کۆنگرەو ستاری و پارتە سیاسییەکاو کانتۆنو عەفرینی و شەهبای چوارچوەو هەڵمەتەو ئازادیی جەستەیینە پەی ڕابەرو گەلو کوردی عەبدوڵا ئۆجالانی و شەرمەزارکەردەی گۆشەگیری، جە کامپو سەردەمینە جەمێ بیێوە و بە کوردی و عەرەبی ئەرەیاوناێوشا واناوە. ئەرەیاونایەکە لاو ئەنداماو مەجلیسو کانتۆنو عەفرینی و شەهبای شیلان شێخۆیێ و ناجی سەلامیوە ونیاوە.  

ئینە ئەرەیاونایەکەن:

"قەیرانەکاو وەرکەوتو دلێڕاسەی جە بەردەوامیی جەنگی یەرەمو جیهانینە قووڵتەرێ و وەرفراوانتەرێ باوە. دەوڵەتی فاشیستو تورک بە وەشکەردەی پلانەکاش سەرو کوردا و گەلاو وەرکەوتو دلێڕاسەی سەرمەشقایەتیی جەنگی و ئامرازەکاش هەژموونگەرایی مکەرۆ.  

زیاتەر جە یەرێ ساڵان دەوڵەتو تورکی فاشیستی، گۆشەگیریێوی سەختش وستەن سەرو ڕابەر عەبدوڵا ئۆجالانی. بەردەوامیی گۆشەگیری بە ماناو بەردەوامیداین بە جەنگی. ئەرەمەنەیەکاو ڕابەر ئاپۆی بیێ بە ڕۆشنایێوە و لاو چندین فەیلەسووف و ئەکادیمیستاو جیهانیوە مونیاوە. پەی ئازادیی جەسەیی ڕابەرو گەلو کوردی عەبدوڵا ئۆجالانی و چارەسەرکەردەی پەرسەکاو کوردی، سەرو ئاستی جیهانیینە، کامپەینێ بریا ڕاوە.  

داوا وەنەو گلێرگەی میاننەتەوەیی و ڕێکوزیا میاننەتەوەییەکا مکەرمێ، بە هەرمانەو وێشا ورزا و فشار بوزانێ سەرو دەوڵەتی فاشیستو تورکی و ناچارش بکەرا دمایی بە گۆشەگیری بارۆ و چوارچوە و ماف و پەیمانە گەردوونییەکاو مافەکاو ئینسانینە  ئازادیی ڕابەر ئاپۆی دەسەبەر بکەرا.

وەعد مدەیمێ تا دەسەبەرکەردەی ئازادیی ڕێبەرێتی، بەردەوامێ بیمێ جە کامپینی، دەسوەڵێوستەیی،وێنیشاندای و پەروەردەکەردەی سەرو بنەماو فکر و فەلسەفەو ڕابەرێتی و ئاستو کۆشیایما بەرزتەر بکەرمێوە."