مەریوانەنە هرووژم کریا سەرو هاموڵاتیا و ٣ کەسێ زامڏارێ بیێ
تۆڕەو مافەکا مرۆڤو کوردەسانی ئەرەیاوناش هێزەکا دەسەڵاتو ئێرانی هرووژمشا کەرد سەرو هاموڵاتیا دەگێوە سەر بە شارو مەریوانو وەرکەوتوو کوردەسانی و، جە ئەنجامەنە ٣ کەسێ زامڏارێ بیێ.
بە پاو تۆڕەو مافەکا مرۆڤو کوردەسانی، جە ١٤ و ئادارینە ٣ هاموڵاتیێ کوردێ نزیک دەگاو دەرەکێ ڕووبەڕوو هرووژمی چەکداری دەسەڵاتو ئێرانی پیێنێ و زامڏارێ بیێ. ئی یەرە هاموڵاتییێ بە نامەکا ئاریان کەرەمی (کاسبکار)، گوڵاڵە محەمەدی و مەحمود کەرەمی گرڏشا خەڵکو دەگاو زەکەریانی سەر بە شارو مەریوانو وەرکەوتوو کوردەسانینێ.
بەپاو زانیارییەکا، یەرە هاموڵاتییەکێ فاڕیێنێ پەی خەسەخانەو "بوو عەلی" جە مەریوانەنە، بەڵام ڕەوشو تەندرووسیشا خراپا.
تۆڕەو مافەکا مرۆڤو کوردەسانی ئەرەیاوناش، سەرەتا هێزە چەکدارەکێ ئێرانی تەقەسا جە تڕۆمبێلەکەو ئاریان کەرەمی کەردەن، دماو ئاگادار کەردەیۆ بنەیانەکەیش دوێشا پەی یارمەتیدای بەرەو لاو تڕۆمبێلەکەی لوێنێ، بەڵام هێزە چەکدارەکێ تەقەشا چاریشایش کەردەن و جە ئەنجامەنە بە سەختی زامڏارێ بیێنێ.
