کییە: پەی زوانی کوردی هەرمانە کەروو
هاڤین کییە، کاندیدەو پارتوو چەپی سەوزی جە وان-نە واتش، وەروو ئانەی جە دەستووری بنەڕەتینە زوانی کوردی پێسە زوانی ڕسمی چەسپیۊ و مافوو پەروەرڎەی بە زوانوو ئەڎۍ مسۊگەر کریۊ، بۍ مرڎای هەرمانە کەروو.
هاوین کییە، یووەنە جە کاندیدە گەنجەکاو پارتوو چەپی سەوزی جە وان-نە ئەرەیاوناش، جە پەرلەماننە نوێنەرایەتیی کولتووری کوردی کەرۊ.
پارتوو چەپی سەوزۍ حەوڵۍ مڎۊ کە جە واننە ٨ پەرلەمانتارۍ بەدەس بارۊ. ڕوانە ئۊفیسۍ ورچنیەی کەرۊوە و بە هەزاران کەسۍ بە جۊشوخرۊشۊ، بەشڎاری جە کۊبییەییۊکانە کەرا. کییە کە داراو بڕوانامەو زوان و ئەدەبی کوردینە و ماستەرش جە زوان و کولتووری کوردینە هەن ئەرەیاوناش، ئاڎۍ گرنگیی بە نوێنەرایەتیی سیاسیی کولتوریی کوردی و زوانی کوردی مڎا. کییە باسش چانەیچە کەرد، کە ئەگەر بۊ بە پەرلەمانتارە پەی زوانی کوردی و کولتووری کوردی، جە یاسایۍ بنەڕەتینە کۊشیۊ پەرلەماننە. کییە باسوو ئانەیچش کەرد، کە هونەرمەنڎاو کوردی چەنی ئانەی باجێوە فرە مڎا، وەلۍ مەتاوا قازانج جە سەرچەمەکاو دەوڵەتی و گردینی ور گێرا. کییە ماچۊیچ، کە ئامانجشا چارەسەرکەرڎەی سەرێشاو هونەرمەنڎاو کوردی بۊ مەجالەکێشانە.
کییە کێنە؟
هاڤین کییە، جە ساڵەو ی١٩٩٤ جە دەگاو نارلی جە مەنتێقەو شاخێ-و وانی پەیدا بیێنە. جە زانکۊو مێردین (ئارتوکلو) بەشوو زاان و ئەدەبی کوردییش تەمامنان. جە تورکیانە جە بەشوو زوان و کولتوری کوردینە ماستەریش بەدەس ئاورڎەن و جە ساڵەو٢٠٢٢ینە تەمامنانش . کییە وانای لیسانسوو وێش ئەنقەرەنە، فاکەڵتی زوان، تاریخ و جوگرافیا، بەشوو زوان و ئەدەبوو فارسی درێژە پەنە مدۊ. کییە پێسە ورگێڵنۍ قەسەموارڎۍ کوردی هەرمانە کەرۊ.
س.ز
