گەریلا مەیدانەکاو وێش خاس مشناسۊ، خاس شارزاشانە و بە پاو دۊخەکەی خاس لەیەک مدۊوە. گەریلا وێش بە هیچ فەسڵیوە، بۍ دەرفەتی، دۊخی لەبار و ۊ نەبەسیتەنۊ و گلەیۍ جە دۊخوو ئیسەی مەکەرۊ، پەوکای هێزە ئەرەگیرەکاو تورکی وەراوەروو ئۊپراسیۊنی شۊڕشگێڵنیی ئی دماییوە ەم دواییەدا تاسیێنۍ و مەزانا ڕاسیینە ئینۍ چێروو پەنجاو گەریلاینە.

هەپەگە چی ساڵە وەڵینانە قەراروو سەرجەنۊ وێڕێکوستەیوەش دا و سەروو ئا قەرارەیە زیاتەر قووڵ بیوە، بە لکەدریای و پێوەسبییەی بە ستراتیژی تازەوجەنگی کەوت دلۍ ساڵەو ٢٠٢٣ێوە. گەریلاکۍ چوارچوەو سەرجەنۊ وێڕێکوستەیۊشانە پەروەرڎە کەرد و وێشا وست وەڵێ. چی سەرڎەمە تازەیچەنە پێسە گردو جارەکای تەری ڕاشا بە هێزە فاشیستەکا نەدا کە خاکوو کوردستانی ئەرەگیر کەرا. شێواز و تاکتیکی تازەو گەریلای سوپاو دوژمنیش بەزنا و گورزی گەورەش دۍ وەنە.

هجوومە دڕندانەکاو سوپای فاشیستەو تورکی، کە گردوو پیمانەکاو جەنگی پاشێل کەرا، ماوە ٨ ساڵی ویەرڎەینە فرەو جارا بەبەڵگە تۊمارۍ کریێنێ. چا هجوومانە کە پێسە چنگ، قوفڵ، کارتاڵ و ئەرەنی نامێشا نیێنۍ فرەشا هەوڵۍ دێنی بیاوا ئەنجام. سوپاو تورکی فاشیستی بە گازی تێرمۊباریک، فسفۊڕ و کیمیایی، کە بە پاو پیمانە میاننەتەوەییەکا قەدەغێنێ، بەکار ئامێنۍ و سەرەڕاو ئانەیچ بەرڎەوام وەراوەروو گەریلاینە بێچارۍ و دەسەوەسانێنێ. بەپاو ناوەندوو ئەرەیاونای و چاپەمەنیی هەپەگەی؛ سوپاو تورکی فاشیستی ساڵەو ٢٠٢١ینە ٣٦٧، ساڵەو ٢٠٢٢ یەرۍ هەزارۍ و ١٥٢، بەینوو ١٤ نیسانی و ١٤ تشرینوو یوەموو ٢٠٢٣دا ٣ هەزار جارۍ چەکی کیمیایی دژوو گەریلاکا بەکار ئامان. سەرباروو ئانەیچە سوپای ئەرەگیرە ئانە گەرەکش بۍ دەسش نارڎەن و فرەو یاگانە کەوتێنە چێروو جەمداری و و کۊنتڕۊڵوو هێزەکاو گەریلایۊ.

ئا ڕاسییە کە سوپاو تورکی ویرش شییەن

جەنگی بێئەخلاقانە کە فاشیزموو تورکی چوارچوەو ئەرەگیری و قڕکەرڎەی کوردینە بە بنەماش گێرتەن و ماوەو ٨ ساڵی ویەرڎەینە گەرەکشا بییەن ستراتیژی تازە درێژە بدا پەنە. مەژگوو سوپاو تورکی فاشیستی کە عەلاساس چوارچوەو 'ستراتیژوو بنەبڕکەرڎەی تیرۊر'ینە جمۊوە و ئا ستراتیژە چی ڕوانە ئینا دلۍ دۊخێوە فرە دژواریینە. بە پاو ئەرەگیرا ئادۍ متاوا هێزەکاو گەریلای بێکاریگەرۍ کەرا، وەلۍ وەختێوە ئا ستراتیژەشا وست بواروو بەیاگەیوانایۊ، ئانەشا لەیەکنەدابێوە، کە ئا هەرێمۍ ئینێش لاو هێزەکاو گەریلایوە تەوقە دریا. وەختۍ سوپای ئەرەگیرە پلانەو گەمارۊدای نیێرە گەریلاکا تەوقە دۍ بۊنە ئا گورزە قورسەیۊ دریاشا وەنە تووشوو شۊکی و تاسیای بیێ. مەبۊ فکرما بشۊ کە گەریلا هێزێوە پارتیزان و ئاسیمەتریکا. وەختۍ سوپای فاشیستە ستراتیژوو بنبڕکەرڎەیش وست هەرمانە ئینەشە فکر شی، ئا ڕاسییەشە ویر شی. ئی ستراتیژەو سوپاو تورکی جە ئینا بەرژەوەندیی گەریلاکانە.

کەوتۍ دلۍ دەسوو گەریلاکا

گەریلاکاو ئازادیی دژوو ستراتیژوو دوژمنی چە شێوازێوەشا ئەرەمت؟ وەراوەروو ئا ڕێبازەینە هەڵوێست و شێوازوو جەنگی گەریلایانەی چێش بێ؟ چی گەریلا ئا ڕێبازەشا ورچنی؟ مشۊم جوابوو ئی پەرسا بدریۊوە. متاومۍ پێسە جواب دەیمێوە. سەروازاو دەوڵەتی کە گردشا کۊیلێنێ، پلانەشا بۍ چا هەرێمانە ئەرەنیشتۍ با و گورزی قورس وەنەو گەریلای بدا، وەلۍ نەزاناشا پا هەرمانێشا گورزی قورسشا وەر گنۊ. وەختۍ یاوۍ هەرێمەکە کەوتۍ دەسوو گەریلاکا، ڕاسیینە بنەوستەی سەروازاو تورکی بڕۍ هەرێمانە پەی گەریلاکا فرە خاس بێ. مەبۊ ئانەی ویر کەرمۍ گەریلا هەرێمەکاو وێش خاس مشناسۊ و بە پاو مەرجەکا لەیەکشا مدۊوە. وێش بە هیچ وەرز و تەنگوچەڵەمە و دۊخێوە خاس و خراپیوە مەبەسۊوە و گلەیی و بناشت وەنەو بارودۊخی ئارۊیی مەکەرۊ، جەوێوە نەوچیان ە 'گەریلا ئینا گرد یاگێنە و هەمان وەختەنە نیا هیچ یاگێوەیچەنە '. بەڵۍ گەریلا ئینا گرد لێوەنە هەمان وەختەنە نیا هیچ یاگیوەیچەنە. بە پاو واقیعوو جەنگوو ئیساتۍ گەریلاکاو ئازادی بە پاو ستراتیژوو جەنگوو وێشا چالاکی کەرا و چا چالاکییانە ئەنجامی سەرکەوتانە دەس وزا. گەریلا دایمە هەوڵۍ مدۊ پەی یاوای بە ئامانجەکەیش نەمرڎۊ تا ئەنجامی خاس دەس نەوزۊ. ئینە ماناو گەریلاینە. نموونەو ئا نۊعە چالاکییە وەرەچەمایاو گەریلایە فرە فرێنێ.

ڕات مەدەو پەنە بلی دلۍ ئی هەرێماوە

بە قسۍ سوپای ئەرەگیرەی فاشیستەو تورکی بەسەرکەوتەیی هەرێموو گەریلاکانە بنێشا وستێنە، وەلۍ وەختۍ ڕووبەڕوو هێزەکاو گەریلای باوە، پێسە هەمیشەی شکسشا ئارڎەن و وارای وەروۍ فرۍ ڕاش وەنەو چالاکیی دیمەنەکاو ئۊپراسیۊنی شۊڕشگێڵنینە و چالاکییە سەرکەوتانەکاو گەریلاکانە سەرەڕاو بارودۊخی سەختوو زمسانی خاس وینیێنێ. پێسە جە گێرتە ڤیدیۊییەکانە وینمێش، گەریلاکۍ بە ئاسانی وەربەسەکا بڕا جە بارودۊخی سەختوو زمسانینە بەزووی بەرەو ئامانجەکەیشا ملا وەڵێوە. چی دیمەنانە ئیرادە و ئازایەتیی گەریلای سەرسامیێوە گەورەما لا وەش بییەن. بە چالاکیی خواکورکی ئی پەیامەیە مدۊ:" جە گرد فرسەتێوەنە، هامن یا زمسان، ئینای بنەو دەسیمنە و ڕات مەدەو پەنە بلی دلۍ ئا هەرێماوە". ٨٨ سەروازۍ سوپاو تورکی چی ئۊپەراسیۊنە وەرفراوانانە سزا دریێنێ، دەوڵەتوو تورکی ئی ڕاسییەیە جە گەلەکەیش شارۊوە و تەنانەت ئەگەر میدیا درۊیینەکایچشانە ئاماژەش نەدۊ پەنە، گردوۍ ئی دیمەناو ئەرەگیریە نیسانەو گەلی مدا، چەنی ئا سەروازاو دەوڵەتوو تورکی جەنازەکاشا سۊچنا، پەی ڕای گردینیش وەڵا کەراوە.