جە ناوچەو فارقینو ئامەدی مەراسیمو نەورۆزی بەجۆش و خرۆشۆ پیرۆزکریا و فرەو کەسا بەشدارۍ بێنۍ.

هامسەرۆکو دەبەپەو شارەکەی، محەمەد سیرین گوربوز واتش: "داوا مکەرمۍ پەیامو ئېژا عەبدوڵا ئۆجالانی بیاوۆ بە مەراسیمو ٢١ و ئاداری جە ئامەد. ڕۆو ئازاڎبیەی ڕابەرایەتی نزیکا".

ئەندامو دەسەو ڕاوەبەری دەبەپەی، موراد کیلیچ واتش: "بە خاوەنداری چی بانگەوازیە، گلېرگەی دیموکراتیکی بنیاڎ منیەیمۍ".

پەرلەمانتارو دەم پارتی عەدالەت کایا واتش: "ئی نەورۆزە، نەورۆزو ئازادی ڕابەرایەتیا. بانگەوازەکەو ئېژا ئۆجالانی، بانگەوازو حەقیقەتی و ئازادیی گەلان. ئی پرۆسە ئازادی پەی گرڎو گەلا مارۆنە. ئێمە جە پېوەرە ژیۋای ئازادانەی نزیکێنمۍ".

ئېرو نەورۆزی کریاوە، مەراسیمەکە بە گۆرانیۍ بەردەوام بۍ.

خانا ئاخپار

جە پارکو نوژیانی خانائاخپارینە جە ئامەد مەراسیمەکە لوواڕاوە. هامسەرۆکۊو دەم پارتی ئامەدی، گوڵشەن ئۆزەرە ئەرەیاۋناش پېسە چنین جە ۋېیەردەنە نەورۆز ئەرەپڕای بۍ دژو زووحاکەکا، ئارۊیچ بە ماناو ئەوەکۊشاین دژو زووحاکەکا.

دماتەر ئېرو نەورۆزی کریاوە و هۊرپڕای ساز کریا.