ڕۆو٢١ ئاداری، یانێ هیزی بە بەشداریی زیاتەر جە ٢٥ هەزار کەسا شارو گیلانغەربو کرماشانینە جەژنەو نەورۆزی کریا.  

گیلانغەربو پارێزگاو کرماشانینە وەرکەوتو کوردستانینە هیزی ٢١ ئاداری بە بەشداریی زیاتەر جە ٢٥ هەزار کەسا جە ئەرەنیشتاو شاری و مەنتێقەکاو دەوروبەری جەژنەو نەورۆزی بە جۆشوخرۆشێوە جەماوەرییوە کریا.

ئاهەنگو نەورۆزو ئێساڵی بۆنەو  وارانی لێزمەیۆ و لافاویوە وەرکەوتو کوردستانینە کاریگەریی فرەش سەرو بڕێ مانتێقاوە وەش کەردەبێ، بەڵام بەگردیوە نەورۆزو ئێساڵی وەرکەوتو کوردستانینە بەشێوێوە حەماسی کریا.

بەتایبەت ٢١ ئادارینە گەلو کوردی گیلانغەربو پارێزگاو کرماشانینە جیاواز جە ساڵاو وەڵێ نەورۆزشا بەرد ڕاوە. بەشداربیێ بە کەردەینەی جلوبەرگی کوردی و ورپڕای کوردەواری ئاهەنگەکەشا ڕازناوە. بەتایبەت بە کەردەینەی جلوبەرگی ڕەسەنو مەنتێقەکەی و "گۆڵۆەنی" ژەنا ئاهەنگەکە سەرنجکێشتەر بی.