نەورۆز هاتاینە بە درووشمو "ئەرەپڕە، وەختو ئازادی و سەرکەوتەین"  گەڕەکەو ئاڵتۆجاکو دۆرتیۆلو هاتاینە کریا. ژەنی و گەنجێ بەشێوێوە وەرەچەم بەشدارێ بێنێ و ئامادەبیێ بە جلوبەرگی نەتەوەیی وێشاوە ڕووەشا کەردە ئاهەنگەکەی.

هامسەرۆکو دەم پارتی دۆرتیۆلی هیدر سیملی داواش کەردە، داواو زیندانییە مانگێرتا جە واردەی بیاویۆ یاگێ پەی ئازادیی ڕابەرو گەلو کوردی عەبدوڵا ئۆجالانی و چارەسەرو پرسەو کوردی.

دمایی پەیامو ڕابەرو گەلو کوردی عەبدوڵا ئۆجالانی نەورۆزو ٢٠١٣ ونیاوە، کاندیداو دەم پارتی مەنتێقەکەی واتشا: "وەختوو ماڕای گۆشەگیریین" و بانگەوازشا کەرد پەی کۆشیای یۆگێرتەی.

دمایی هامسەرۆکەو پارتو هەرێمە دیموکراتیکەکا (دەبەپە) چیدەم کلچگون ئوچارە ئەرەیاوناش نەورۆز ڕاپیمای درێژو ئازادیین، شناسنامەو کۆشیای گەلو کوردین.

چیدەم کلچگون ئوچارە تیشکەیچش وستە سەروو هەوڵەکاو ڕابەرو گەلو کوردی عەبدوڵا ئۆجالانی پەی چارەسەری و نەخشەڕاو نەورۆزو ٢٠١٣ یاد ئاردۆ، واتش ئی نەخشەڕێ پەی مردنای هەڵسا و کوشتەی بێ تورکیانە، لاو تەمامو بەشەکاو جڤاکیوە قبووڵ کریا. واتش: "نەخشەڕێکێ ماناو ئاشتی و یەکسانی و ئازادی و دادپەروەری و یاسێ بێ تورکیانە، ئینە دەردەو کێ نمەوەرۆ؟ بێگومان دەرەو دەسەڵاتو ئاکەپەی و مەهەپەی نمەوەرۆ، پەوکای واتشا"پڕۆسەو چارەسەریما مردنا" و واوەی ڕووەشا کەردۆ کۆکوشی".  

ئوچارە ئەوەخوایش کەردۆ بناغەو کێشەکاو تورکیای، پەرسەو کوردینە، واتش چارەسەرو پەرسەو کوردی ئینا ئیمراڵینە.

دمایی چیدەم کلچگون ئوچارە و ئەدایاو ئاشتی ئاویرو نەورۆزیشا کەردۆ.  

ئاهەنگەکە بە گۆرانیێ و ورپڕای دماییش ئاما.