ڕۆنامەنوویس دەلیل زیلان ئاماژەش پانەی کەرڎ کورد  جە هامسەنگی ۋەرکۊتوو مېیامینینە بی بە مېیان و هێزێوە گرنگا، ئاماژەش پانەیچ کەرڎ چنی بانگەوازەکەو ڕابەر ئاپۆی ئایندێوە جیاواز ئامان وەڵۍ.

ڕۆنامەنوویس دەلیل زیلان سەرو بانگەوازە تاریخیەکەو ڕاىەر ئاپۆی و ئا ڕێکەوتەیەی جە دیمەشقەنە ئیمزاکریا پەی ئاژانسو هەواڵوو فوراتی (ANF) قسێش کەردۍ. زیلان ئاماژەش پانەی دا ڕێکەوتەیەکەی بە گرنگ موینۆ و ٨ ماددەو ڕێکەوتەیەکەی ئینا چوارچیوەی گرڎیی و ئاستی پێوانەینە. و زیلان واتش: "ئیدارەو کاتی دیمەشقی بە فشارو دۊڵەتو تورکی گەرەکش بۍ، قەسەدە ۋێش هۊرشێونۆوە و بە گرڎ چێوۍ ۋێشۆ بلۊنە دلۍ حکومەتو دیمەشقی. ئیدارەو ۋێڕاوەبەری دیموکراتیکی و شاندو قەسەدەی ۋەرو ئینەی ئەرەپڕۍ و ئاماژەشا پانەی دا بە گفتوگۆ سەرو کۆمیسیۆنی متاوا ڕێکەوتەی بکەرا"

ڕێکەوتەی کۆمەڵایەتی

دەلیل زیلان ئەرەیاوناش ئا ڕێکەوتنە کۆمەڵایەتیە کە جە ١٣٤ خاڵا پێک مێنە کە ئیدارەو وێڕاوەبەری وەڵینی گیانابێش، چا ئاستەنە گرڏو ڕەنگەکا جە سەرنیشتوو وەرکەوتوو سووریای گێرۆنە باوشی و نوێنەرایەتیشا مکەرۆ و واتش: "سەرو بنەماو ئەنجامو ئینەیچ چەمپنەکەوتێوە جە دیمەشقەنە ئەنجام دریا. پەشتەو ڕێکەوتنە ٨ خاڵیە کەی".

کورد مەبۆ بە هامبەشو تەمامو سووریای

دەلیل زیلان ئاماژەش پانەی دا بە ڕێکەوتەی چنی کوردی بۆ بە بە هامبەشی تازەو سووریای و واتش: "کورد تەنیا جە سەرنیشت و ۋەرکۊتوو سووریاینە نەمەنەن. کۆنەپەرەسی هەتەشەیچ نمەتاوۆ بە تەمامی سووریای جە ئامێز گێرۆ و نوێنەرایەتیشا بکەرۆ. ئەر سووریا. ئێمە باسو پراکتیکی مکەرمۍ کە دیموکراسی جابەجێ بکەرۆ، نوێنەرایەتی فرەڕەنگی گرڎیما بکەرۆ. جە ماوەو ساڵێوەنە متاومۍ مەزڵوم عەبدی پېسە سەرۆکو سووریای بوینمۍ. باس جە دەسکەوتێوە پا جۊرەیە مکەرمۍ".

کورد ئیتر ئەکتەرێوە هەرێمییا

واتیشش: "حەقیقەتێ هەن کوردەسان دابەشکریان سەرو چوار بەشارە. کورد ئیتر کوردی وەڵین نییا. کورد دلێ هامسەنگی تازەنە بۆنە بە مییانێ و هێزێوە گرنگ".

پڕۆژەو چارەسەری پەی تەمامو وەرکەوتوو مییامینین

دەلیل زیلان داواکارییە تاریخییەکەو ڕابەر ئاپۆیش جە ٢٧و شوباتینە یاڏ وستیمێ و ئاماژەش پانەیەدا ئی ڕوانگە نەک تەنیا پەی کوردەسانی، پەی تەمامو وەرکەوتوو مییامینی دەرفەتێوە گۆرەن و چارەسەرییا و واتش: "ڕابەر ئاپۆ بە داواکارییەکەیش ئانەش نیشانە دایمێ کە ئایبدێوە جیاواز متاومێنە بە دی بارمێنە و گەرەکشا دیموکراسی هەمیشەیی بکەرۆ. ئەر ئینێ بانە کەس نمەتاوۆنە جەنگی مەزهەبی و ئایینی و کەمەنەتەوەییەکا بکەرۆ".

حساباتەکێ جەنگی دلێنە شیێ

جە دماین و قسەکاشەنە ئاماژەش پانەیەدا جە نامەکەو ڕابەر ئاپۆی پەی وەرکەوتی گیانانانش، جیاتی جەنگی و  ڕوانگەو چارەسەری پرسەکا و دمای ئاردەی بە جەنگی بێ و واتش: "ئی ڕوانگە تەنیا پەی کوردا نا، پەی گرڏو گەلا گرنگا. هێزو ڕابەر ئۆجالانی چارەسەر پەی وەرکەوتوو مییامینی مارۆنە. حەر پۆکەی گرڏو حساباتەکا جەنگی دلێنەشیێنێ".