مەراسیموو مبارەک بایی ساڵیاڎوو ئەرەمەرزناو پەکەکەی ئۆپسالا و لیۆنەنە لوواڕاوە
شاروو ئۆپسالاو سویدی و لیۆن و فەرەنساینە مەراسیموو مبارەک بایی ٤٥ەمین ساڵیاڎوو ئەرەمەرزناو پەکەکەی لوواڕاوە.
بە مەراسیمېوە یاڎوو ٤٥ەمین ساڵەو ئەرەمەرزناو پەکەکەی شاروو ئۆپسالاو سویدینە مبارەک کریا و بەسەڎان کەسۍ بەشڎاریشا جە مەراسیمەکەنە کەرڎ.
مەراسیمەکە بە دەیەقېوە بێدەنگی پۍ ڕێزۋنەگېرتەی جە گیانوو پاکوو گەشمەرڎا ئاخېزی دەسشپنەکەرڎ. هۆڵوو مەراسیمەکەی بە وێنەکاو ڕابەروو گەلوو کوردی عەبدوڵا ئۆجالانی، وێنەو گەشمەرڎا و ئاڵاکاو پەکەکەی و پاژکی ڕازیابېوە.
جەماوەرەکە بۍ مردای دروشمەکاو "بژیۋۆ پەکەکە"، "بژیۋۆ سەرۆک ئاپۆ"، "بژیۋۆ مدرامانوو گەریلای"، "بۍ سەرۆکی ژیۋای مەبۆ" و "ژەنی، ژیای، ئازاڎیی"واچېنۍ.
مەنیجە ییگیت-ە هامسەرۆکەو ناوەنڎی گلېرگەو دیموکراتیکوو کوردی (نەجەدەکە) جە سەرەتاو مەراسیمەکەینە قسېش کەرڎۍ و ئەرەیاۋناش، کە مشۊم گەلوو کوردی دەوروو پەکەکەیرە کوۍ باوە و گوڕ بە کۊشیای ئازاڎیی ۋېشا بڎا.
سیاسەڎمەدار و نویسەر جەلالەدین دەلیباشیش جە قسەکاشەنە باسش چا هەلومەرجە دژوارەیە کەرڎ کە پەکەکە چنەشەنە ئەرەمەرزیان و ئا ئاستەنگ و تەنگ و چەڵەمېشە ۋیرئارڎېوە کە ۋەردەموو ئەرەمەرزنا و گەورەبیەی پەکەکەینە بېنۍ و ئاماژەش پۍ ئانەیچ کەرڎ، جە ڕاو پاڕادایموو ڕابەروو گەلوو کوردی عەبدوڵا ئۆجالانیوە پەکەکە بیەن بە پارتێوە میان نەتەوەیی و هەڵمەتەو ئازاڎیی پۍ ئۆجالانی و چارەسەری سیاسی پۍ پەرسوو کوردیش بە نمونە ئارڎۊ کە جەلایەنوو دۆساو گەلوو کوردیوە جە ١٠و تشرینوو یوۋەموو ئېساڵی زیاڎ جە ٧٤ شارا جەهانینە دەسشپنەکریا.
