پارلاك: به پارتېۋە درێژه به خه‌باتی مڎەیمۍ، نه‌ك دۋۍ پارتۍ
وه‌زیر جۆشكون پارلاك، په‌رله‌مانتارو جوله‌مێرگو پارتو چه‌پی سه‌وزی ئەرەیاۋناش، دماو كۆنگره‌ی به یه‌ك پارت درێژه به خه‌باتیما مڎەیمۍ، نه‌ك دۋۍ پارتۍ.
وه‌زیر جۆشكون پارلاك، په‌رله‌مانتارو جوله‌مێرگو پارتو چه‌پی سه‌وزی قسېش پۍ ئاژانسو هەۋاڵی فورات، (ANF)ی، کەرڎۍ و زانیاریش جە بارەو به‌رنامه‌و ئاینڎەو پارتەکەیش و ئا كونگره‌ی کە قەرارا مانگەو ئه‌یلولی بەسیۊنە و چنەشەنە چنڎین فاڕیۍ ئه‌نجامۍ بڎریا، وست ڕووە.
ئا په‌رله‌مانتاره ئاماژەش پانەی کەرڎ، هه‌ده‌په و پارتو چه‌پی سه‌وزی پۍ هۊرسەنگناو ئه‌نجامۍ هۊرچنیەکا، گفتوگۆ چنی ڕێكوستەکا شاری و مەنتیقەکا کەرا و جە قۆناغی ئاینڎەنە به پاو ویست و داواكاری گه‌لی، سەرجەنۊ ۋېش به‌ڕێكوستەی کەرۊ.
پارلاك ئاماژەش پانەیچ کەرڎ، دماو هۊرچنیەکا حه‌ر دۋە ده‌سه‌ی ڕاۋەبەری ناوه‌نڎی هه‌ده‌پەی و پارتو چه‌پی سه‌وزی هۊرسەنگنایۍ وردشا کەرڎ. ڕۊشنشکەرڎۊ، "ئه‌نجومه‌نو پارتی، هامسه‌رۆكا شاره‌كا، هامۋته‌واچا، ڕێكوستەی مەنتیقەکا سه‌ر به حه‌ر دۋە پارته‌كەی، چنی پێكئاماکا هامپه‌یمانی ڕه‌نج و ئازاڎیی، هۊرسەنگنای پۍ قۆناغه‌كه‌ی کەرا.
ۋاتیچش: جە گلېرۊبیەکانە چنی گه‌لی جە سەرنیشتوو كورڎسانی و توركیای، جە ما بەینو ١٥ پۍ ٢٥و ئابینە هۊرسەنگنېکۍ کریا و گۊش جە پێشنیار و ڕه‌خنه‌كا گیریۊ و جە كۆنفرانسه‌كا بە ڕېکوستەیۊکەرڎەینە هه‌نگامۍ تازۍ بنیاڎنەرۍ منریا. نیازما ئانەی ڕۊشنکەروە، پۍ ئێمه به‌نرختەرین پێشنیاز و هۊرسەنگنېکۍ ئانېنۍ كه جە گلېرۊبیەکانە چنی گه‌لی وزیانە ڕۋە. دماو ئانەی قۆناغه‌كۍ هۊرسەنگنای و گفتوگۆی دمایشا ئاما، پارته‌كه‌ما جە مانگەو ئه‌یلولینە كۆنگره‌كه‌یش ئه‌نجام مڎۊ و لوجنە تازەکاش دیاری کەرۊ.
پارلاك ئانەیچش وست ڕۋە، حەتا ئیسە قەرارەکە نەڎریان، به‌ڵام وەختۍ پارتو چه‌پی سه‌وزی كۆنگره‌كەی ئه‌نجام بڎۊ، بڕۍ فاڕیای جە به‌رنامه و ڕێساكانە کریۊ و ۋاتش: ئیحتیمالا نامۍ پارتەکەی یۊ چا فاڕیایە بۊ. فراكسیۆنه‌كه‌ما جە هەرمان کەرڎەی سەرو ئی مژاریە ۋەردەواما. چیولای به یه‌ك پارت درێژه به خه‌باتی مڎەیمۍ، نه‌ك دۋۍ پارتۍ.
پارلاك تەئکیدش کەرڎۊ، هه‌ده‌په پارتێۋەن كه جە مەرحەلېۋە تاریخی فرە گرنگەنە ئەرەمەرزیا و جە لایەنو به‌شێۋە گۊرۊو گه‌لیۊ پاڵپەشتیش ۋنەکریا. به بۍ ئانەی ئا كۆكەرڎەیۊ و میراسە جە دەس دریۊ، شێۋېۋە په‌یڕه‌و کەرمۍ، كه به‌پەشتبه‌ستەی پنەش بتاۋمۍ قۊرتە یاساییه‌كا ۋه‌رو ده‌میما ۋیەرنمۍ.
سەرو گرڎ ڕه‌خنېۋە هه‌ڵۋێسه کەرمۍ
پارلاك سه‌باره‌ڎ پانەی مشۊم داواكارییه‌كۍ گه‌لی پۍ سیاسه‌ته گرڎینەییەکا چنی گه‌لی یه‌كلایی کریاۋە و ۋاتش: نه‌ریتو سیاسی ئێمه چانەن كه گرڎ قەرارەکۍ چنی گه‌لی دریا، پارته‌كه‌ما جە تەرەفو گه‌لیۋە ئەرەمەرزیان و چنی گه‌لی گۊرە بیەن. چی ئاخرانە ڕه‌خنه‌و ئانەی گیریۊ کە پارتو گه‌ل جە ېۊترینی دوور کۊتېنېۋە. ئێمه به گرنگییوه تەماشەو ئی ڕەخنا کەرمۍ و پۍ ئانەیچ میكانیزمۍ بەقوەتۍ ۋەشکەرمۍ.
هـ . ش
