بەپاو ئامارەو پلاتفۆرمو کوشتەی ژەنا مردنمې (کەجەدەپە)، بە تەنیا جە مانگۊو ئایارو ئېساڵینە جە سەرنیشتوو کورڎەسانی و تورکیانە ٤١ ژەنی کوشیێنې، کە ٢١ ژەنیشا جە لایەنو بنەیانەکاشاوە کوشیێنې، تاوانەکې بە مەڵامەتو جیابییەیۊ و ئابووریۊ کریێنې.
پلاتفۆرمو کوشتەی ژەنا مردنمې (کەجەدەپە) گوزارشتەو مانگۊو ئایارو تنوتیژییەکا دژ بە ژەناش وەڵاکەرڎۊ. جە گوزارشتەکېنە ئامان: "جە مانگۊو ئایارو ئېساڵینە جە سەرنیشتوو کوردەسانی و تورکیانە ٤١ ژەنی کوشیێنۍ کە چا ژمارەیە ٢١ ژەنۍ جە لایەنو کەسوکار و هامژینەکاشاوە کوشیێنۍ، هەرپاسە ٢٠ ژەنۍ تەریچ بە شێوۍ گوماناویی گیانشا جە دەسدان."
جە گوزارشتەکێنە سەرنجش وستەن سەرو شێوازو ئەنجامدای تاوانەکا و ئاماژە پانەی کریان، ٦٢٪ۍ ئا ژەنا دلۍ یانەکاشانە و بە چەک، ئامێری تیژ، خنیکنای و ئەشکەنجەدای کوشیێنۍ.
هەر جە گوزارشتەکېنە مەڵامەت و پاڵنەرو تاوانەکا ئاماژەش پنەدریان و ئامان: "تاوانەکۍ بە مەڵامەتو جیابیەیۆ و ئابووری ئەنجامدریێنۍ، بەردەوامیی تنوتیژی دژ بە ژەنا بەردەواما سەرەڕاو ئانەی ئېساڵ بە 'ساڵۊو خێزان'ی ئشناسیا."
