جە بەیاننامەکەو کۆنسەو ڕاوەبەری کەجەکەینە ئەرەیاۋېیان کۆمكوژووی هەڵەبجەی یۆ جە کۆمکووژییە فرە سەخت و وەحشیانەکا تاریخو مرۆڤایەتییا و جە ساڵیاڎو ئی کۆمکووژییەینە جارێوە تەر ڕژێمو دیکتاتۆری سەدامی بە تنی شەرمەزار کریا.

کەجەکە هەرپاسە ئاماژەش پانەیەدا کە داواکاریی ڕابەر ئاپۆی کە جە ٢٧و شوباتینە ئەرەیاویا، پەی ئانەی جارێوەتەر کۆمكووژی پی جۆرە سەرو گەلوو کوردی و هیچ گەلێوە تەریرە نێ هەنگامێوە تاریخی بێ و واتش: "پەی ئانەی دمای بە تاریخوو کۆمکووژی بێ، پەی بنیاد نییاو کوردەسانی، وەرکەوتوو مییامینی و جەهانێوە  یەکسانی و ئازادی گەلا، مشۆم داواکارییەکە تاریخییەکەو ڕابەر ئاپۆی جابەجێ کریۆنە. ئەوەکۆشای سەرو ئی بنەمێ ئەرک و وەرپرسیارێتیێ تاریخییا".

دەقو ئەرەیاوناکەو کەجەکەی پی جۆرەنە: "یۆ جە ڕووە هەرە قورسەکا و پەڕ ئێشەکا تاریخو کوردەسانی ساڵڕۆو کۆمکوژی هەڵەبجەین، جە ئەنجامو بەکارئاردەو چەکی کیمیایی کە ٣٧ ساڵێ وەڵێ ئیسەی بەکار ئاما، جە هەڵەبجەنە بە هەزاران کوردێ گەشمەرڏێ کریێ، ئی کۆمکوژییە کە جەلایەنو ڕژێمو زاڵمو سەدامیۆ ئەنجام دریا جارێوەتەر بە تنی شەرمەزار مکەرمێنە، ئانێ جە کۆمکوژییەکەنە ژیوایشا جەدەسدا بە ڕێزدارییۆ یاڏ مکەرمێوە، هەرپاسە جە کەسایەتی ئایشانە گەشمەرڏا شۆڕشی و دیموکراسی بە ڕێزداری و منەتدارییۆ یاڏ مکەرمێوە.

کۆمکوژی هەڵەبجەی جە تاریخوو مرۆڤایەتینە یۆن جە کۆمکوژییە هەرە قورس و دڕندانەکا، زیاتەر جە پەنچ هەزار کوردێ بامەڵامەتۆ بۆمبوارن بە چەکی کیمیایی کریێ گەشمەرڏێ بیێ، فرەو ئا کەسا کە کوشیێ ژەنێ و زاڕۆڵی بێنێ، جە وەراوەرو کۆمکوژییێ ئنە بە ئێش و دڕندانەنە سیستەمو دۆڵەت پارێزی وێش کەڕ و کۆر کەرد، هێزەکێ مۆدێرنیتو سەرمایەداری جە وەراوەرو کۆمکوژییەکەی هەڵوێسێوە جددیشا نیشانە نەڏا، هەرپاسە پەی ئانەی جارێوە تەر گەلوو کوردی ڕووبەڕوو کۆمکوژی نەبۆوە هیچ هەڵوێسێوەشا نیشانە نەڏا، بە پێچەوانئ ئینە، بەمەڵامەتو سیاسەتیشا سەرو بنەماو بەرژەوەندیی، جە سەرەتانە دلێنە بەردەو گەلوو کوردی و گەلی نەبییەن خەمشا، جە حەقیەتەنە ئا کۆمکوژییەی وەراوەر بە گەلوو کوردی کریا دەرئەنجامو سیستەمو دۆڵەتپارێزی سەرمایەدارییا، کۆمکوژی هەڵەبجەیش یۆن چانیشا.

پەی ئانەی کۆمکوژی وەراوەرو بە گەلوو کوردی و گەلا نەکریۆ، پەی ئانەی ئاشتی و ئازادیی یاوۆنە کوردەسان، وەرکەوتوو دلێڕاسەی و سەرتاسەرو جەهانی، ڕابەر ئاپۆ سەرمەشقایەتی ئەوەکۆشاو نیم سەدەیش کەرد، داواکاری ‘ئاشتی و گلێرگەی دیموکراتیک’ کە جە ٢٧ـو شووباتو ٢٠٢٥ـدپنە  کەرد، قۆناغێوە تاریخی ئی ئەوەکۆشایە بێ، پەی ئانەی دمای بە تاریخوو کۆمکوژی بێنە، پەی ئانەی کوردەسان، وەرکەوتوو دلێڕاسەی و جەهانێ بە ژیوایی یەکسانی و ئازادیی گەلا وەش کریۆنە، پەنەوازا داواکرییە تاریخییەکەو ڕابەراپ ئاپۆی جابەجێ کریۆنە، ئەوەکۆشای سەرو ئی بنەمێ ئەرک و وەرپرسیارێتیێ تاریخییا.