کوردسانیێ بە شێوەی جەماوەری بەشدارێبیێ جە  ڕاپیمایەکاو١ و ئایارینە سەرو داواو سەندیکا ئەوروپییەکا.

مارسیلیا

لە مارسیلیانە ئەرەمەرزیا و ڕێکوزیێکێ، دلێشانە ناوەندی جڤاکی دیموکراتیکو کوردستانی بە ڕەنگە و ئاڵا و پانکارتو وێشاوە بەشدارێ چالاکییەکەی بێنێ.

تەماموو ڕاپیمایەکەینە کوردێ درووشمو "ئازادیی پەی سەرۆک ئاپۆ"ی و "ستاتۆ پەی کوردستان"ی و "بکوش ئەردۆگان" و "دمایی بە ئەرەگیرکاری باردێ"یشا بەرزێ کەردێوە.

وەڵیکریێوێشا بەشێ کەردێ دەربارەو گۆشەگیری و ئەرەگیرکاری، تیشکە وزیا سەرو ئامادەکاریی دەوڵەتو تورکی پەی جەنگی وەرفراوانی، داواو هەستیاری وەنەو ڕای گردینی کریا.

هینیبوت

شارو هینیبوتو فەڕەنساینە کوردێ بە ڕەنگو وێشاوە بەشدارێ چالاکیی ١و ئایاری بێنێ.

قسەکاو چالاکییەکەینە ئاماژە پانەیە کریا ١و ئایاری ڕۆو گردو کرێکارانە و گەلانە، کە دژێ ستەمی مکۆشیا و داواو ئازادیی مکەرا. 

ئاهەنگەکە بە بەرزکەردەیوە درووشما دماییش ئاما. 

هامبۆرگ

١و ئایاری شارو هامبۆرگو ئەڵمانیاینە بە جۆشوخرۆشێوە مەبارەک کریا. کوردستانیێ شارەکەی بەشداریێوی فرەشا چالاکییەکەنە کەرد، پارت و سەندیکا و ڕێکوزیێکێ بەشدارێ ڕاپیمایەکەی بێنێ.

فرانکفۆرت

فرانکفۆرتنە ڕاپیمایی ١و ئایاری کریا، مەجلیسو ژەناو ئامارای، مەجلیسو جڤاکو کوردی دیموکراتیکی، پەژاک، کەجەرە، کژار و دەیان ڕێکوزیێی چەپێ بەشدارێ بێنێ. هەڵوێستو بەلژیکای دژو چاپەمەنیی کوردی بە پانکارتەکا شەرمەزار کریا.

هەرپاسە چالاکییەکەنە  پانکارتو "چاپەمەنیی کوردی بێدەنگ نمەکریۆ" و "بژیوۆ یۆگێرتەی گەلا"، درووشمو "ژەنی، ژیوای، ئازادی"یشا بەرزێ کەردێوە.

دویسبۆرگ

 شارو دویسبۆرگو ئەڵمانیاینە ١و ئایاری بە جۆشۆ مەبارەک کریا.

لە تەماموو ڕاپیمایەکەینە کوردستانیێ درووشمو "بژیوۆ ١و ئایار"ی و "بژیوۆ سەرۆک ئاپۆ"ی و "زاپ، ئاڤاشین، مەتینا، بژیوۆ مدرامانوو گەریلا"یشا بەرزێ کەردێوە.

مانهایم

پا بۆنەوە شارو مانهایمینە ڕاپیمایێو کریا.

 ڕاپیمایەکەنە درووشمو "بژیوۆ ١و ئایار"ی و "بژیوۆ سەرۆک ئاپۆ"ی بەرزێ کریێوە.  ڕاپیمایەکەنە  پانکارتەکێ بە زوانی کوردی و تورکی و ئەڵمانی، ئاڵای وەرنیشتی و تەژەکە-ئەی و ڕسمو گەشمەرداو پاریسی بەرزێ کریێوە.

شتوتگارت

١و ئایارینە شارو شتوتگارتو ئەڵمانیای بە ڕاپیمایێو مەبارەک کریا.

چالاکییەکەنە  ورەتەی چەکی بە "ئەردۆگانی دیکتاتۆر"ی لاو ئەڵمانیایۆ شەرمەزار کریا و پەیامو یۆگێرتەی و هامکاری پەی مدرامانو یەپەگەی و یەپەژەی ئەوەخوای کریاوە.

ڕاپیمایەکەنە کوردسانیێ پۆستەرێوی گەورەو ڕابەرو گەلو کوردی عەبدوڵا ئۆجالانیشا بەرز کەردۆ.

هێلسینکی

شارو هێلسینکیی پایتەختو ئەڵمانیاینە، بە بۆنەو ١و ئایاریوە ڕاپیمایێو کریا.

کوردێ بە سەرمەشقایەتیی ناوەندو جڤاکی دیموکراتیکو کوردی (نەجەدەکە)ی دلێ بلۆکەو "مانگێرتەی گردین"و فرەو ڕێکوزیا چەپ و ئەنارشیستەکانە یاگێشا گێرتێبێ.

قسەکانە ڕەخنە وەنەو سیاسەتو دەسەڵاتی ڕاسڕەو گیریا و بانگەواز کریا پەی مانگێرتەی گردینی.

لیماسۆل

شاروو لیماسۆلی قوبرسینە هەزاران کەسۍ پەی پیرۆزکەردەی ١ و ئایاری کوۍ بیێوە.

جە چالاکییەکەنە، کۆمەڵەو چاندوو کوردی تیۆفیلۆس بە لافیتۍ ۋێشاو پۆستەرۍ ڕابەروو گەلوو کوردی عەبدوڵا ئۆجالانیوە بەشدارۍ بیۍ، درووشمەکۍ "ئازاڎیی پەی عەبدوڵا ئۆجالان"ی و "دەوڵەتوو ئەرەگیروو تورکی" و "بکوژ ئەردۆگان"ی بەرزۍ کریێوە. حەرپاسە وەڵاکریێکۍ دەربارەو هەڵمەتەو "ئازاڎیی پەی عەبدوڵا ئۆجالانی، چارەسەری سیاسی پەی پرسوو کورد"ی بەشکریۍ.