بە مەڵامەت و ماڕاو ئاگۆشەگیریە کە نزیک بە ٣ۍ ساڵان سەرو ڕابەر ئاپۆیرە سەپیان چێرو بڕێ بەهانا بیبنەمایانە، کە دەوڵەتوو ئەرەگیر و تورکییەی بە هامکاری سیسەمی سەرمایەداری ئی ئاژەیە وەڕاوە بەرۆ. ٢٣ۍ ئی مانگۍ جە شارو سلیمانی جە چوارچێوە و کۆشیایەکا و کۆمیتەو ئازاڎیی ڕابەر ئاپۆی وینیشانداێش وەڕاوە بەرد؛ بەشێوە وەرچەم جە گلیرگەو پانیشتوو کوردسانی و ئازاڎیی وازا بەشداریشا کەرد و ئانەشا واوەی کەردۆ کە پەی سەقامگیربیەی وەرکەوت و میامینی پەنەوازا کە هەرچی زووا گۆشەگیری سەر و ڕابەر ئاپۆیۆ ورگیریۆ و بەرەو گفتووگۆکەردەی و پرس و چارەسەری پەی ئاواکەردەی ئاشتی جە مەنتیقەکەنە گیریۆرەوەر.

وەڕاوەبەردەو ئی کۆشیایا پەی ئازاڎیی ڕابەر ئاپۆی جە کاتێوەنە وەڕاوەبریۆ کە جەنگێوە فراوان ماوەو زیاتەر جە٨ ساڵان مابەین و دەوڵەت و ئەرەگیر و تورکیەیو هیزەکا گەریلاینە جە سەرنیشت و پانیشت و کوردسانی وەڕاوە بریۆ. وەڕاوەبەردەو ئی جەنگەیە جەلایەن و دەوڵەت و ئەرەگیر و توکیەیۆ بە هامکاری وڵاتا ناتۆی و یەکێتی ئۆروپای وەڕاوەبریۆ و تەمام و پیویسییەکا جەنگیشا دێنۍ دەس و سەروازا تورکیەیۆ، ئینە سەرەڕاو ئانەی کە چنڎین جۆر چەکی کۆکشا دان دەس و سوپا ئەرەگیرەکۍ تورکیەیۆ.

جە وەرانوەرەنە هیزو گەریلای بە ئیرادە و باوڕی ویشۆ، مدرامانێ قارەمانانە وەڕاوەبەرۆ و جە ماو چن ڕۆی وەڵینینە بە شێواز و تایبەت و ویشا چنڎین لێوە ورشا کوان سەرو بارەگا و مەڕا  جەڵدرما تورکی و نزیک بە ١٠٠ئەرەگیرېشا بە سزاو گلیرگەی یاونێنی و چنیڎن سەروازېج زامڎارۍ کریێنی.

ئی ئاژە بیەن بە مەڵامەت و ئانەی کە تەرسی و دڵە خورپەی فرە جە لاو سوپا ئەرەگیرەکی تورکیەیۆ وەشکەرۆ. بەمەڵامەت و ئی چالاکیۆ هێزەکا پاریزناو گەلی هەپەگە گەشمەردەبییەو چوار گەریلایاش ئەرەیاونا و سەروەشیش جە بنەیانەو گەشمەردا وازتو؛ واوەیش کەردۆ کە سەرو ڕاو ئامانجەکاشا بەردەوامۍ با. هەرچنە دەوڵەت و ئەرەگیرو تورکیەی ئامانجشا کە ژمارە و کوشیایا و سوپێکیش جە گلیرگە و تورکیەیو دنیۍ شارۆوە جە ڕاو ئەرەیاوناکاشۆ، بەڵام هیزەکۍ هەپەگەی چەنی ئەنجامداو هەر چالاکێوە، ژمارەو کوشیایا سەرەروازا تورکی وەڵا کەرۆوە، ئینەیج بیەن مایەو نیگەرانی گلیرگەو تورکی و هێزە دیموکرات وازەکی دلی پەڕلەمان و تورکییەی.

هەرچی زیهنیەت و فاشیزم و دەوڵەت و ئەرەگیرو تورکیەیچا جیای ئانەی پەنا پەی چارەسەری دیموکراتیانەی بەرۊ تا چی تەنگەژە و قەیرانە قوڵۍ ئابوری ڕزگارش بۆ کەچی جە وەرانوەروو مەڕیاو سوپێکیشەنە؛ پەلامارەو یاگە مەدەنییەکا وەرنیشت و کوردسانی مڎۆ. ماوەو چن ڕوێن دیارو چەما گردوو دنیېوە بەشێوە فرە جە چێرخان و سیسەم و وەڕاوەبەردەو وەرنیشت و کوردسانیش کەردەن ئامانج و پەلامارەکاش و پی مەڵامەتۆ ٦ هاموڵاتی مەدەنیۍ گەشمەردی بیېنی.