پاشێلکارییەکۍ مافو مرۆڤی دژ بە داغی و ئەری، کە جە لایەنو پەدەکەیوە جە هۊلێر زینڎانیی کریېنۍ وەردەواما، داغ و ئەر دژ بە سەپناو یەکپۆشی زینڎانی، جە ۱۸و ئایاریوە دەسشا بە مانگرتەی جە ۋارڎەی کەرڎەن.

داغ  و ئەر، جە زینڎانەنە دژوو پاشێلکەرڎەی مافەکاشا و ئەشکەنجە دایشا، جە ۲۸و ئەیلوولو ٢٠٢٢  دەسشا بە مانگرتەی جە ۋارڎەی کەرڎەبۍ، بەڵام بە مەڵامەتو ئانەی داواکېشا پەسەنڎ کریا، دماو ڕۋا دەسشا جە مانگرتەی هۊرگېرت.

پۍ جاری دۋەمی داغ و ئەر، دژوو پاشێلکەرڎەی مافەکاشا جە زینڎانەنە، جە ١٣و شوباتو ٢٠٢٢ېوە، دەسشا بە مانگرتەی جە ۋارڎەی کەرڎ حەتا مەرڎەی، دماو نۆ ڕۋا کە داواکېشا جابەجۍ کریا دمایشا بە چالاکییەکەیشا ئارڎ.

جە ئیسەنە پۍ جاری یەرەمی دژ بە سەپاناو یەکپۆشی زینڎانی، ماوەو ٤٧ڕۋان مانیشا جە ۋارڎەی گرتېنە و حیچ زانیاریېۋە جە بارەو ئاژەو تەندروستیشاوە نییا.

دماو کوشیای پلەدارێوە کۊنسوڵخانەو تورکی بە نامۍ عوسمان کۊسەی ج ١٧ تەمموزوو ٢٠١٩، هەر یۊ جە مەزڵوم داغی وعەبدولڕەحمان ئەری تۊمەتبارۍ کریۍ و دادگا حوکموو قەنارەدایش پەی بەرۍ کەرڎۍ. چا وەختۊن  زینداننە ڕووبەڕووۍ چندین پاشێلکارییا باوە، پەوکای جە ١٨ ئایاریوە دژوو فشارەکا پەی یەکپۊشیی جلوبەرگی و مامەڵەی خراپی وەراوەرشا، مانیشا جە وارڎەی گێرتێنە.

هـ . ش