مەهابادنە ٢ کوردۍ ئڕفانیۍ
هێزەکاو دەوڵەتوو ئێرانی ٢ هاموەڵاتۍ کوردێشا مەهابادنە ئڕفانێ.
بە پاو میدیاکاو وەرکەوتوو کوردستانی، دووۍ هاموەڵاتۍ کوردۍ بە نامەکاو کەریم سەنگەری و سیامەند مینای، دەگاو گورڎە بەردانی و قەرشەلاخوو سەر بە مەهاباینە لاو هێزەکاو دەوڵەتوو ئێرانیوە ئڕفانیێنۍ و تا ئیساتۍ چارەنویسشا نادیارا.
هێزەکاو دەوڵەتوو ئێرانی بەبۍ ئانەی هیچ بەهانۍ و هۊکارێوە نیشانە بدا ورشا کوا سەروو یانەو دووە هاموەڵاتەکا و دەسشا گێرتەن ملوو کەلوپەلە ئەلیکترۊنییەکاشارە.
