نێرگس محەمەدییە براوۍ خەڵاتوو نۆبڵوو ئاشتی و داکۆکیکارە جە مافەکا مرۆڤی کە ئینا زینڎانوو ئێڤینینە بە مەڵامەتوو ئانەی هێزە ئەمنییەکێش بە دەسدرێژی پەی سەروو ژەنا زیندانی تۆمەتبارۍ کەردێبێنۍ، دادگایی مکریۆ.
جارێوەتەر نێرگس محەممەدییە، چالاکەو مافوو مرۆڤی و براوۍ خەڵاتوو نۆبڵوو ئاشتی دادگایی مکریۆ، پرۆسەکە بە کراوەیی و بە ئاماڎە بیەی ڕۆنامەنوویسا سەربەخۆی، ژەنا و چالاکا ملۆڕاوە.
پېسە ۋێش ئەرەیاۋنانش، مەڵامەتوو دادگایی کەردەی ئیجارەیشە، ئانەنە کە ئاشکراش کەردەن هێزە ئەمنییەکاو زیندانەکەی دەسدرێژیی سێکسیی مکەرا سەروو ژەنە گیریایەکا و ئەشکەنجەشا مڎا.
نێرگس محەممەدیە، کە جە گێرتەخانەو ئەوینی جە تارانەنە زیندانیە کریێنە، جە هەژماروو تایبەتی ۋێشەنە جە ئینستاگرام داواش جە ژەنا کەردەن، کە ئا پاشێلکاریی و دەسدرێژییە سێکسیا دەسەڵاتدارا ۋەراۋەرشا ئەنجامشا مڎۆ، وەڵاشا بکەراوە.
نێرگس محەمەدییە، مامۆسا و چالاکەو مافوو مرۆڤی، جە تشرینی دووەموو ٢٠٢١یوە زینڎانیە کریێنە، ساڵەو ٢٠٢٣ خەڵاتوو نۆبڵیش پەی ئاشتی هۊرگێرتەن.
