هه‌په‌گه ئەرەیاوناش، گه‌ریلاكاو ئازاڎیی كورڎسانی به سەرمەشقایه‌تیی هێزه‌كاو یه‌ژاستاری گورزی قورس وەنەو سوپاو توركی مدا و ماوه‌و ٢٤ سەعاتی ویەرڎەینە، ١٢ چالاكیۍ کریێنۍ و ١١ سەروازۍ توركی ئەرەگیری سزا دریێنۍ و دووۍ سەروازێچ بریندارۍ بیێنۍ.
ناوه‌ندوو ئەرەیاونای و چاپه‌مه‌نیی هه‌په‌گەی جە ئەرەیاوناێوەنە وەڵاش کەرڎۊ، هێزه‌كاو گه‌ریلای جە مەیڎانوو مدرامانوو کەشوو جودینە به سەرمەشقایه‌تیی هێزه‌كاو یه‌ژاستاری به وه‌رێوە به‌رزۊ و به ڕۊحی گیانبازیی ئاپۊییوە گورزی قورس وەنەو سوپای توركی ئەرەگیرۍ مدا.
ئەرەیاوناکەینە ئامان، ماوه‌و ٢٤ سەعاتی ویەرڎەینە، ١٢ چالاكیۍ کریێنۍ و گرڎیوە ١١ سەروازۍ توركی ئەرەگیرۍ سزا دریێنۍ و دووۍ سەروازێچ بریندارۍ بیێنۍ.
ئەرەیاونیاکەو هه‌په‌گەی باره‌و چالاكییه‌كاو گه‌ریلای و هجوومەکاو ئەرەگیراوە ئی زانیاریۍ وزیێنۍ ڕووە:
جە هه‌رێموو گەشمەرڎە ده‌لیلوو وەرنیشتوو زاپینە:
٢٧وو تەمووزی سەعات ٠٦:٤٠ دژوو ئەرەگیرانە کە مەیڎانوو مدرامانوو کەشوو جودینە له جموجووڵنە بێنۍ، بە چەکی قورس چالاکیێوە کریا. ئه‌نجاموو چالاكییه‌كەینە ئەرەگیرێوە سزا دریا، دووۍ ئەرەگیرێچ بریندارۍ بیۍ.
٢٧وو تەمووزی سەعات ٠٧:٠٠ مەیڎانوو مدرامانوو کەشوو جودینە بە چەکی قورس ئەرەگیرۍ كریۍ ئامانج و ٢ ئەرەگیرۍ سزا دریۍ. چالاکییەکە جە ڕاو هێزەکاو یەژاستاریوە کریا.
٢٧وو تەمووزی سەعات ٠٩:٤٠ مەیڎانوو مدرامانوو کەشوو جودینە، به چالاكیی نیشانەماڕۍ ئەرەگیرۍ كریۍ ئامانج و ئەرەگیرێوە سزا دریا، چالاکییەکە جە ڕاو هێزەکاو یەژاستاریوە کریا.
٢٧وو تەموز سەعات ١١:٣٠ دەیەقۍ مەیڎانوو مدرامانوو کەشوو جودینە بە چەکی قورس وەنەو ئەرەگیرا دریا و ئەرەگیرێوە سزا دریا.
٢٧وو تەمووز سەعات ١٧:٥٠ مەیڎانوو مدرامانوو کەشوو جودینە بە چەکی نیمچە ئۊتۊماتیک ئەرەگیرەکۍ كریۍ ئامانج و ٢ ئەرەگیرۍ سزا دریۍ.
٢٧وو تەمووز سەعات ١٨:٣٠ دەیەقۍ دژوو ئەرەگیرانە كه هه‌وڵۍ دێنۍ مەیڎانوو کەشوو جودینە بنۍ وزا، چالاكیێوە نیشانەماڕۍ کریا و ئەرەگیرێوە سزا دریا، چالاکییەکە جە ڕاو هێزەکاو یەژاستاریوە کریا.
٢٧وو تەمووزی سەعات ١٩:٠٥ به چەکی قورس ئا ئەرەگیرۍ، كه هه‌وڵۍ دێنۍ مەیڎانوو مدرامانوو کەشوو جودینە بنۍ وزا کریۍ ئامانج. جە ئەنجامنە ٣ ئەرەگیرۍ سزا دریۍ، چالاکییەکە جە ڕاو هێزەکاو یەژاستاریوە کریا.
٢٨وو تەمووز بەینوو سەعات ٠٢:١٥ پەی ٠٣:٣٠ هێزەکێما یەژاستار بە چەکی قورس ٥ جارۍ ئامێوە دەسۍ پەی هه‌لیكۊپته‌ره‌كا، كه هەوڵۍ دێنۍ هێزەکاشا مەیڎانوو مدرامانوو کەشوو جودینە بنۍ پەنە وزا.
شناسنامه‌و گه‌ریلێوە گەشمەرڎەی ئاشكرا بی
جە ئەرەیاونیاو ڕۊو ٢٤ی ته‌مووزینە واتما، كه په‌یوه‌ندیما چەنی هامڕیوەما پڕچیان. بەرکەوت کە هامڕاما به‌رخۊدان فارقین ڕۊو ١٩ ته‌مووزوو ٢٠٢٣، مەیڎانوو کەشوو ئۊرتێ-ی مه‌تیناینە گەشمەرڎە بییەن. جه‌نگاوه‌روو ئازاو پارته‌كه‌یما، هامڕا به‌رخۊدان جە ئەوەڵوو هجووموو ئەرەگیرانە پەی سه‌روو هه‌رێموو مه‌تینای، به گیانبازیێوە گه‌وه‌ره‌وه به‌شدارییش سه‌نگه‌ره‌كاو مدرامانینە كەرد. فرەو مەیڎانەکاو مه‌تیناینە دژوو ئەرەگیرا چالاكییش کەرد، بۍ یوە و دووە به‌شدارییش گرڎوو چالاكییەکانە کەرد و بە هه‌ڵوێستێوە به‌نرخۊ هەرمانەو سەرمەشقایه‌تییش پۊڕنا.
سەرەوەشیما ئاڕاسته‌و بنه‌یانەی به‌نرخ و وه‌ڵاتپارێزنوو هامڕا به‌رخۊدانی و گه‌لی وەڵاتپارێزنوو كورڎسانی کەرمۍ. ئانەیه کەرمۍ بە هەرمانەی سه‌ره‌كییەما، كه ئامانجوو ڕابه‌رایه‌تیی ئازاڎ و كورڎسانی ئازاڎوو هامڕا به‌رخۊدانی بارمۍ دی.
زانیاری باره‌و شناسنامه‌و هامڕا به‌رخۊدان فارقین پێسنەن:
شناسنامێ: به‌رخۊدان فارقین
نامۍ و دمانامێ: سه‌رڎار مه‌چین
یاگۍ پەیڎابییەی: ئامه‌د
ئەڎا و تاتە: هیدایه‌ت -عارف
وەخت و شۊنەو گەشمەرڎەبییەی: ١٩ ته‌مووزوو ٢٠٢٣/ مه‌تینا
هجوومەکاو سوپاو توركی ئەرەگیری بە چه‌كی قەدەغەکریا،
٢٨وو تەمووزی سەعات ٠٣:٢٠ مەیڎانوو کەشوو ئێف ئێم-ینە هه‌رێموو گەشمەرڎە ده‌لیلوو وەرنیشتوو زاپینە، سەنگەرەکێما جارێوە به چه‌كی قەدەغەکریا بۊردومانۍ کریۍ.
هجوومەکاو سوپاو توركی ئەرەگیری
٢٨وو تەمووزینە مەیڎانوو مدرامانوو کەشوو ئامێدی، جە هه‌رێموو گەشمەرڎە ده‌لیلوو وەرنیشتوو زاپی جارێوە بە فڕۊکەی جەنگی بۊردومان کریا.
٢٧ و ٢٨وو تەمووزی مەیڎانوو مدرامانوو کەشوو جودی جە هه‌رێموو گەشمەرڎە دەلیلوو وەرنیشتوو زاپی، جارێوە بە هه‌لیکۊپتەری هجوومبەر بۊردومان کریا.
هه‌رێمه‌كاو گەشمەرڎە دەلیلوو وەرنیشتوو زاپی و زاپ تۊپوارانۍ كریۍ.
س.ز
