جە کەشە سەركەشەكاو كورڎسانینە؛ پارتوو ژیوای ئازاڎوو كورڎسانی بە مەراسیمێوە ١٩ەمین ساڵیاڎوو ئەرەمەرزنای وێش و ٧٥ەمین ساڵڕۊو جەئەڎابییەی ڕابەروو گەلوو کوردی "عەبدوڵا ئۊجالان"یش بەرز و مەبارەک ئرمانا.
جە مەراسیمێوەنە پۊلێوە جە گەریلاکاو وەرکەوتی و نوێنەروو پەژاكی و كەژاری ئەورووپانە و هامسەرۊكاو پەژاكی و كۊداری ئاماڎۍ بێنۍ.
هامسەرۊكەو پەژاكی؛ "زیلان ڤەژین"ە، مەراسیمەكەنە واتش؛ پەژاك بەرهەموو ڕەنجوو گەشمەرڎا و سەرەورڎای و ئەرەپڕای گەلەكەیمانە، جە ساڵەو ١٩٩٩ سەروو ئاستوو ئێرانی و وەرکەوتوو کورڎسانی و گەشمەرڎا، نۊزدە ساڵۍ جە خەبات و وێڕاگێری و قارەمانیەتی، هامشێوەو "نەوزاد كۊمار، زیلان پەپوولە، عاكیف مامۊ زاگرۊس، مانی كیاكسار و ڕێزان جاوید"ە و هەزاران گەشمەرڎۍ تەرۍ، كە پەژاكشا یاونان ئا ڕووە. ئەرەمەرزنای پەژاكی جە ڕۊو چواروو نیسانینە؛ هاموەختا چەنی پەیڎابییەی "ڕابەر ئاپۊ"ی ئانەیچ نیشانۍ ئانەینە، كە پەژاك بە كاریگەریی هەقەتینوو ویر و هزروو "ڕابەر ئاپۊ"ی مەرزیانرە. سەروو ئی بنەمێ؛ پێسە پەژاكی؛ پەیڎاییەی "ڕێبەر ئاپۊ"ی پەیڎاییەی وێما و حەر ئازاڎیوازێوە و حەر تاكێوە كوردی مزانمۍ. ئەرەمەرزنای پەژاكی جە چواروو گۊڵانیچنە؛ خاستەرین جوابدایۊن دژوو پیلانگێڵنا و ناحەزاو گەلی و نەتەوەكەیما و سیستموو مۊدیرنیتەی سەرمایەداری. ڤەژین، ئاماژەش پانەیچ كەرد؛ پەژاك تەنیا پارتێوە نییا؛ بەڵكوم ویر و هزر و فەلسەفێوەن كە ئەزموونوو پەنجا ساڵا خەبات و كۊشیایش ئینا پەشتیوە و باکگراونۍ تاریخی، ڕێكوستەی، پارێزنای و ئەخلاقی، ئیكۊلۊژی دلۍ وێشنە ور گێرتەن و خاستەرین وەفاداری و ساعیببیەی جە ساڵیاڎوو پەیڎابییەی "ڕێبەر ئاپۊ"یچنە؛ فاڕای و وەرفراوانكەرڎەی خەباتی و كۊشیای ئازاڎیوازیین جەوەرکەوتوو كورڎسانی و ئێرانینە پەی ئازاڎیی جەسەیی ڕابەریما و سەروستەی شۊڕشوو ژەنی، ژیوای، ئازاڎی.
هامسەرۊكەو پارتی ژیوای ئازاڎی كورڎسانی "پەژاك"؛ جە سەرەتاو قسەکاشنە؛ پەیڎاییەی ڕابەر ئاپۊیش جە چواروو ١٥و خاکەلێوەو و نۊزدەمین ساڵیاڎوو ئەرەمەرزنای پەژاكی و ساڵیاڎوو ئەرەمەرزنای یەكینەكاو پارێزنای ژەنۍ "یەپەژە"یش جە وەرنیشتوو كورڎسانی" و ئەرەمەرزنای هەپەژەی و كۊداری جە بنەیانە و كەسوكاروو گەشمەرڎا، كۊشەراو ڕاو ئازاڎیوازی، هامڕایا سەنگەرەكاو مدرامانی كە دژوو فاشیزمی و دیكتاتۊریەتی گیان سەروو دەسیوە ڕووبەڕوو سیاسەتوو کۊکوشی و دلێنەبەرڎەی و پاكتاوكاری باوە، هامڕایاو زیندانی و ژەنۍ ئازاڎیوازۍ و هامڕایاو هەندەرانی مەبارەک كەرد و ئەرەیاوناش؛ پەژاك چی نۊزدە ساڵەو خەباتەو وێشنە، چنڎین قۊناغۍ تاریخییێش گوزەرنێنۍ، لە 2004 پەی 2014 و دمابەدماو ئانەیچ جە ورچەرخیایۍ تاریخی و تازەنە لە هەرمانە و خەباتوو ڕێكوستەینە، پارێزنای فۊڕمێوە تەرو ڕێكوستەیش ئارڎەن دلۍ مەیڎانوو سیاسەتی و كۊشیای ئازاڎیوازی سەروو ئاستوو وەرکەوتی و ئێرانی. پەژاك؛ پێسە پێویسیێوە تاریخی جە خەبات و كۊشیی ئازاڎیوازی گەلەكەیما، جە وەرکەوتوو كورڎسانی و بۊنەو بۊشایی سیاسی و نەبیەی ڕێكوستەی و هەرمانۍ و خەباتوو ڕێكوستەی گەلەكەیما جە وەرکەوتوو كورڎسانینە ئەرەمەرزیا و تاواش ماویوە کوڵنە، بۊشایی سیاسی كە جە ئەنجاموو بڕێو هامسەنگیی هێزی سیاسی ئامۍ ئاراوە، پەڕ کەرۊوە. وەلێم جە 2014 ڕاستەوخۊ؛ بە ئەرەمەرزنای كۊداری و كەژاری و كەجەرەی؛ قۊناغێوە تازەی جە خەباتی و کۊشیای جە وەرکەوتوو كورڎسانی و ئێراننە دەسش پەنە كەرد، جە چوارچووەو نەتەوەبییەی دیموكراتیكینە؛ و خەباتی پەنجا ساڵەو جمیەری ئازاڎیوازیی گەلوو كورڎسانی و خەباتوو ڕێكوستەی ژەنا و ئەرەمەرزنای هێزوو پارێزنای ژەنا و ڕاستەوخۊ سیستموو هامسەرۊكایەتی جە گرڎوو كایەكاو ڕێكوستەی، هزری، ڕاوەبەرایەتیش بەهەند ور گێرت و پەیڕەوییش کەرۊ و شۊڕشوو "ژەنی، ژیوای، ئازاڎیی"چ كە ماوەو حەوت مانگان بێوچان سەروو ئاستوو ئێرانی دەسش پەنە كەرڎەن، پێسە بەرهەمێوە ئا سیاسەتە حەكیمانە و چەنەزانانەی هزری، فەلسەفی، ڕێكوستەی "ڕابەر ئاپۊ"ی مزانمۍ كە پەی ماوەو پەنجا ساڵان ڕەنج و شەونەوتەیش پەی كێشیان.
ڤەژینە جە قسەکاشنە، سەرنجەش وستە سەروو سەر خەتەو كۊشیای ئازاڎیوازیی پەژاكی و واتش؛ پەژاك، جە هەمان سەرەتاو ئەرەمەرزنای وێشۊ، پارتێوە نەتەوەیی و دیموكراتیكا و چەمكوو نەتەوەبییەی دیموكراتیكی و ئازاڎیوازیی ژەنۍ و ئەخلاقی و ئیكۊلۊژییش پێسە پارادایموو كۊشیای پەی وێش بەبنەما گێرۊ، پەی یەكڕیزی و خەباتی نەتەوەیی؛ ئەرەمەرزنای پەژاكی و بییەی پەژاكی پێویسییوەن و جە چوارچووەو خەباتی هامبەشی نەتەوەیی جە حیچ چێوۍ دەرێغی مەکەرمۍ.
هامسەرۊكەو پەژاكی "زیلان ڤەژین"ە جە بەشێوە تەروو قسەکاشنە؛ ڕۊشناییش وست سەروو ساڵڕۊو پەیڎاییەی ڕێبەر ئاپۊ جە چواروو نیسانینە و ئەرەیاوناش؛ پەیڎابییەی "ڕابەر ئاپۊ"ی تەنیاپەیڎاییەی كەسایەتیێوە نییا؛ بەڵكوم پەیڎاییەی هزر و فەلسەفە و ویرێوە ئازاڎین كورڎساننە. ئی هزرە تازەیچە كەسایەتیێوە تازەش كورڎستاننە بونیاڎ نیان. ئا كەسایەتییە تازەیجە ئارۊ سەروو ئاستوو كورڎسانی، وەرکەوتوو دلێڕاسەی و جیهانی بییەن بە سەرمەشقوو خەباتی ئازاڎیوازی.
زیلان ڤەژینە درێژەو قسەکاشنە ئەرەیاوناش؛ چی سووچۊ، یاگۍ وێشنە سپاس و پەنەزانای وێما پێسە پەژاكیچ پێشكەشوو ڕۊحی پاك و بێگەرڎوو ئەڎا "ئۊوەیش"ۍ ئەڎاو "ڕابەر ئاپۊ"ی کەرمۍ كە "ڕابەر ئاپۊ" وێچش پێناسەو ئەدێچشنە واتەنش؛ ئەڎام جە ڕەچەڵەکوو ئەڎاـ خوداوەنڎەكانە. پەوکای پێسە پەژاكی وێما بە قەرزڎارۍ ئەڎا ئۊوەیشۍ و "ڕابەر ئاپۊ"ی و گەشمەرڎا مزانمۍ، خاستەرین وەفاداری پەی "ڕابەر ئاپۊ"ی وەرفراوانكەرڎەی و بەگوڕكەرڎەی خەباتی هزرین، ڕێكوستەی و هەمان وەختیچنە، پەی ئازاڎیی جەسەیی ڕابەریما پتەوكەرڎەی هەرمانۍ و خەباتوو ڕێكوستەیمانە جە دماتەرنە. خاستەرین خاوەنداری جە شەهیڎایچ؛ سەروو خەتە و ڕێبازوو ئازاڎی و سەروستەی ئامانجەكاو گەشمەرڎاما سۊز و قەرارما تازە کەرمێوە، تا دماین هەناسە پەی سەروستەی شۊڕشوو ژەنی، ژیوای، ئازاڎی و ئازاڎیی جەسەیی "ڕابەر ئاپۊ" بێوچان و بێدووەدڵی درێژە بە تێكۊشیای مڎەیمۍ.
مەراسیمەكەنە و پێسە ڕاوڕسمێوە، كە حەر ساڵۍ جە ساڵڕۊو پەیڎابییەی "ڕابەر ئاپۊ"ینە و ساڵیاڎوو ئەرەمەرزنای پەژاكینە، جە چواروو نیسانینە شەتڵۍ نەماما نریا.
ئاخیروو مەراسیمەكەینە؛ ناوەندی کولتووریی بێستوونی؛ چند بەرهەمێوە هونەریێشا جە شانۊی و و شێعرا و گۊرانییا پێشكەش كەرد، بە زەماونڎە و ورپڕای و ڕەشبەڵەك دمایی ئاما بە مەبارەکاییەکەی.
س.ز
