کوردیناسیۆنوو کۆمەڵەو ژەنە گەنجا ڕۆشنش کەردۆ پیویسا  جوانە ژەنی  جە ئەرەیاوناکەو وێ پارێزناو کەژەکەی و پاژکی  بە ڕاسی بیاوانە کە  ئەرەیاوناش "ئێمە پیسەو ژەنا مەتاومێ وێما و مافەکاما جە پیایا و دامودەزگاکانە پارێزنمی، ئێمە بانگەواز ئۆ جوانە ژەنا کەرمێ پەی پەرەپەنەدای ئەرەکۆشای وێ پاریزنای جەوێشا  بانێ بە هێزو سەرمەشق و قەڵاو وێ پارێزنای ."

دەقوو ئەرەیاوناکەو کوردیناسیۆنوو کەژەجەی پێسنە:

گەنجیەتیما مەعناو بنیات نیای  جیهانێوە شکۆمەندی و گونجیاین پەی ژیوای. پەرەپنەدای سیسەموو وێ پارێزنای جوانە ژەنەکیما شایەنو ئی مەعنینی، یۆ جە ئەرکە ئەخلاقی و کۆمەڵایەتیەکامانە. ئێمەی جوانە ژەنا پەی  پێک ئاردەی ئانەی ئینایمۍ چۍ و مشۆم سەرێگنمێ. پێویسا ئێمە جە بانگەوازی پەی جوانە ژەنا جە ئەرەیاونای ویی پارێزنای کە ڕێکوستەی سەرمەشقو ژەنا کەژەکەی و پاژکی چی ئاخیرانە پێوەرە ئەرەیاوناشا بیاومینە. پێویسا سەر و ئی  بنەمایە بە جۆش و سەرکەوتەو گەنجانەیما هوشیارۍ بیمی، چیش ڕووەمرۆ با ڕووەدۆ مەبۆ ئامانجما ژیوایۍ بۆ کە وێ پارێزنایش چەنە نەبۆ. پیسەو ژەنە گەنجا مەتاومی ژیوایێ بێ وێ پارێزنای بە ژیوای بزانمی، ئی ژیوایە ژیوایۍ کۆیلایەتییا چیرو کۆنترۆڵ و دەسەڵاتو پیاسالارینە. ڕاسیێوە پیسەو ژیوای ئازادی چەمەڕامانە. تەسلیم بییەی کۆیلایانە حەجگیز قبوڵ مەکەرمی، پۆکەی پیسەو ژەنە گەنجا سەروەری ویما بە ویی پارێزنای مسۆگەر کەرمی  و ئینەیچ بۆ بەمەڵامەتوو  ژیوایۍ ئینسانییانەی.

چێروو سەیەو دوژمنینە، وەرموو ئایندەی مەکریۆ

پیسە جوانە ژەنا یۆ جە پێویسیەکا وێ پارێزنای وێت  ئانەنە کە دوژمنەکەیت بشناسی، ئا کەسەی  کە حۆڵوو دلێنە بەردەو تۆ مرۆ، ئا کەسەی تۆ  ژیواینە مرنۆنە، وەرانوەرشۆ مردیوە. یوەمین ئەرکوو ئێمەی جوانە ژەنا ئانەن: "ئەبۆ چانەیە بیاومینە کە دوژمن کێن و ئینا جکۆ و چەنین  کەرۆما ئامانج و ویر چانەیە کەرمێوە کە چەنین بە شێوێوە دروس بەرگری جە وێما کەرمێ و پێگە و ژیوایما بەهێز کەرمێنە. ئەگەر نا، وێما بەبێ پارێزنای مازمێوە پەی هجوموو دلێنە شییەی  جەگرد  یاگێوە. یوەمین ئامانجو دەستدرێژی کەردەی بە هەر جل و بەرگێوە وڵاکەردەیۆ دەسەڵاتی پیاسالاریین بە عەقڵیەتو پیایۆ و  گرد لێوەنە کە جە سیستەمو پیاسالارییۆ سەرئەنجام گیرۆ. سەرو ئی بنەمایێ یوەمین ئامانجشا قورس کەردەو ژیوایین پەی ژەنا و وەڕس کەردەیشانە. ئێمە پیسەو ژەنا مەتاومی وئ پارێزنای و مافەکاما بە پیایا و ئەرەمەزییاکاش بسپارمی. پۆلیس، جەندرمە، یاسا، سیستەموو پەروەردەی، کولتوری کۆیلایەتی سەپیێ و بە نامی هونەریوە، ئا یاسێ بە نامۍ مافو مرۆڤیوە کە ئینسانیەتی فریو مڎۆ،جگە جە مەردەی هیچی تەر بە ژەنا مەبەخشۆ. ئا دوژمنەی دژوو تۆن، ئا دوژمنەنە کە گەرەکشا ژیوایت چنە بسانۆ. نە قازانج نە دادپەروەری جە دوژمنی چەمەڕا مەکریۆ ، نە ئینسان تاوۆ جە سایەو ئاڎینە خەیاڵو ئایندەی کەرۆ. تاکە چێوێ کە  دژو دوژمنی  مشۆم کریۆ جەنگ کەردەین و ڕاو ئی هەرمانێچە وەڵێوستەی سیستەموو وۍ پارێزناین!

پېسە جوانە ژەنا کوردسانی جە تورکیا و سەرنیشتوو کوردسانینە شایەتۍ کوشتەی دەنیز پۆیراز، گوڵستان دۆکو، ئیپەک ئەر، ئۆزگەجان ئاسڵانی و هەزاران ژەنە گەنجا تەری بێنمۍ سەروو دەسوو ئەرەگیری فاشیستی ئاکەپە-مەهەپەی و ئەردۆغانی فاشیستی و ڕژێمە قڕکەرەکەیش بێنمۍ، کە بیێنۍ بە دەوڵەتی دەسدرێژیکەر. گرڎوو سیستمەکا پەی مەنەیۆیشا پەنا پەی دەسدرێژی بەرا. پېسە ئانەینە کە پرەنسیپوو کوشتەی و ماڕای ئیرادەو ژەنا ئانڎە بەقوەتشا کەرۆ. ژەنی و سیستموو باڵادەسی پیایا جە گرڎوو بوارەکا ژیواینە ئینۍ جەنگەنە. جە جەنگێوە هەمە لایەنەی چانەینە، هیچ هۊرچنیەیێما نییا جگە جە وێپارێزنای نەبۆ. هیچ ڕێوەتەرە نیەنە کە بیەی بەخشۆ جگە جە وێپارێزنای نەبۆ. ماوێ چێوەڵتەر ئەندامێوە چەتەی دەسدرێژیکەروو فاشیستی ئەردۆغانی جە جاڎێوە شاروو بۆتانینە جە شرناخ هجوومش کەرد سەروو ژەنێوە گەنجێ و گەلی بەکەرامەت و گەنجاو بۆتانی دەسدرێژکەرەکەشا سزا دا. ئاڎۍ نیشانەشا دا کە پێویسا وەراوەر  بە دەسەڵاتی دەسدرێژیکەری مشۆم چێش بکریۆ. بە ڕێکوستەی سیستموو ۋێپارێزنای، پێویسا گرڎوو جاڎە و گەڕەکە و دەگا و شارەکا کوردسانی جە عەقڵیەتی پیا سالارانە و دامودەزگاکا ئاستەنگ بکەرمێ و کوردسانەنە بەرش کەرمۍ! تا دەسدرێژیکەرا و بکوژا جە گرڎ شۊنێنە بە ڕۆحوو گەنجا و گەلوو شرناخی  و ۋنەپەرسایشا چنی نەکریۆ، مەتاومێ ژیوایێ شکۆمەند و ئەخلاقی بنیات بنیەیمێ.

ئێمە پێسە جوانە ژەنا کوردسانی ۋەرپرسیاریەتیێوە گەورەما ئینا سەروو شاناوە کە ۋنەپەرسایۆ ئانەی بکەرمێ کە ئی سیستمە دەسدرێژیکەرە چ مافێوەش چنە هۊرگێرتێنمێ و تۆڵەو هەزاران ژەناش ۋنە کەرمێوە! هەزاران ژەنێ گەنجێ پێسە مەلەک ئیلهامەکا جە عەفرین و سەرێکانینە کوشیێنێ، هەزاران ژەنی ئێزدیێ و زارۆڵەکێشا کە شەنگالەنە جە ئاکاموو هجوومەکا داعشی و پەدەکەی و ڕژێمی فاشیستی ئەردۆغانینە کوشیێنێ، گیریێنێ و تا ئیسەیچ چارەنووسشا نادیارا. حەرپاسە جە پانیشتوو کوردسانی بە هامکاریی پەدەکە-میتی  ناگەهان ئاکارسەلە گەشمەرڎێ کریا، ئێرانەنە ژینا ئەمینیەکێ، ئەرمیتا، ڕیمایانەکێ جە تەرەفوو عەقڵیەتی پیاسالاری دەوڵەتیوە کۆکوش کریێ کە مشۆم تۆڵەشا بسانمێ.

ئێمە سیستەمو وێ پارێزنای وێما بنیات منێیمی

تا زیاتەر وێما پارێزنمۍ ، زیاتەر تاومۍ زنجیرەکا کۆیلایەتی ماڕمێو و جە ئازادی نزیکێ بیمێوە. هەرچنە هێزو وۍ پارێزنای وێما بنیات بنیەیمۍ، دەسو وێرانبییەی سیستەمو پیاسالاری مەتاو ئێمەو ژەنا دلێنە بەرۆ. بە ڕێکوستەی وۍ پاراستەی وێما، بە ئیرادێوە کە هەر ڕوۍ بۆنە  سیستەمو ئازادی ژەنێ بەدەست مارمی. تا زیاتەر هۆشیارێ بیمێ، زیاتەر وێما پەروەردە کەرمێ جە ڕوو فیکری و جەستەییۆ، ئەشۆ سەروو تنووتیژی و ستەمیرە سەرێگنمێ ئیرادە و وۍ پارێزنای وێما  پەرە پەنەبدەیمێ.

پا مەعنێ ئەشۆ ئا ڕاسییە بزانمی کە پیسەو نەتەوەو ژەنۍ یۆگێرتێنمێ. جنس، زۋان، نەتەوە و کولتووروو ژەنا یۆنێ. ژەن بییەی  ڕەمز و جەوهەروو ویژدانی و مەژگوو هامبەشو گلێرگەین. پی مەعنۍ، جە هەر یاگێوە جیهانی، بە پلەو یووەمی جە کوردسانەنە، جە ئەفغانستانۆ تا فەرەنسا، جە ئێرانۆ تا نەمسا، جە ئۆکرانیاوە تا فەلەستین، ئامانجو کۆکوشی ژەنا پیسەو یۆی چانەن. پا مەعنۍ ئێمەی ژەناو گەنجا جە هەر کۆ بیمۍ، پێویسا با هۆشیارییۆ هەڵوێسێوە هامبەشما وەرانوەر و سیستەمی، ئەرەمەزیارە و سوپای دەسەڵاتداروو پیای دەسدرێژیکەری و فاشیستی بۆنە و بە یەک ڕۆح و هەستۆ بە شێوێوە وەرگریکارانە هەڵوێست هۆرگێرمی. پی مەعنۍ ئەرکو ئێمە پێسەو ژەنە گەنجا ئانەن کە گرد بوارێنە ڕۆحێوە هامبەشو ئەرەکۆشای و چالاکی وەش کەرمی و پاشێوازە سیستەمێ وۍ پارێزنای وێما بنیات بنییەیمی.

فۆرمولەو ناوازەو ڕابەر ئاپۆی "ژەنی ژیۋای ئازاڎیی" پەی گەلاو جیهانی ڕۆشنش کەرۆوە کە ڕۆحوو پارێزنای و مدرامانی چێشش خوڵقنان و کۆشیای ئاخێزوو ژەنا کە زیاتەر جە نیم سەدەین ئینا وەڵێکەوتەینە، یاوان چ ئاستێوە. ڕابەر ئاپۆ ئەرەمەرزنەر و ڕابەروو ۋێپارێزنای ژەنان. بە پێشکەشکەردەی پاژک، کەژەکە، یەژا ستار،کەژەجە، یەپەژە، یەژەشە، یەپەسە ژن، هەپەژە و کەبەدەهە پەی گرڎوو ژەنا و گەلاو جیهانی، کۊشیایۍ ۋێپارێزنایش دژوو عەقڵیەتی پیاسالاری و سیستموو چەوەسنایۆ پەی هەزاران ساڵا بە شێوێوە شایسە پێشکەشش کەردەن. بە بەقوەتکەردەی و فراوانکەردەی ئی سیستمە وێپارێزنییە، متاومێ ئازادی جەستەیی رابەرایەتی مسۆگەر بکەرمێ. سیستموو وێپارێزنای کە وەڵێ گنۆ، سیاسەتوو قڕکەردەی و دلێنەبەردەی دمایش مێ.

پی ویرکەردەیۆ، ئێمە پېسە جوانەژەنا کە هێزی سەرمەشقوو کۊشیای ۋێپارێزنای وێمانمێ، پێویسا بیمێ بە جوابی ڕاس پەی بانگەوازوو پاژکی و کەجەکەی پەی ۋێپارێزنای ۋێما، بە هوشیارییوە بە دەور و ئەرکی تاریخی ۋێما هوربێزمێ! پێویسا بە بنیاتنیای سیستمێوە وێپارێزنای وێما تۆڵەو کۆکوشی و کوشتەی ژەنا جە مېڎانەکا کۊشیای سەرنیشت، ۋەرنیشت، پانیشت، وەرکەوت و ئەوروپاینە بکەرمێوە.

سەروو ئی بنەمایێ، بەشدارۍ ئا جمیەرەیە بیمۍ که پاژک و کەژەکە به دروشمەو "به ژەنی، ژیۋای، ئازادی بەرەو شۆڕشوو ژەنا" دەسش پنەکەردەن و بە دینامیک و دەورێوە کە دڵشا پەی ئازاڎیی مڎۊوەنە و ئامانجوو هەر جۆره سیاسەتێوە گەندەڵینۍ و ئانێ کە شۊنەو ماناو ڕاسەقینەو ژیۋایرە گێڵا، داوا جە گرڎوو ژەنە گەنجا کەرمێ کە پەی وێپارێزنای وێشا کۊشیای بەرز بکەراوە و بانێ بە هێزی سەرمەشق و قەڵاو وێپارێزنای وێشا. داوا جە گرڎوو ژەنە گەنجا کەرمێ جە کۆشیای ئازادی و ژیۋایێ ئازادینە ئاماڎەینە با. داوا کەرمێ بە شانازییوە ئاڵاو شۆڕشوو ئازاڎیی ژەنا هۊربگێرمێ. پەی مسۆگەرکەردەی شۆڕشوو ژەنا داوا کەرمێ جە بەرەو وەڵێوە کۆشیاینە بەشدارێ با و وەختوو ئانەینە مدرامان بەرز بکەراوە."