سەرنیشت و وەرکەوتوو سووریاینە بە شۆڕشوو ٢٠١٢ ژەنی دەستکەوتێ گرنگێشا دەس کەوتێ،  وەلێ جگە ئا دەسکەوتایچە هەڵای تندوتیژیی دژوو ژەنا بەردەواما هەرێمەکەنە.بارەو سەبەبی بنەڕەتیی ئا تندوتیژییاوە ئەندامەو کوردیناسیۆنوو کۆنگرەو ستاری، ژیان حسێنە پەی ئاژانسیما قسێش کەردێ و نەخشەڕاو کۆنگرەو ستاریش دژوو تندوتیژیی دژوو ژەنا و گرنگیی وێپاریزنای ژەنا کەرد.

ئەوەڵوو قسەکاشەنە ژیان حسێنە ئاماژەش دا بە دەوروو ژەنێ جە سەرمەشقایەتیی شۆڕشوو وەرنیشتینە و واتش:" بناغەو ئی شۆڕشەیە ژەنا متەنەرە.  چەنی ئی شۆڕشەیە چندین خەباتێ پەی مافەکاو ژەنا مکریا، کە درێژەشا مبۆ، ئاسان نییەن کە تندوتیژیی دژوو ژەنا بەیەکجاری بنەبڕ بکریۆ،چونکوم چی شۆڕشەنە چندین خەباتێ پەی ژەنا مکریا و ئی تندوتیژییێ دەرەنجاموو عەقڵوو پیاسالارینە. ئێمە باسوو سۆرسێوە مکەرمێ، کە گرد لایوە جیهانینە دەنگش دانۆ،کەچی هەلای ژەنی مکوشیا، تندوتیعیشا وەراوەرۆ مکریۆ، پەوکای مسۆم واەی ژەنێ و پیای هۆسیار بکەرمێوە".

'ئامانجما یاواین بە گرد ژەنێوە'

بەردەوامیی قسەکاشنە ژیان حسێنە باسوو نەخشەڕاو کۆنگرەو ستاریش دژوو تندوتیژیی دژو ژەنا کەرد و واتش:" ئامانجی سەرکیما یاواین بە گرد ژەنێوە سەرنیشت و وەرکەوتو سووریاینە. پەوکای پەنەوازیما بە هۆشیاریی پیایاچا، پەی ئی نەیچە یانارە گێڵمێ و سیمینارێ مکەرمێ، ئینەیچ بۆ بایسوو وێڕێکوستەی، گەر ژەنی جەوهەریان وێشا بپارێزنا، کەس نمەتاوۆ دژشا بمدرۆ و متاوا جە رووەو جەستەیی و فکرییچۆ پارێزنیێبا".

دەوروو کۆشیای کۆمەڵایەتی وەراوەروو تندو تیژیینە

 درێژەنە ژیان حسێنە ئاماژەش پانەیە دا بنەبڕکەردەی تندوتیژی تەنیا هەرمانەو جمیەرەکاو ژەنا نییەنە،پەنەوازییش بە هۆشیاریی گلێرگەیچا، مشۆم کەسە کۆمەڵایەتییەکێ  سنوورو مافوو وێشا بزانا و پەنەوازا یەکسانیی جێندەرێ بێ ئاراوە.

ستراتیژی پەروەردەیی

ئاخرۆ ژیان حسێنە باسوو دماییئاردەیش بە تندوتیژیی دژوو ژەنا کەرد و واتش:" سەرەتاو شۆرشیوە ئامانجی سەرەکیما یەکسانیی جێندەری بییەن،کە بنەمانە پەی گلێرگێوە ئاشتیوازی دیموکراتیکی،  کە بەیەکسانی خاوەنداریی مافەکاش بکەرۆ، ئەوەڵ هەرمانەکێما پەروەردەو ژەنانە بێنێ، وەلی دمایی زاناما تەنیا پەروەردە وەسێ نییەن، پەوکای مسۆم پەروەردە و هۆشیاری و ڕۆشنگەری و گلیرگەنە کەرمێ و زارۆلێچ هۆشیارێ بکەرمێوە".