جە چوارچێوەو گېڵاو چڕیەو ھورچنیەکانە، شانڎو پارتو چەپی سەوزی لوۋا دلۍ مەنتیقەو قوبینەو ئێلیحی. شانڎەکە جە هامسەرۊکو کۊنگرەو گلېرگەی دیموکراتیکی "بەردان ئۆزتورک، هاموتە واچو پارتو چەپی سەوزی و ئیبراهیم ئاکن، هامسەرۊکو پارتو هەرێمە دیموکراتیکەکا (دەبەپە)ی و سەرۊکو گرڎی پارتو جمیەرو رەنجدەرا و هاکان ئۊزتورک"ی پێکئامان و جە دەروازەو قوبینۍ پێشوازیشا ۋنە کریا و بە قافڵەو ترۊمبېلەکاشا لوۋۍ دلۍ مەنتیقەکەی.

جەماوەر دروشمېشا واتېۋە و بەرەو نۋسینگەو ھورچنیەی لوۋۍ. دماو پێشکەش کەرڎەو چن قسېۋە نۋسینگەکە کریاۋە و شانڎەکەیچ بەرەو کۊڵانەو باخچەلیەڤلەری ئێلیحی لوۋۍ پەی کەرڎەیۊ نۋسینگەی و کۊبیەیۊ چنی گەلی.

'کورڎ پاشەکشۍ عالش بە سیاسەتی چەپەڵی کەرڎ'

هامسەرۊکەو دەبەپەی ساڵیحە ئایدەنیزە ۋەڵۍ کەرڎەیۊ نۋسینگەکەینە قسېش کەرڎۍ و ۋاتش: "کورڎ پاشەکشەش بە سیاسەتی چەپەڵی کەرڎەن. ١٥و ئایارینە ئێمە ئازاڎیی کورڎا و گەلا تورکیای بەدەس مارمۍ. حەرپۆکەی چنی پارتو چەپی سەوزی یۊما گېرتەن".

ئایدەنیزە سەرنجش وست سەرو گۊشەگیری رابەرو گەلوو کورڎی عەبدوڵا ئۊجالانی و ۋاتش، "بە مەڵامەتو گۊشەگیری سەرو ئیمڕاڵی دوۋۍ ساڵېن حیچ هەواڵێما جە بەرێز عەبدوڵا ئۊجالانی نییا، مەکریۊ ئینسان ئانەی قەبوڵ کەرۊ".

'سەرکۊتەیما ئینا پېۋەرە

هاموتە واچو پارتو چەپی سەوزی "ئیبراهیم ئاکن" جە دمادماینە قسېش کەرڎۍ و ۋاتش، ھورچنیېۋە تاریخی ئینا ۋەرو دەمیمانە و بە فرت و فێڵۍ گەرەکشانە ئینسانی بۍ ئیراڎە کەرا، پۊکەی ئێمە دەورو پارتو چەپی سەوزیرە یۊما گېرتەن سەرگنمۍ".

هـ. ش