سەرۆکو کۆنفیدراسیۆنو سەندیکاکا دۆندی سکۆتلەندای مایک ئارنۆت ئەرەیاۋناش، "ئازاڎیی عەبدوڵا ئۆجالانی فرە گرنگا. هزرو عەبدوڵا ئۆجالانی جە جیهانەنە سەرچەمەو ئیلهامی و ئیسفاڎە هۆرگێرتەیا".
سەرو ئاستی مېیاننەتەوەیی ئا پەیامۍ پەی ئازاڎیی رابەرو گەلوو کورڎی عەبدوڵا ئۆجالانی ئەرەیاۋییا بەردەوامێنۍ.
سەرۆکو کۆنفێدراسیۆنو سەندیکا دۆندی جە سکۆتلەندا مایک ئارنۆت سڵامش ۋنەو براوەکا خەڵاتو نۆبڵی کەرد کە دژوو گۆشەگیری سەرو رابەرو گەلوو کورڎی عەبدوڵا ئۆجالانی مردێنێوە و داواش کەردە کە گۆشەگیری ئیمراڵی دەموودەس دمایش پنە بۍ.
ئارنۆت جوابو پرسیارەکاو رۆنامەوان ئەرەم کانسۆیش جە تەلەفزیۆنو میدیا خەبەرینە دێوە و واتش، "پەی مسۆگەر کەردەی ئاشتی، ئازاڎیی عەبدوڵا ئۆجالانی شەرتا".
ئارنۆت واتش، "ئاڎ کەسایەتیێوە فرە گرنگا، ئا کەسایەتیۍ کە جیهان قبوڵش کەردێنۍ ئامێنۍ و داواو ئازاڎیی عەبدوڵا ئۆجالانی مکەرا و داواکارێنۍ رژێمو تورکی جە ڕاو دیڎاریۆ چنی پەکەکەی پەرسوو کوردی چارەسەر بکەرۆ. ٦٩ براوۍ خەڵاتو نۆبڵیچ بە شێوێوە حەقەتینە و لۆژیکی واتشا کە ئەرەنیشتەیرەی دەورو مێزەو دیالۆگو پەکەکەی و دەوڵەتو تورکیرە بە بێ ئۆجالانی نمەبۆ. ئاگاشا جە شناسنامە و دەوری بێهامتاو ئۆجالانی هەن. پەی چارەسەری پەرسو کورڎی بە بێ مسۆگەرکەردەی ئازاڎیی ئۆجالانی تەنیا هەنگامېوەیچ نمەتاویۆ بنریۆ. جە ئەگەرو ئەرەنیشتەینە دەورو مێزێوە چەمەڕاکریاینە، ئۆجالان تەنیا نوێنەرو گەلوو کورڎین. ئۆجالان تاکە کەسایەتیێوەن کە پرۆسێوە چەمەڕاکریاو ئاشتی مجۆرە و پەی ئانەی بتاوۆ دەورو مێزەو ئەرەنیشتەیرە بنیشۆرە مشۆم دەموودەس ئازاڎ بکریۆ".
ئاڕنۆت واتش، "جە تەمامو دنیێنە سەبارەت بە ئاژەو ئۆجالانی ئیتر مرۆڤەکۍ خاوەن زانیارینۍ. گرڎ ئاگاڎارۍ بەها و گرنگی رابەرایەتی ئاڎینۍ. پاڕادایمی دیموکراتیک، ئیکۆلۆژیک و ئازاڎیوازی ژەنۍ پەی تەمامو دەسوەڵێوستەیە شۆڕشگێڵنی و وەڵێکۊتەیاکا بیەن بە سەرچەمەو ئیسفاڎە هۆرگێرتەی جە سیاسەتی دیموکراتیکی، شۆڕشگێڵنی و رادیکاڵی. پەی چارەسەری ئاشتیانەو پەرسوو کورڎی ئۆجالان کەسایەتیێوە یەکلایکەرەوەن".
