پارێزنەر مەهدی ئۆزدەمیر ئەرەیاۋناش: "مەرامو سەپنای گۆشەگیریی سەرو ئېژا عەبدوڵا ئۆجالانیرە فرە ۋەرفراوانا و جە بنەڕەتەنە کۊسپێوەن ۋەردەمو دەور و جابەجێکەردەی ئەرکەکاشەنە."

پارێزەر مەهدی ئۆزدەمیر جە درێژەو قسەکاشەنە سەبارەت بە پرسو گۆشەگیری و، 'مافو هیوا' ی و داواکاریی ڕابەر ئاپۆی پەی 'ئاشتی و گلێرگەی دیموکراتیک' چنی ئاژانسو فوراتی قسێش کەردێ و واتش: "هیوایێ سەرش هوردان کە بەشێ جە کێشەکا پەیوەس بە پرسو کوردی چارەسەر کریانە و ئاشتی کۆمەڵایەتی پەی چارەسەریێ هەمیشەیی پەی ئی پرسەیە بەدی بێنە."

ئۆزدەمیر یاڏش وستیمێ کە جە ساڵەکا ١٩٩٠، ٢٠١٣و ٢٠١٥ بەردەوام پەی ئانەی پرۆسەو چارەسەری دەس پنەکەرۆ ئایێر بەس ئەرەیاوییان بەڵام و جە ئەنجامەنە هەنگامەکێ بەشکس ڕووبەڕوو مەنێنێ. ئینەیچ بییەن بە مەڵامەتو بەردەوام بییەو سیاسەتو چارەسەر نەکریاو پرسو کوردی، پۆکەی ئینە هەستیاریێش دروس کەردەن بەڵام ئێمە هیواما بییەن و ئیسەیچ هەن."

گۆشەگیری سەپنریا پێسەو وەربەسێ چانەن

ئۆزدەمیر بە ئاماژەدای پانەی کە درێژەدای بە کێشەکا کە بە مەڵامەتی نایاساییۆ بەردەوام سیاسەتێوە دۆڵەتییا، هەرپاسە گۆشەگیریی سەپنریا پێسەو ئەرەبڕاو کۆمەڵایەتیا، بەڵام جە ڕوانگەو سیاسییۆ ئامانجو ئا گۆشەگیرییە کە سەرو حپئێژا عەبدوڵا ئۆجالانیرە سەپنریان، فرە وەرفراوانتەرا. جە حەقیقەتەنە بیینە وەربەسێ وەردەموو ئەنجام داو دەور و وەرپرسیارێتیەکێ ئێژا ئۆجالانی. کاتێ جە چوارچێوەو نەخشەڕای تازەنە هورسەنگنایش پەی کریۆنە، وینمێنە تاکە موخاتەبی چارەسەری پرسو کوردی ئێژا ئۆجالانا. پۆکەی پەنەوازا هەلومەرجش پەی دابین کریۆنە هەتا تاوۆنە دەورو وێس جابەجێ بکەرۆ، بە تایبەت مشۆم مەرجو ئازادی جەسەی بەدی بێنە؛ پەنەوازا ئیمکان و دەرفەتش پەی ڕەخسنریۆ هەتا تاوۆنە وەرپرسیارێتی وێس بە ئەنجام یاونۆنە. بەدی ئاردەو 'مافو هیوا' ی یعنی ئامای چبەر زینانەنە و ڕەخسناا دەرفەتی و هەلومەرج پەی ئانای تاوۆنە دەور و وەرپرسیارێتی وێش بە ئەنجام یاونۆنە. هەرپاسە مشۆم چی ڕوانگۆ بە زووترین کات هەموارکەردەو یاسایی ئەنجام دریۆنە هەتا ڕاگیری چی نادادپەروەرییا بکەرۆ کە سەرو ئێژا عەبدوڵا ئۆجالانی و بەهەزاران زینانێ سەپنریان."