جە کامپوو پەنابەرا گەشمەرڎە ڕۆستەم جودی (مەخموور)ینە دووۍ گەریلۍ یەژا ستاری ئامارا ڕوبار (ئایشە کابار)ە کە جە ٢٠و کانوونوو یووەم و ٢٠٢٢ و ڕوکەن ئامارا (گولەر گونگەن)ە کە ١٧و کانوونوو یووەمی جە جودی گەشمەرڎۍ بیۍ، جە تەرەفوو ڕێکوزیاو بنەیانەو گەشمەرڎا مەخموریۆ ویر وزیێوە.

مەراسیمەکە بە دەیەقېوە ڕێزگرتەی جە گەشمەرڎا دەسشپنەکەرڎ و دماتەر بەنامۍ هەردووە بنەیانەو گەشمەرڎاوە قسۍکریا. جە سەرەتانە تاتەو گەشمەرڎە ئامارۍ، ئەحمەد کاپار سەرنجش وست سەروو کۊشیای پۍ وڵاتی و ئازاڎیی و واتش:"هەتا مەنمۍ سەروو ڕاو ڕۆڵە گەشمەرڎەکاماوە بیمۍ و کۊشیەیمۍ. چونکی پۍ وڵاتی و ئازاڎیی سەرۆک ئاپۆی کۊشیایشا کەرڎ و گەشمەرڎۍ بیۍ، ئێمەیچ بە هەر قیمەت و شێوېوە بۆ ئاماڎۍ کۊشیاینمۍ".

کاپار باسوو ئانەیش کەرڎ مشۊم گەلوو کوردی وەڵۍ گرڎ چېوێنە مدرامان پۍ وڵاتی و ئازاڎیی سەرۆکایەتی  کەرۆ و واتش:"وڵات و ئشناسنامە وەڵۍ گرڎ چېوېن. ۋەروو ئانەی مشۊم پۍ ئازاڎیی وڵاتی و ئشناسنامەیما جەنگ کەرمۍ".

دماتەر بەنامۍ بنەیانەو گەشمەرڎە ڕوکەن گابارێوە، زلێخا گونگەنە قسێش کەردۍ و ئاماژەش پانەی کەرڎ کە گەشمەرڎۍ تەنیا گەشمەرڎۍ ئێمە نیەنە و گەشمەرڎۍ گەلوو کوردینە و سەروو ڕاو گەشمەرڎاوە هەتا ئاخر بەردەوامۍ با.

بەنامۍ ڕێکوزیاو بنەیانەو گەشمەرڎاوە، سدیق هەشتانی سەرەوشیش جە بنەیانەو گەشمەرڎا کەرد و دەسنیشانشکەرڎ کە بەردەوامی بە کۊشیای گەشمەرڎا مڎا.

دماتەر بەڵگە فیلمێوە سەروو کۊشیای و کەسایەتی گەشمەرڎا ئامارۍ، ڕوکەنۍ و هەڤاڵاشا کە پېوەرە گەشمەرڎۍ بیۍ نیشانە دریا.

مەراسیمەکە بە دروشمەکا "گەشمەرڎۍ مەمرا"، "بژۋۆ سەرۆک ئاپۆ"ی دمایش پنە ئاما.