ئەنداماو مېیانوو کەلتوور و هونەریی محەمەد شێخۆی جە قامیشلۆ سەر بە تەڤگەرو کەلتوور و هونەری دیموکراتیکی میزۆپۆتامیای بە ئەرەیاۋنێوە بەشداربیەی ۋێش جە سەفەربەری ئیدارەو ۋێڕاوەبەرینە تەئکید کەردۆ، کە ١ و کانوونوو یووەمو ٢٠٢٤ ی ئەرەیاۋنابێش.

ئەرەیاۋناکەی ۋەردەمو مېیانەکەینە بە بەشداری ئەنداماو مېیانەکەی و بنەیانەو گەشمەرڎە دیار قامیشلۆی ونیاوە.

ئاماژە پانەی کریا هەرێمەکە بە قۆناغێوە چارەنوویسسازەرە موېیەرۆ و هرووژمەکۍ دۆڵەتو ئەرەگیرو تورکی سەرو هەرێمەکەی زیاتەرۍ بیێنۍ، وچیا: "هێزەکاما بە تەنیا جیا نمازمۍ. ۋێما چێرو چەترەو قەسەدەینە موینمۍ پەی پارێزنای بەها و کەلتوور و ئشناسنامەو ۋێما".

هەرپاسە جەختکریاوە، چێرو نامۍ "گەشمەرڎە دیار"ینە تابوورێوەشا ئەرەمەرزنان و جە ٤٠ کەسا پێکمۍ.

تابوورەکە بە نامۍ گەشمەرڎە دیار (بیلال ئیبراهیم)ی نامێنریان، کە ٢ ۍ کانوونوو دووەمی جە بەنداوو تشرینینە گەشمەرڎە بی.

ئەرەیاۋناکەی بە درووشمۊو "بژیۋۆ مڎرامانوو قەسەدە"ی و "بژیۋۆ مڎرامانوو گەلا" دمایش ئاما.