ۋێرەگاو ڕۊو یەک شەممەی، جە کۊڵانەو ڕەحیماوای جە شارو کەرکوک و پانیشتوو کورڎسانی بە ۋەڵېۋەبیەو ڕێکوزیاو ژەنا ئازادیوازو کورڎسان(ڕەژاک)ی، جەمەو جوۋانا ۋڵاڎپارێزو کورڎسانی و تەفگەری ئازاڎیی گلېرگەو کورڎسانی، بۊنەو ٧٥هەمین ساڵۋەگەڕو جە ئەڎابیەو ڕابەرو گەلوو کورڎی ڕابەر عەبدوڵا ئۆجەلانی، جە مەراسیمێۋەنە پۍ بەرزڕاگېرتە و پیرۊزکەرڎەو ئا ڕوۋەیە سینەفزێۊنێۋە پیشکەش کریا.

جە چالاکییەکەنە زیاڎ جە (٥٠)کەسا جە ژەنا و جوۋانا شارەکەی بەشڎاۍ بێنۍ، سەرەتاو چالاکییەکەی بە دەیەقېۋە مرڎای پۍ گیانو پاکو گەشمەرڎا دەسش پنەکەرڎ و دماتەر سەبارەڎ بە ساڵیاڎو جە ئەڎابیەو ڕابەر ئاپۊی قسۍ پۍ ئاماڎەبیا چالاکییەکەی کریا، دماتەر سینەفزیۊنێۋە سەرو  ئەرەکۊشای ڕابەرو گەلوو کورڎی ڕابەر عەبدوڵا ئۊجالانی پێشکەش بە ئاماڎەبیا چآلاکییەکەی کریا.

جە دما دماینە، دروشمەکۍ (بژیۋۊ سەرۊک ئاپۊ، بۍ سەرۊکی ژیای مەبۊ)جە لایەنو ئاماڎەبیاو مەراسیمەکەیۊ وچیێۋە و ڕۊو جە ئەڎابیەو ڕابەرو گەلا ڕابەر ئۊجالانی پیرۊزکریا و پی جۊرە چالاکییەکە دمایش پنە ئاما.

هـ . ش