پانیشتوو کوردەسانینە دەگایەکۍ بۆمبواران مکریا
هروژمەکۍ دۆڵەتو تورکی ئەرەگیری بە مەرامو ئەرەگیرکەردەی پانیشتوو کوردەسانی رووبەڕوو کاروەدای و ناڕەزایی تنو هاموڵاتیا بیەنۆ.
بە دیمەن
هرووژمە ئەرەگیریەکۍ
دۆڵەتو تورکی ئەرەگیری جە ساڵۊو ٢٠٢٥ینە هرووژمەکێش پەی سەرو خاکو پانیشتوو کوردەسانی دژوارتەرۍ کەردێنۍ. جە لێوەتەرۆ هرووژمە ئاسمانییەکۍ ناوچە مەدەنی نشینەکا، دەگێکۍ و دەوروبەرو دەگایەکا مکەرا ئامانج، جە لێوەتەرۆ ئا مەردمەی جە دەگایەکانە مژیوا ناچار بە کۆچبەری مکریا. بەمەڵامەتو هرووژمی دژواریۆ، دەگا نشینەکۍ نمەتاوا بلانە دلۍ رەز و باخەکاشاوە و ئانەیچ بۆ بە مایۍ ئانەی کە سەرچەمەو بژێوییشا جە دەس بڎا.
جە لێوە پەدەکە ئەرەیاۋنانش کە تا ئەمرێوە تازۍ بەرەمشۆ هاموشۊو ڕۆت چا دەگایانە قەدەغەن و جە لێوەتەریچۆ پەی ئانەی ئا هاموڵاتیە مەدەنیۍ جە دەگایەکانە مژیوا جە دەگایەکانە نەلا جبەر بە کاتیۆشا و فڕۆکەی جەنگی دەوروبەرو دەگایەکا بۆمبواران مکریۆ.
گەل یاوانەنە کە مەڵامەتو ئا ئاژە دژوارەی کۊتەنشەنە هامکاری پەدەکەین پەی دۆڵەتو تورکی. هرووژمەکۍ دۆڵەتو تورکی بە مەرامو ئەرەگیرکەردەی پانیشتوو کوردەسانی دلۍ گەلوو هەرێمەکەینە ڕاش ۋەردەمو ناڕەزایەتیۍ گۊرەینە کەردەنۆ.
