جە ئەرەیاۋناکەو فەرماندەیی (نەپەگە)ینە ئامان:

"وەڵۍ گرڎ چێوێنە ئێمە بە هەستی سۆڕشگێڵنیوە جە ناخۆ سڵام جە شمە هامڕایا بەقیمەتی مکەرمۍ، کە بە ئازایەتی بەرز و رۆحی فیدایی ئاپۆییوە بەشداریتا جە ئۆپراسیۆنی شۆڕشگێڵنیی گەشمەرڎە جوانی و گەشمەرڎە ئاندۆکینە کەرد و بە ماناڎارتەرین شێوە پێشوازیتا جە جەژنەو ژیۋایۆ گەلوو کوردی نەورۆزینە کەرد. جە کەسایەتی گەشمەرڎا نەورۆزینە ئەکینە و جانشێر کە بە هەڵوێسوو کاوەی هامچەرخی مەزڵوم دۆغانی پێشوازیشا جە نەورۆزوو ئازاڎینە کەرد، ئێروو نەورۆزیشا گەشکەردۆ و گورزەی قورسەشا ۋنەو سوپاو تورکی کۆلۆنیالیستی شانا، ئێمە گرڎوو گەشمەرڎاما بە رێز و پنەزانایۆ یاڎ مارمێوە.

١٩و ئاداری جە مێڎانوو مدرامانوو کەش و ئامێدینە جە دلێڕاسەو ٤ بارەگایا سوپاو تورکی ئەرەگیرینە جە دووۍ بارەگایا گرنگی دریا کە تانک و چەکی قورس پارێزنێشا. دماو ئانەی بە تەکنیک و تاکتیکی تایبەت گورزەی قورسە جە دوژمنی شنیا، لووۍ سەروو سەنگەرەکاو ئەرەگیرا. جوابی پێویس بە دەسوەردای دوژمنی جە ڕاو تانکی و تۆپێوە دریاوە و هەردووە بارەگاکەو دوژمنی کە پارێزیێبێنۍ جە ئاستێوە گرنگەنە دلێنەبریۍ. گرڎوو ڕاو جاکا سوپاو تورکی ئەرەگیری جە ڕاو ئی چالاکیەیۆ دلێنەبریۍ، ئۆپراسیۆنی شۆڕشگێڵنی جە ٨ قۆڵێوە ئەنجامدریا. گەریلا بە رۆحوو نەورۆزی پێسە واشێوە پەنجەکێش جە پارێزیاتەرین بارەگاو دوژمنی جە مێڎانەکەنە گیرۍ کەردۍ و گورزێوە قورسەش ۋنەو سوپاو تورکی شانا. سوپاو تورکی جە ۋەرا ۋەروو ئانەینە نەتاواش حیج چێوۍ بکەرۆ، ئەنجامەکاو ئۆپراسیۆنی شۆڕشگێڵنیش شارتێوە و حۊڵشدا ۋەر بە وینای و بەرکۊتەی کاریگەری تەکنیکی و تاکتیکی هەپەگەی بگێرۆ.

فرە ماناڎار بۍ کە نەورۆزوو گەلوو کوردی وڵاتپارێزی بە ئۆپراسیۆنێوە شۆڕشگێڵنیی سەرکەوتانە پیرۆز کریا. مبارەکبایی جە گرڎۇ فەرماندە و جەنگەوانەکا مکەرمۍ کە جە گرڎ ئاستێوەنە بەشدارۍ بێنۍ جە ئۆپراسیۆنی شۆڕشگێڵنی گەشمەرڎە جوانی و گەشمەرڎە ئاندۆکینە بە گیانوو نەورۆزی.

جەنازەو هامڕایا ئەکین رۆدیۍ و جانشێر شێراوای کە جەنگاوەرۍ بە قیمەتۍ ئاپۆیی بێنۍ، دلۍ جەنگی قورسینە هۊرگیریۍ کە ئانەیچ نمونێوە گەورەو وەفاڎاری بۍ پەی گەشمەرڎا و دڵسۆزی بۍ پەی بەهاکا. نیشاندای جەنگاوەری فیدایی ئاپۆیی خاوەنداریش جە گەشمەرڎا و هامڕایا، چالاکیەکەتاش ماناڎارتەر و بە قیمەتتەر کەردەن. ۋەروو ئا هەڵوێستەیتا، ئێمە جارێوەتەر مبارەکبایی جە هێزوو ئۆپراسیۆنی شۆڕشگێڵنی مکەرمۍ و سڵام جە هەڵوێستەکەیتا مکەرمۍ.

هامڕایا بە قیمەت، گرڎ نەورۆزێوە پەی ئێمە بیەن بە مەڵامەتۍ پەی سەرەتێوە تازەی، هەڵمەتەی تازۍ. هەڵوێسوو شمە کە بە گیانوو نەورۆزی پێشوازیتا جە نەورۆزی کەرد، بەرش وست کە کۊشیای ساڵەی تازێچ بەهەمان هامسەنگی، رێباز و ئەنجام هۊرگێرتەی ویەرۆ. ئێمە قەناعەتما پاسەن کە سەروو ئا بنەمایۍ شمە ۋێتا زیاتەر قووڵ مکەردێوە و سەرکەوتەی فرە گەورەتەر بەدەس مارۆ. هیواو سەرکەوتەیتا پۍ موازمۍ".