا فرە گرنگا، پەوکای بڕێو جە لە زیندانەکانە دا ڕاگێرییش وەنە مکریۆ ڤیتامینو B1 و B12 نمەدریۆن بە زیندانییاو مانگێرتەی جە واردەی.

*یاوان لاما جە بڕێ زیندانێنە سزاو دیسپیلنی شێوەو 'بێبەشکەردەی جە چالاکییە چاندی و وەرزشییەکا' پەی زیندانییا بەکارمێ و ئا زیندانییێ ئینێ چالاکیی مانگێرتەی جە واردەینە جە زیندانییای تەری دوورێ موزیاوە و  موزیا ڕاڕەوێوی تەرۆ."