"نەتەوەی دیموکراتیک پڕۆژېوە هەمەجۊر و یۊگېرتەن"
فەرناز عەتیە دوکتۆرۍ جە زانستە سیاسیەکانە ئەرەیاۋناش، نەتەوەی دیموکراتیک پڕۆژېوە هەمەجۊرا و یۊگېرتەن کە جە لایەنوو ڕابەراووگەلوو کوردی عەبدوڵا ئۆجالانیۆ پێشکەش کریان.
فەرناز عەتییە دکتۆرۍ زانستە سیاسییەکانە، سەروو پڕۆژەو نەتەوەی دیموکراتیکی ڕابەروو گەلوو کوردی عەبدوڵا ئۆجەلانی، هۊرسەنگنایش پۍ ئاژانسوو فوراتی کەرڎ.
فەرناز عەتییە واتش:" وەختۍ جە ڕوانگەی سیاسییوە تەماشەو پڕۆژەو نەتەوەی دیموکراتیکی کەرمۍ، موینمۍ بەڕێز عەبدوڵا ئۆجالان داواو نەتەوېوە دیموکراتیکی کەرۆ و ئینەیچ ئانەی بەروزۆ کە ئاڎ گەرەکشا پرەنسیپوو هاموڵاتیبیەی بەقوەت بۆ و پێویسا کۆمەڵایەتی بیەی وەڵۍ گنۆ و پەیماننامەو بەینوو هاموڵاتی و دەسەڵاڎداریی نەتەوەی دیموکراتیکی یەکسانی جە بەینوو ژەن و پیاینە بۆ، کە حەریۊشا مافوو ئانەیشا هەن بە شێوېوە شەرعی بژیۋا و پېوەرەژیۋای هامبەش بەینشانە بۆ."
جە درێژەو قسەکاشەنە واتش:"با ۋیرما نەشۆ کە دیارتەرین مۆدێل پۍ جابەجێکەرڎەی ئی ویرۆکەیە مۆدێلوو ۋېڕاوەبەری سەرنیشتوو ۋەرکەوتوو سوریایا، مۆدێلېوەن سەروو بنەماو ویرۆکەو نەتەوەی دیمۆکراتیکی، مۆدێلەکە سەروو بنەماو ئازاڎیی و یەکسانی ئەرەمەرزیان. جە ئایینی و ئایینزای و پێکئامای نەتەوەیی جیاوازی پێکئامان."
فەرناز عەتیە واتش:"ئەگەر پەرە بە فکرەکاو بەڕێز عەبدوڵا ئۆجالانی بڎەیمۍ، موینمۍ کە باسش جە نا ناوەندیبیەی ئابووری جە شارەوانییەکانە کەرڎەن و ئینەیچ یۊن جە پێکئاما گرنگەکاو ڕاوەبەری. ۋەروو ئانەی سەرنج وزۆ سەروو پێویسی ئازاڎیی، یەکسانی و پێویسی دیموکراسی و تواناو ڕاوەبەردەی گلېرگەی."
سەبارەڎ بە پەرسوو ژەنا، فەرناز عەتیە ئەرەیاۋناش، ڕابەروو گەلوو کوردی عەبدوڵا ئۆجالان جە فکرەکاشەنە قسەکەرڎەی سەروو پەرسوو ژەنۍ و دەورەکاش بەگرنگ موینۆ، حەرپاسە چەمکوو کۆیلایەتیش بە گرڎ شێوېوە ڕەڎکەردەنۆ، بەتایبەتی کۆیلایەتیېوە کە سەروو ژەنارە سەپیان.
فەرناز عەتیە واتش:"عەبدوڵا ئۆجەلان چەمکوو ئازاڎیش تازەکەردۆ و زانستوو (ژنولۆژی)ش وەشکەرد، ئی زانستە سەبارەڎ بە پەیوەندییەکاو ژەنا چنی ئابووری، گلېرگەی و هەرمانۍ کۆمەڵایەتیۍ هۊرسەنگنای کەرۆ. ئینە پڕۆژېوە ڕاستەقینەن. جە ئاکامەنە مشۊم بە عالی چنەش بیاومېنە، پێویسا جە وڵاتە عەرەبیەکا و ۋەرکەوتوو دلېڕاسەینە وەڵاش کەرمېوە."
