میونشننە هەرمانەو ورچنیەی پارتوو چەپی سەوزی دریژەش هەن. پلاتفۊرموو پارتوو چەپی سەوزی میونشننە بە بەشداریی سیاسەتمەداروو کورڎی "نەجدەت ئاتاڵای" ئاهەنگێوەش ئامادە کەرد.

"سەعید ئوزتورک" هامسەرۊکوو فەد – گەلی ئاهەنگەکەنە ئامادە بۍ و ئاماژەش بە گرنگیی دەنگوو گەلی ئەوروپانە دا.

ئوزتورک واتش، " یانە بە یانە پێویسا هەرمانە کریۊ، ئا کەسۍ کە ڕازیۍ نەبێنۍ پێویسا ڕازیۍ کریا."

سەعید ئوزتورک داواش جە گرد کەسێوە کەرڎە، کە پەی ماڕای دەسەڵاتوو ئاکەپەی و مەهەپەی دەوروو پارتوو چەپی سەوزینە کوۍ باوە.

نەجدەت ئاتاڵای گرنگیی ورچنیەی ١٤و ئایارییش بەر وست و داواشا جە کەسی کەرڎە، دەنگ بە پارتوو چەپی سەوزی بدا.

بریگیت وۊڵف ئەنداموو پارتوو چەپوو ئەڵمانیایچ قسێش کەرڎە و ئەرەیاوناش، کە ئادۍ پەشتگیری جە پارتوو چەپی سەوزی کەرا.

دماتەر ئونور ئەوین و سەحەر سترانە هونەرەکەشا پێشکەش کەرد.

س.ز