"نەژلا دەمیر"ە یۊنە جە کاندیدەکا پارتو چەپی سەوزی جە ئاگری پۍ پەلەمانی بە ئاژانسو هەواڵی فورات (ANF)یش ۋات، یوۋەم پڕۊژێوە، کە گەرەکشا ئەنجامش بڎۊ، ئانەن، کە گەرەکشا وەرھەمئارڎەو زەراعەتی جە لایەن و ژەناوە پەرە پنە بڎۊ. دەمیرە باسش جە پەنەوازی ھەرمانەی هەرەوەزیۍ پۍ ۋەرهەمئارڎەی ژەنا جە ئاگری کەرڎ و ۋاتش: "مەبۊ ئیتر ڕا بە جوۋاناما بڎەیمۍ، کە بەمەڵامەتو بێھەرمانی و نا ھومېڎیۊ کۊچ پۍ ۋڵاتا ۋەرنیشتی کەرا. بەشێۋەیچش پەشتیش بە مشەۋەری، تاڵانی و ۋارڎەو سەرچەمەکا ۋڵاتی بەستەن. ئێمە  کۊشیەیمۍ پۍ ڕاگېرتەی چی ئەرەگیکەرڎەیە و دۊشتەیە حەتا ئا سەرچەمۍ پۍ گرڎو گەلی با".

"نەژلا دەمیر"ە کێنە؟

دەمیرە جە ساڵەو ۱۹۸۸ی جە ئاگری جە ئەڎۍ بیێنە، هامسەرگیریش کەرڎەن و دوۋۍ زارۊڵېش ھەنۍ. مەکتەب و سەرەتایی، ناوەنڎی و ئامادەییش جە ئاگری-نە تەمامکەرڎەن.

 دەمیرە ۋەناو بەکالۊریۊسیش جە کۊلێجو کشتوکاڵی و بەشو ئەندازیاری کشتوکاڵی جە زانکۊو "یوزونجویل"ینە تەمام کەرڎەن. حەرپاسە جە پەیمانگاو زانستی و تەکنەلۊجیاو هەمان زانکۊینە شەھادەو ماستەریش جە زانستو ئاژەڵیەنە بە دەشئاورڎەن.

 جە ساڵەو ۲۰۱۱ ینە جە ژوورو کشتوکاڵی ئاگری-نە دەسش بە ھەرمانۍ کەرڎەن. دەمیرە ۋنەکۊڵیایۍ فرەش پۍ خاسکەرڎەو مەنتیقە کشتوکاڵییەکا کەرڎەن.

ھ.ش