شاروو بێرنوو سویسراینە لاو ئەلەوییەکاو شاروو بێرنیوە، ناوەندوو ئایینەکاو بێرنینە یۆرۆپاپلاتزنە چالاکییێوە کریا. فرەو دۆسا و ڕێکوزیا شۆڕشگێڵنییەکا بەشدارێ چالاکییەکەی بێنێ.  

چالاکییەکە بە دەیەقێوە ڕێزگێرتەی وەنەو گەشمەرداو کۆکوشیی مەرەشی دەسش پەنە کەرد، دماتەر چند کوڵە فیلمێوە دەربارەو کۆکوشییەکەی نمایشێ کریێ.

چالاکییەکەنە نویسەر و سیاسەتمەدار عەزیز تونچ قسێش کەردێ، تونچ دەسنیشانش کەرد، کە گرد کۆکوشییێوە ورچنییەو دەوڵەتین و عەقڵیەتی کۆکوشییچ هەمان چێوا. تونچ واتش،وەروو ئانەیە دەوڵەت کۆشیای ئازادیوازی گەلە بندەساش بەدڵ نییا، ئا کۆکوشییا  کەرۆ.

یادەکەنە پەیاموو "ویرما نەشییەن، ویرما مەشۆ"ی دریا. چالاکییەکە بە دەنگوو حەیرانوو زاکیر عەلی ماتووری دماییش ئاما.